யூடியூப் சேனலிற்காக பேய் போல் வேடமிட்ட யூடியூபர்கள் கைது! காரணம் என்ன தெரியுமா?

'ஜலால்ஸ்'-க்கு பொடியாக களமிறங்கிய யூடியூபர்கள்

பெங்களூரில் உள்ள மத்திக்கறே என்ற பகுதியில் தான் இந்த யூடியூபர்கள் நள்ளிரவில் இந்த செயலை செய்துள்ளனர். ஆஸ்திரேலியாவைச் சேர்ந்த பிரான்க்ஸ்டர்ஸ் 'ஜலால்ஸ்' என்ற யூடியூப் சேனல் போன்று, மக்களை பிராங்க் செய்து பிரபலம் அடைய முயன்றுள்ளனர். ஆனால் இவர்களின் முயற்சி போலீசாரிடம் சிக்கவைத்துள்ளது.

காப்பி அடித்து மாட்டிய கூக்கிபீடியா சேனல்

ஆஸ்திரேலியாவைச் சேர்ந்த ஜலால்ஸ் யூடியூப் சேனலிற்கு இதுவரை சுமார் 3.4 மில்லியன் சப்ஸ்கிரைப்பர்கள் உள்ளனர், அதேபோல் பேஸ்புக்கிலும் இவர்களுக்கு சுமார் 24 மில்லியன் ஃபாலோவர்கள் உள்ளனர் என்பது குறிப்பிடத்தக்கது. இவர்களின் ஐடியாவை காப்பி அடித்து கூக்கிபீடியா சேனலில் 11 வீடியோகள் இதுவரை பதிவிடப்பட்டுள்ளது.

பொதுமக்களை பீதி அடையச் செய்த யூடியூபர்கள்

மத்திக்கறேயில் உள்ள சாந்திநகர் பகுதியில் நள்ளிரவு 2 மணி அளவில் எஸ் மாலிக், நவீத், எஸ் முகமது, சாகிப், எஸ் நபீல், யூசுப் ஏ மற்றும் எம் அக்விப் ஆகியோர் வெள்ளை நிறை கவுன் அணிந்து, தலையில் சவுரி வைத்து பேய் போல் வேடமிட்டு பொதுமக்களை பீதி அடையச் செய்துள்ளனர். இதுகுறித்து காவல்துறையில் புகாரளிக்கப்பட்டு, இவர்கள் சம்பவ இடத்திலேயே நள்ளிரவில் கைது செய்யப்பட்டுள்ளனர்.

செல்லுபடியாகாத இவர்களின் காரணம்

யூடியூப் சேனலிற்காகவும், தங்கள் ரசிகர்களை சிரிக்க வைக்கும் நோக்கத்தில் மட்டுமே இதுபோன்ற செயலை செய்ததாக விளக்கம் அளித்துள்ளார். ஆனால் இவர்கள் செய்யும் செயலினால் விபத்தோ அல்லது யாருக்கேனும் மரைடைப்பு வந்திருந்தால் என்னவாகி இருக்கும் என்று காவல்துறை அதை ஏற்றுக்கொள்ளவில்லை.

காவல்துறையினர் எச்சரிக்கை

பொதுமக்களை நள்ளிரவில் அச்சுறுத்தியதற்காக இவர்களின் மேல் கிரிமினல் மிரட்டல், பொது தொல்லை மற்றும் பொது இடங்களில் சட்டவிரோதமாக கூடியிருத்தல் போன்ற வழக்குகள் பதிவு செய்யப்பட்டு கைது செய்யப்பட்டுள்ளனர். இனிமேல் இதுபோன்ற செயல்களைச் செய்யக் கூடாதென்றும் காவல்துறையினர் எச்சரித்துள்ளார்.