ஜியோ வழங்கும் "டேட்டா லோன்" பெறுவது எப்படி? இது எப்படி செயல்படும் தெரியுமா?

ஜியோ வழங்கும் டேட்டா லோன் பற்றி உங்களுக்குத் தெரியுமா?

இக்கட்டான சூழ்நிலையில், உங்களுக்கு இது மிகவும் தேவைப்படும் நேரத்தில், உங்களிடம் போதிய டேட்டா இல்லையென்றாலோ அல்லது அவசர தேவைக்கு டேட்டா தேவைப்படும் நேரத்தில் குறைந்தளவு டேட்டாவை பெறுவதற்கு உங்களிடம் பணம் இல்லை என்றாலோ, நீங்கள் இந்த 'டேட்டா லோன்' சேவையை பயன்படுத்திக்கொள்ளலாம். ஜியோ நிறுவனத்திடமிருந்து கிடைக்கும் அவசர தரவு வவுச்சர் வசதியின் கீழ் நீங்கள் இந்த ஜியோ டேட்டா கடனைப் பெறலாம். சரி, இப்போது ஜியோ பயனர்கள் எப்படி இந்த டேட்டா லோனை பெறுவது என்று பார்க்கலாம்.

ஜியோ டேட்டா லோன் எப்படி பெறுவது?

MyJio பயன்பாட்டிற்குச் சென்று, உங்கள் ஜியோ எண்ணைக் கொண்டு உள்நுழைந்து, மேல் இடதுபுறம் உள்ள மெனுவில் சென்று, மொபைல் சேவைகளின் கீழ் உள்ள எமர்ஜென்சி டேட்டா வவுச்சரைத் தேர்ந்தெடுக்கவும். பிறகு continue என்பதைக் கிளிக் செய்வதன் மூலம் ஜியோ டேட்டா கடனைப் பெறலாம். பின்னர் 'get emergency data' விருப்பத்தைத் தேர்ந்தெடுத்து, 'activate now' பொத்தானைக் கிளிக் செய்யவும். உங்கள் அவசரக்கால தரவு நன்மை உடனடியாக செயல்படுத்தப்படும்.

டேட்டா லோன் வசதியுடன் ஜியோவிடமிருந்து எவ்வளவு டேட்டாவைப் பெற முடியும்?

ஜியோ டேட்டா லோன் வசதியின் கீழ் நீங்கள் ஜியோவிடமிருந்து 2ஜிபி டேட்டாவைப் பெறுவீர்கள். அதன் பேக் மதிப்பு ரூ. 25 ஆகும் என்பது குறிப்பிடத்தக்கது. இந்தத் தொகையை உங்கள் மைஜியோ கணக்கிலிருந்து நீங்கள் ஜியோவுக்குப் பிறகு செலுத்தலாம் என்பதே இந்த டேட்டா லோன் சேவையின் சிறப்பு. சரி, அப்படியானால், இந்த டேட்டா லோனை பெற தகுதியானவர்கள் யார் என்பதையும் அறிந்துகொள்ளலாம். ஜியோவின் அறிவிப்புப் படி, அனைத்து ப்ரீபெய்டு பயனர்களும் ஜியோ டேட்டா லோனுக்கு விண்ணப்பிக்கத் தகுதியுடையவர்கள்.

MyJio டேட்டா கடனை எப்படி திருப்பிச் செலுத்துவது?

நீங்கள் பெட்ரா டேட்டா லோன் கடனைத் திருப்பிச் செலுத்த, உங்கள் MyJio ஆப்ஸில் உள்நுழைந்து 'Emergency Data Vouchers' என்பதைத் தேர்ந்தெடுக்கவும். இதற்குப் பிறகு, தொடரவும் பொத்தானைக் கிளிக் செய்து, அவசர தரவு வவுச்சருக்கு 'Pay' என்பதைத் தேர்ந்தெடுக்கவும். ஜியோவுக்குத் திருப்பிச் செலுத்த வேண்டிய நிலுவைத் தொகை அங்கு தோன்றும், மேலும் எந்த ஆன்லைன் முறையைத் தேர்வுசெய்து நீங்கள் பணம் செலுத்தலாம்.

ஜியோ டேட்டா லோன் இலவசமா?

வெளிப்படையாகச் சொல்லப் போனால் இது முழுமையாக இலவசம் இல்லை! உங்கள் அவசர தேவைக்கு, அப்போதைய நேரத்திற்கு மட்டும் இதை நீங்கள் கட்டணம் இன்றி இலவசமாக வாங்கிக்கொள்ளலாம். ஆனால், இதற்கான கட்டணத்தை நீங்கள் பிறகு செலுத்த வேண்டியது கட்டாயம் என்பது குறிப்பிடத்தக்கது. மேலே குறிப்பிட்டுள்ளபடி, நிறுவனம் 2ஜிபி அவசரத் தரவுக்கு ரூ.25 வசூலிக்கிறது. இது நியாயமானது மற்றும் வாடிக்கையாளர்களுக்குக் கிடைக்கும் 2ஜிபி 4ஜி டேட்டாவின் ப்ரீபெய்ட் வவுச்சரின் அதே விலையாகும்.

ஜியோ டேட்டா கடனை திரும்பச் செலுத்தவில்லை என்றால் என்ன நடக்கும்?

நீங்கள் ஜியோ டேட்டா கடனைச் செலுத்தத் தவறினால், கடந்த கால நிலுவைத் தொகையை நீங்கள் செலுத்தும் வரை நிறுவனம் மீண்டும் உங்களுக்கு டேட்டா லோனை வழங்காது. மேலும், நீண்ட காலத்திற்கு நீங்கள் கடனாக வாங்கிய டேட்டா லோன் கட்டணத்தைச் செலுத்தவில்லை என்றால், வாடிக்கையாளருக்கு எதிராக சட்ட நடவடிக்கை எடுக்க ஜியோவுக்கு உரிமை உண்டு என்பதைக் கவனத்தில் வைத்துக்கொள்ளுங்கள்.