இனி கேஸ் விலை அதிகமானால் வருத்தப்பட வேண்டாம்.! வந்தாச்சு IndianOil சோலார் அடுப்பு.!

நாட்டில் அனைவருக்கும் தெரியும் நாளுக்கு நாள் சமையல் எரிவாயுவின் விலை அதிகரித்துக் கொண்டே இருக்கிறது. இதனால் பல்வேறு மக்கள் இண்டக்ஷன் பயன்படுத்தத் தொடங்கினர். ஆனாலும் இண்டக்‌ஷன் அடுப்பை அதிக நேரம் பயன்படுத்தினாலும் மின்சார கட்டணம் நாம் நினைத்துப் பார்க்க முடியாத அளவுக்கு வருகிறது. அதாவது இந்த இண்டக்‌ஷன் அடுப்பை அதிக நேரம் பயன்படுத்தினால் மின்சார கட்டணத்திற்கு அதிகப் பணம் செலவாகிறது.

எனவே சமையல் எரிவாயு மற்றும் இண்டக்‌ஷன் அடுப்பு போன்றவை தவிர்க்கவும், உங்களது பணத்தை மிச்சப்படுத்தவும் இந்தியன் ஆயில் கார்ப்பரேஷன் ஒரு புதிய முயற்சியைச் செயல்படுத்தி உள்ளது. அதாவது இந்தியன் ஆயில் கார்ப்பரேஷன் லிமிடெட் சூர்யா நூதன் (Surya Nutan) என்ற சூரிய அடுப்பை அறிமுகம் செய்துள்ளது.

பழைய சோலார் அடுப்புகள் போல் இல்லாமல் இது முற்றிலும் மாறுபட்டுள்ளது. குறிப்பாக சூர்யா நூதன் அடுப்பை மேற்கூரையில் அல்லது வெயிலில் வைக்க வேண்டிய அவசியமில்லை என்று கூறப்படுகிறது. அதேபோல் சூர்யா நூதன் அடுப்பை சமையல் அறையில் எளிமையாகப் பொருத்திக் கொள்ளலாம் என்று தெரிவிக்கப்பட்டுள்ளது. பின்பு இது பார்ப்பதற்கு ஒரு சாதாரண அடுப்பு போல இருக்கும் என்பது குறிப்பிடத்தக்கது.

குறிப்பாக இந்த அடுப்பில் இரண்டு அலகுகள் கிடைக்கிறது. ஒரு யூனிட் சமையலறையிலும் மற்றொன்று வெளியில் வெயிலிலும் வைக்கப்படும் என்று கூறப்படுகிறது. பின்பு சூர்ய ஆற்றலை வெப்ப ஆற்றலாக மாற்றும் தெர்மல் பேட்டரியும் இதில் இடம்பெற்றுள்ளது. இதனால் இரவு நேரத்திலும் இதை அருமையாகப் பயன்படுத்த முடியும் என்பது தான் சிறப்பு.

அதேபோல் இதில் பகலில் ஆற்றலைச் சேமித்து வைத்து இரவில் சீராக இயக்க முடியும் என்று கூறப்படுகிறது. பின்பு சூர்யா நூதன் சோலார் ஸ்டவ் இரண்டு வகைகளில் வரும் என்று தெரிவிக்கப்பட்டுள்ளது. அதேபோல் இதன் குறைந்த பட்ச விலை ரூ.12,000 எனவும், டாப் வேரியண்டின் விலை ரூ.23000 எனவும் கூறப்படுகிறது.

தற்போது வரை இந்தியன் ஆயில் கார்ப்பரேஷன் லிமிடெட் (IOCL) இந்த சூர்யா நூதன் சோலார் சூரிய அடுப்பை இந்தியச் சந்தையில் அறிமுகம் செய்யவில்லை. ஆனால் விரைவில் விற்பனைக்கு வரும் என்று எதிர்பார்க்கப்படுகிறது. ஒருவேளை இது சந்தைக்கு வரும்பட்சத்தில் இந்தியன் ஆயில் கேஸ்ஏஜென்சி மற்றும் பெட்ரோல் பம்ப் ஆகிய இடங்களில் இருந்து வாங்க முடியும் என்று கூறப்படுகிறது.

குறிப்பாக இந்த அடுப்பை ரூ.12000 கொடுத்து வாங்குவதன் மூலம் பல நன்மைகள் இருக்கிறது. அதாவது ஒரு பக்கம் கேஸ் சிலிண்டர் விலை உயர்வு, மறுபக்கம் மின்சார கட்டணம் உயர்வு போன்றவற்றில் இருந்து தப்பிக்க முடியும். மேலும் உங்களது பணத்தை மிச்சப்படுத்தவும், இலவசமாக உணவுப் பொருட்களைச் சமைக்கவும் முடியும். கண்டிப்பாக இந்த சூர்யா நூதன் அடுப்பு மிகவும் பயனுள்ள வகையில் இருக்கும் என எதிர்பார்க்கப்படுகிறது.

மேலும் தொழில்நுட்பம், விண்வெளி மற்றும் அறிவியல் தொடர்பான இன்னும் கூடுதல் சுவாரசியமான செய்திகள் பற்றி அறிந்துகொள்ள எங்கள் கிஸ்பாட் சேனல் உடன் இணைந்திருங்கள். உங்களின் கருத்துக்களை எங்களுடன் பகிர்ந்துகொள்ளுங்கள்.