வாட்ஸ்அப் கொண்டுவரும் Kept அம்சம்: இதனால் என்ன பயன்? கட்டாயம் தெரிஞ்சுக்கோங்க.!

disappearing messages அம்சம்

அதாவது வாட்ஸ்அப் செயலியில் முன்பு ஆட்டோ மெட்டிக்காக மெசேஜ்களை டெலிட் ஆகும் வகையில் disappearing messages என்ற அம்சம் கொண்டுவரப்பட்டது. இந்த அம்சம் மூலம் மெசேஜ்களை குறிப்பிட்ட ஒரு காலத்திற்குப் பிறகு ஆட்டோமெட்டிக்காக டெலிட் செய்திடும் வகையில் செட் செய்து கொள்ளலாம்.

வாட்ஸ்அப் செயலியில் Kept..

குறிப்பாக சில நேரங்களில் நாம் மெசேஜ் அனுப்பிக் கொண்டிருக்கும் போது, சில மெசேஜ்கள் முக்கியமாகத் தோன்றும். ஆனாலும் disappearing messages ஆப்ஷனில் இருக்கும் போது அத்தகைய மெசேஜ்களும் டெலிட் ஆகிவிடும். இந்நிலையில் முக்கியமான மெசேஜ்களை மட்டும் அப்படியே வைத்திருக்கும் வகையில் வாட்ஸ்அப் செயலியில் Kept என்ற அம்சம் மெசேஜ் செய்யும் இடத்தில் கொண்டுவரப்பட உள்ளது.

பீட்டா சோதனையாளர்களுக்கு?

அதாவது Kept என்ற புதிய அம்சம் மூலம் பயனர்கள் தங்கள் செயலியில் ஆட்டோ டெலிட் ஆகும் மேசேஜ்களை சேமிக்கலாம். பின்பு வாட்ஸ்அப் தற்போது இந்த அம்சத்தை உருவாக்கி வருகிறது. இது இன்னும் பீட்டா சோதனையாளர்களுக்கு வழங்கப்படவில்லை.

Wabetainfo தளத்தில் வெளியிடப்பட்டது

ஆனாலும் பீட்டா சோதனையாளர்களுக்கு இந்த அம்சம் இன்னும் கிடைக்கவில்லை என்றாலும், இது முதலில் Wabetainfo தளத்தில் வெளியிடப்பட்டது என்பது குறிப்பிடத்தக்கது. அதாவது Wabetainfo தளத்தில் பகிரப்பட்டுள்ள ஸ்கிரீன்ஷாட்டின்படி, ஆட்டோ டெலிட்டாகும் வரும் மெசேஜ்க்கு அருகில் Kept என்ற புக்மார்க் ஐகானை காணலாம். குறிப்பாக இந்த ஐகான் ஆட்டோ டெலிட் ஆகும் மெசேஜ் தக்க வைக்கப்பட்டுள்ளது என்பதற்கு அடையாளமாகவும் ஒரு குறியீடு காட்டுகிறது என்பது குறிப்பிடத்தக்கது.

இருந்தபோதிலும் இந்த புதிய அம்சம் பயனர்களுக்கு எப்போது கிடைக்கும் என்று தெளிவாகத் தெரியவில்லை. இணையத்தில் கசிந்த தகவலின்படி பீட்டா சோதனை முடிந்ததும் விரைவில் பயன்பாட்டுக்கு வரும் என்று கூறப்படுகிறது.

ஆண்ட்ராய்டு போன்

அதேபோல் வாட்ஸ்அப் நிறுவனம் கடந்த ஆண்டு ஐஓஎஸ் (ஐபோன்) தளத்திற்கு Move to iOS என்ற வசதியை அறிமுகம் செய்தது. இதில் நாம் அனைத்து வாட்ஸ்அப் டேட்டா விவரங்களையும் ஆண்ட்ராய்டு போனில் இருந்து ஐபோனிற்கு Google Drive Backup இல்லாமல் சுலபமாக மாற்றமுடியும் என்பது குறிப்பிடத்தக்கது. தற்போது இதேபோன்ற வசதியை ஆண்ட்ராய்டு போன்களிலும் அறிமுகம் செய்ய வாட்ஸ்அப் நிறுவனம் முடிவு செய்துள்ளது. குறிப்பாக இதன் மூலம் நமது டேட்டா இன்னும் கூடுதல் பாதுகாப்பாக வாட்ஸ்அப் உடன் இருக்கும். குறிப்பாக ஆண்ட்ராய்டு போன்களில் புதிய Chat Transfer Feature தான் விரைவில் அறிமுகம் செய்யப்படும் என்று தெரிவிக்கப்பட்டுள்ளது.

வாட்ஸ்அப் டேட்டா

நாம் இப்போது வாட்ஸ்அப் டேட்டாவை ஒரு ஆண்ட்ராய்டு போனில் இருந்து மற்றொரு ஆண்ட்ராய்டு போனுக்கு மாற்ற வேண்டும் என்றால், முதலில் அனைத்து டேட்டாவையும் எடுத்து கூகுள் டிரைவ்-இல் Backup செய்துவிட்டு, பின்னர் புதிய போனில் Whatsapp திறந்து நமது Whatsapp Accountஉள்ளே சென்று மீண்டும் அவற்றை Restore செய்ய வேண்டிய நிலை இருந்தது. ஆனால் இந்த புதிய வசதி வந்ததும் இவ்வளவு சிரமப்பட தேவை இருக்காது. அதாவது நேரடியாக வாட்ஸ்அப் Settings - Chat Transfer to Android கிளிக் செய்தால் போதும் நமது அனைத்து டேட்டா விவரங்களும் புதிய ஆண்ட்ராய்டு போனிற்கு சென்றுவிடும் என்பது குறிப்பிடத்தக்கது.