Tecno Phantom X2-வை இப்போ முன்பதிவு செய்தால்.. அடுத்த மாடலை இலவசமா வாங்கலாம்.!

இப்போது முன்பதிவு செய்தால் அடுத்த போன் இலவசமா? உண்மையாவா?

இந்த சீரிஸிற்கான முன்பதிவு இன்று இந்தியாவில் ஆரம்பமாகியுள்ளது. Pre-Order-களுக்கான இந்த முன்பதிவை அமேசான் இந்தியா (Amazon India) தளத்தில் பிரத்தியேகமாக செய்துகொள்ளலாம்.

இதில் சுவாரசியம் என்னவென்றால், இந்த போனை இப்போது முன்பதிவு செய்தால், அடுத்த X சீரிஸ் மாடலை நீங்கள் இலவசமாக வாங்கிக்கொள்ளலாம். இப்போது இந்த போனினுடைய விலை மற்றும் அம்சங்கள் என்னென்னணு பார்க்கலாம் வாங்க.

டெக்னோ ஃபாண்டம் X2 ஸ்மார்ட்போன் டிஸ்பிளே (Display)

டிஸ்ப்லே (Display)
இந்த ஃபாண்டம் X2 ஸ்மார்ட் போன் Full HD+ வளைந்த 6.8 இன்ச் AMOLED டிஸ்பிளேவை கொண்டுள்ளது. கார்னிங் கொரில்லா கிளாஸ் விக்டஸ் பாதுகாப்பு (Corning Gorilla Glass Victus Protection) கொண்ட 120 Hz ரெப்ஃரெஷ் ரேட் (Refresh Rate) என்று அனைத்து மேம்படுத்தப்பட்ட அம்சங்களையும் இந்த ஃபாண்டம் X2 ஸ்மார்ட் போன் கொண்டுள்ளது.

2023 கோவிட் அச்சம்: வீட்டில் கட்டாயம் இருக்க வேண்டிய ஹெல்த் கேட்ஜெட்ஸ்.! தவற விட்டுவிடாதீர்கள்.!

Tecno Phantom X2 ஸ்மார்ட்போன் ப்ராசசர் (Processor)

4nm அளவு கொண்ட ஆக்டாகோர் (Octacore) மீடியா டெக் 9000 டைமென்சிடி ப்ராசசரால் (MediaTek 9000 Dimensity Processor) உருவாக்கப்பட்டுள்ளதால் சிறப்பான செயல்திறனை இந்த ஸ்மார்ட் போன் கொண்டிருக்கும் என்று எதிர்பார்க்கப்படுகிறது.

இதில் பயன்படுத்தப்பட்டுள்ள இந்த டைமென்சிடி 9000 சிப்செட் மூலம் Mali G710 GPU, 8GB LPDDR5 RAM மற்றும் 256GB UFS 3.1 ஆகிய வசதிகள் ஒன்றிணைந்து கிடைக்கும்.

மேலும், இந்த ஃபாண்டம் X2 ஸ்மார்ட் போன் ஆன்ட்ராய்டு 12-ன் கீழ் இயங்கும் HiOS 12 மூலம் இயக்கப்படுகிறது.

Tecno Phantom X2 போனின் கேமரா (Camera) அம்சம்

இந்த ஃபாண்டம் சீரிஸில் வரும் ஸ்மார்ட் போன்கள் மூன்று பின்பக்க கேமராக்கள் மற்றும் டுவல் LED ஃப்ளாஸ்களைக் (Dual LED Flash) கொண்ட ஒரு செல்ஃபி கேமராவுடன் வருகிறது. மூன்று பின்பக்க கேமராக்களில் ஒரு OIS கொண்ட 64MP முதன்மை கேமரா, 13MP அல்ட்ரா வைட் லென்ஸ் (Ultra-wide Lens) மற்றும் 2MP சென்சார் ஆகியவை அடக்கம். செல்ஃபி மற்றும் வீடியோ கால்களைப் பேசுவதற்கு 32MP கொண்ட முன்பக்க கேமரா கொடுக்கப்பட்டுள்ளது. செல்ஃபி கேமரா திரையில் மேலே நடுப்பகுதியில் அமைக்கப்பட்டுள்ளது.

OnePlus இப்படி ஒரு டிவைஸை புதுசா அறிமுகம் செய்கிறதா? 2023-ல வேற லெவல் பிளான்.!

பேட்டரி (Battery) மற்றும் பாஸ்ட் சார்ஜிங் அம்சம்

45W அதிவேக சார்ஜிங் (Fast Charging) மற்றும் 5160 mAh கொண்ட வெளியே எடுக்க முடியாத லித்தியம் பாலிமர் பேட்டரியுடன் (Lithium Polymer Battery) இந்த ஃபாண்டம் X2 வருகிறது. சார்ஜிங் மற்றும் தகவல் பரிமாற்றத்திற்காக டைப் C ஸ்லாட் (Type C slot) கொடுக்கப்பட்டுள்ளது. மேலும், 3.5mm ஆடியோ ஜாக் (Audio Jack) மற்றும் ஸ்டீரியோ ஸ்பீக்கரும் (Stereo Speaker) கொடுக்கப்பட்டுள்ளது.

இந்த அசத்தாலான போனின் மற்ற அம்சங்கள்

164.6 x 72.7 x 8.9 mm பரப்பளவும் 210 கிராம் எடையும் கொண்டுள்ள இந்த ஃபாண்டம் X2 ஸ்மார்ட் போன் மூன்லைட் சில்வர் (Moonlight Silver) மற்றும் ஸ்டார் டஸ்ட் க்ரே (Stardust Grey) என்று இரண்டு கலர் வேரியண்டுகளாகப் பளபளப்பான வெளிப்புற தோற்றத்துடன் வருகிறது.

மேலும் இதில் டுவல் சிம் (Dual-SIM), 5G, WiFi 6 802.11, Bluetooth 5.3, NFC, GPS, திரையின் உள்ளேயே கைரேகை ஸ்கானர் (inbuilt fingerprint scanner) ஆகிய அம்சங்களும் உள்ளன. வாடிக்கையாளர்களுக்கு இலவசமாகப் போனுடன் வீகன் லெதர் கேஸும் (Vegan Leather Case) கொடுக்கப்படவுள்ளது.

உங்க போன்ல இன்டர்நெட் ஸ்பீட் குறைவாக இருக்கிறதா? இதை செஞ்சா ஸ்பீட் சும்மா பிச்சுக்கும்.!

எப்படி செஞ்சா அடுத்த ஸ்மார்ட்போனை இலவசமா வாங்கலாம்?

இந்த ஸ்மார்ட்போன் சாதனத்தை இன்று மதியம் 12 மணிக்கு ஆரம்பித்த, இந்த முன்பதிவில் டெக்னோ ஃபாண்டம் X2-வை பதிவு செய்தால் - ஃபாண்டம் X3 அறிமுகம் செய்யப்படும்போது இந்த X2 போனை இலவசமாக X3-க்கு மேம்படுத்திக்கொள்ளலாம் என்ற சலுகையும் கொடுக்கப்பட்டுள்ளது. இது உண்மையிலேயே இது வரை எந்த நிறுவனமும் வழங்காத டீல் தான்.