75-இன்ச் டிஸ்பிளே, ஆண்ட்ராய்டு 11 அம்சங்கள் கொண்ட புதிய Vu டிவி அறிமுகம்.! விலை மற்றும் விபரங்கள்.!

Updated: Monday, January 17, 2022, 17:32 [IST]

Vu நிறுவனம் இந்தியாவில் புதிய Vu 75 QLED Premium TV மாடலை அறிமுகம் செய்துள்ளது. குறிப்பாக இந்த பிரீமியம் டிவி ஆனது ஆண்ட்ராய்டு 11 இயங்குதளம், டால்பி விஷன், 75-இன்ச் டிஸ்பிளே உள்ளிட்ட பல்வேறு சிறப்பான அம்சங்களுடன் வெளிவந்துள்ளது. குறிப்பாக இந்த புதிய டிவி மாடல் சற்று உயர்வான விலையில் வெளிவந்துள்ளது. ஆனால் விலைக்கு தகுந்த அனைத்து அம்சங்களும் உள்ளன என்றுதான் கூறவேண்டும்.

இப்போது இந்த புதிய Vu டிவி மாடலின் விலை மற்றும் பல்வேறு அம்சங்களை சற்று விரிவாகப் பார்ப்போம். அதன்படி Vu 75 QLED பிரீமியம் டிவியின் விலை ரூ.1,19,999-ஆக உள்ளது. குறிப்பாக இந்த டிவி மாடல் பிளிப்கார்ட் தளத்தில் விற்பனைசெய்யப்படுகிறது. அதேபோல் தேர்வுசெய்யப்பட்ட வங்கி டெபிட் மற்றும் கிரெடிட் கார்டுகளை பயன்படுத்தி இந்த டிவியை வாங்குபவர்களுக்குபிளிப்கார்ட் கேஷ்பேக் சலுகையை வழங்குகிறது என்பது குறிப்பிடத்தக்கது.

இப்போது அறிமுகம் செய்யப்பட்ட Vu 75 QLED பிரீமியம் டிவி ஆனது 75-இன்ச் 4கே டிஸ்பிளே மற்றும் 3,840x2,160 பிக்சல்தீர்மானம் அடிப்படையில் வெளிவந்துள்ளது. அதேபோல் 120 ஹெர்ட்ஸ் ரெஃப்ரெஷ் ரேட் மற்றும் MEMC (Motion Estimation and Motion Compensation) தொழில்நுட்பத்தை ஆதரிக்கிறது இந்த புதிய டிவி மாடல். குறிப்பாக இந்த டிவி மாடலின் வடிவமைப்புக்கு அதிக கவனம் செலுத்தியுள்ளது
அந்நிறுவனம்.

Vu 75 QLED பிரீமியம் டிவியானது சார்கோல் கிரே மெட்டல் ஃப்ரேம் மற்றும் 64-பிட் குவாட்-கோர் பிராசஸர் ஆதரவுடன் வெளிவந்துள்ளது. எனவே இந்த டிவியை இயக்குவதற்கு மிகவும் அருமையாக இருக்கும். பின்பு HDR10 மற்றும் HLG தொழில்நுட்பத்திற்கான ஆதரவைக் கொண்டுள்ளதுஇந்த அட்டகாசமான பிரீமியம் டிவி மாடல்.

அதேபோல் இந்த புதிய டிவி மாடலில் 2ஜிபி ரேம் மற்றும் 16ஜிபி உள்ளடக்க மெமரி வசதி உள்ளது என்பது குறிப்பிடத்தக்கது. பின்பு இந்த Vu 75 QLED பிரீமியம் டிவி மாடல் கூகுள் பிளே ஸ்டோர் அணுகலை வழங்குகிறது. அதேபோல் ஆண்ட்ராய்டு 11 இயங்குதளத்தைஅடிப்படையாக கொண்டு வெளிவந்துள்ளது இந்த பிரீமியம் டிவி.

குறிப்பாக இந்த Vu 75 QLED பிரீமியம் டிவி மாடல் 40W ஆதரவு கொண்ட நான்கு ஸ்பீக்கர்களை கொண்டுள்ளது. பின்பு கூகுள் அசிஸ்டண்ட் உட்பட பல்வேறு சிறப்பு அம்சங்களை கொண்டுள்ளது இந்த புதிய டிவி மாடல்.

Vu 75 QLED பிரீமியம் டிவி புளூடூத் v5.0 ஆதரவைக் கொண்டுள்ளது. எனவே கேமிங் கன்ட்ரோலர்கள், ஹெட்ஃபோன்கள், ஸ்பீக்கர்கள், கீபோர்டு மற்றும் பல சாதனங்களுடன் இணைக்கப்படலாம். டூயல்-பேண்ட் வைஃபை, நான்கு HDMI போர்ட்கள், ஆடியோ ஜாக் மற்றும் இரண்டு யுஎஸ்பி போர்ட்கள் உள்ளிட்ட பல்வேறு இணைப்பு ஆதரவுகளை கொண்டுள்ளது இந்த புதிய டிவிமாடல்.

இந்த புதிய டிவி மாடல் உள்ளமைக்கப்பட்ட Chromecast உடன் வருகிறது. பின்பு Netflix, Amazon Prime வீடியோ,ஹாட்ஸ்டார் மற்றும் YouTube போன்ற செயலிகளை கொண்டுள்ளது இந்த அசத்தலான டிவி மாடல். இதுதவிர பல்வேறு புதிய அம்சங்களையும் கொண்டுள்ளது இந்த Vu 75 QLED பிரீமியம் டிவி.