சாம்சங் கேலக்ஸி எஸ்4 : சூப்பர் இல்லை...சுமார் தான்!

By Jeevan

| Updated: Tuesday, April 30, 2013, 14:51 [IST]

புதிய சாம்சங் ஸ்மார்ட்போன்...சொல்றதுக்கு பெருசா எதுவும் இல்ல! சாம்சங் நிறுவனம் சில தினங்களுக்கு முன்புதான் தனது புதிய ஸ்மார்ட்போன் வெளியிட்டது. சாம்சங் கேலக்ஸி எஸ்4 என பெயரிடப்பட்டுள்ள இந்த போன் பெரிய எதிர்பார்ப்பை ஏற்படுத்தி வெளியாகியிருக்கிறது. விலை ரூ.41,500 என நிர்ணயிக்கப்பட்டுள்ள இந்த போன் அப்படியென்ன சிறப்புகள் உள்ளன என்பதை பற்றியதே இந்த பகிர்வு.

முதலில் இந்த ஸ்மார்ட்போனின் நுட்பக்கூறுகள் பற்றி பார்க்கலாமா?
5 அங்குல முழு HD சூப்பர் AMOLED தொடுதிரை,
1.9 GHz குவாட்-கோர் ப்ராசெசர்,
2 ஜிபி ரேம்,
13 எம்பி கேமரா,
ஆன்ட்ராய்டு 4.2.2 இயங்குதளம்,
ப்ளுடூத், வைபை வசதி,
விலை ரூ.41,500

சாம்சங் கேலக்ஸி எஸ்4...எக்ஸ்க்ளூசிவ் படங்கள்..!

பெரிய விலை, ஆன்ட்ராய்டு இயங்குதளம், மிகப்பெரிய திரை என அனைத்தையும் கொண்டிருந்தாலும் ஏனோ சலிப்பையே ஏற்படுத்துகிறது, மனதில் ஒட்டவில்லை என்கின்றனர் பயன்படுத்தியவர்கள். ஐபோன் 5 மற்றும் நோக்கியா லுமியா 920 போன்ற விலையுயர்ந்த சூப்பர் ஸ்மார்ட்போன்களுடன் ஒப்பிடுகையில் இந்த கேலக்ஸி எஸ் 4 சாற்றே சுமார் ரகம்தான் என்கின்றனர்.

13 எம்பி கேமரா தரத்தை கொண்டுள்ள இந்த போனை விடவும் அதிக தரமான கேமரா அமைப்பைக்கொண்ட போன்களும் சந்தைகளில் கிடைக்கின்றன. ப்ளுடூத், வைபை போன்ற வசதிகளெல்லாம் மிகவும் சாதாரணமான ஒன்று. இன்று பெரும்பாலான போன்களில் வரவே செய்கின்றது. மேலும் இதன் வடிவமைப்பும் பெரிதாக சொல்லும் அளவிற்கு இல்லை எனலாம்.

சாம்சங் ஸ்மார்ட்போன் வரலாறு...ஜீரோ முதல் கேலக்ஸி எஸ்4 வரை!

சிறப்புகளை எதுவும் அதிகரிக்காமல் சாம்சங் விலையை மட்டுமே உயர்த்தியுள்ளதாகவும் பலர் கருத்து தெரிவித்தனர். என்னதான் அதிநவீன நுட்பங்கள் இருந்தாலும் இந்த விலை கொஞ்சம் ஓவர்தான் என்கின்றனர் விஷயம் தெரிந்தவர்கள். இது சாம்சங் கேலக்ஸி எஸ்4 போனைப் பற்றிய முதல் பகுப்பாய்வு மற்றும் வாடிக்கையாளர்களின் எண்ணம் மட்டுமே! விரிவான கருத்துக்கள் விரைவில் வெளியிடப்படும். பல் இருப்பவன் பக்கோடா சாப்பிடலாம்!

விரைவில் வெளியாகவுள்ள 10 சாம்சங் செல்போன்கள்...

Click Here For More Samsung Galaxy S4 Gallery