இண்டர்நெட்டால் உங்கள் கவனம் சிதறுகிறதா? இதோ உங்களுக்கு உதவும் ஐந்து ஆப்ஸ்கள்

ஆஃப்டைம் (Offtime) ஆப்ஸ்: உங்களை திசை திருப்பும் ஒரு ஆப்ஸ்

இந்த ஆப் ஆண்ட்ராய்டு மற்றும் ஐஓஎஸ் பயனாளிகளுக்கு இலவசமாகவே கிடைக்கின்றது. இந்த ஆப், உங்கள் வேலைகள் தடைபடாமல் உங்களுக்கு வரும் தேவையில்லாத அல்லது முக்கியத்துவம் இல்லாத மெசேஜ்கள் மற்றும் நோட்டிபிகேஷனை பில்டர் செய்து விடும்.

அதே நேரத்தில் இவ்வாறு மெசேஜ் அனுப்பியவர்களுக்கு உரிய பதிலை அளித்துவிடும். நீங்கள் உங்களுடைய முக்கிய பணிகளை முடித்த பின்னர் மாலையில் உங்களுக்கு வந்த அனைத்து மெசேஜ்கள் மற்றும் நோட்டிபிகேசனை உங்களுக்கு ஞாபகப்படுத்தும். அவற்றுக்கு நீங்கள் பதில் அளிக்கவோ அல்லது தவிர்க்கவோ செய்யலாம்.

இடையிடையே மெசேஜ் மற்றும் நோட்டிபிகேசன் வந்தால் உங்களுடைய பணி பாதிக்கப்படுவதோடு உற்பத்தி திறனும் குறைந்துவிடும் அபாயத்தை இந்த ஆப் தடுத்துவிடுவதால் பெரும்பாலானோர் இதனை உபயோகப்படுத்த விரும்பி டவுன்லோடு செய்கின்றனர்,. நீங்களும் டவுன்லோடு செய்து உபயோகப்படுத்தி பார்க்கலாமே...

புதிய ஸ்மார்ட்போன் கருவிகளை சலுகை விலையில் வாங்க கிளிக் செய்யுங்கள்

குவாலிட்டி டைம் (QualityTime) - உங்கள் டிஜிட்டல் டயட்

இந்த ஆப் நீங்கள் எவ்வளவு நேரம் எந்தெந்த வகையில் இண்டர்நெட்டை பயன்படுத்துகிறீர்கள் என்ற பட்டியலை உங்களுக்கு தினமும் அல்லது ஒருசில மணி நேரங்களுக்கு ஒருமுறை உங்களுக்கு ரிப்போர்ட் தரும். அதுமட்டுமின்றி நீங்கள் அதிக நேரம் ஃபேஸ்புக், டுவிட்டர் போன்ற சமூக வலைத்தளங்களை உபயோகித்தால் உங்களுக்கு வார்னிங் மெசேஜ் கொடுக்கும்.

இதனால் ஸ்மார்ட்போனையோ அல்லது இண்டர்நெட்டையோ அதிக அளவு பயன்படுத்துவதை தடுக்கும் வாய்ப்பை இந்த ஆப் நமக்கு பெற்று தருகிறது. அதிக அளவு இண்டர்நெட்டை பயன்படுத்துவதில் இருந்து நம்மை கட்டுப்படுத்தி நமது உடலை பேணிக்காப்பதில் இந்த ஆப் உதவுவதால் இது நமது டிஜிட்டல் டயட் ஆப் என்றே கூறலாம்

செல்ஃப் கண்ட்ரோல் (SelfContol)

பெயருக்கு ஏற்றவாறு உள்ள இந்த ஐஓஎஸ் ஆப், நம்மை வெகுவாக இண்டர்நெட் பயன்பாட்டில் இருந்து கட்டுப்படுத்துகிறது. நீங்கள் முக்கிய வேலைகளில் இருக்கும் நேரத்தை இந்த ஆஃபின் மூலம் குறிப்பிட்டுவிட்டால் போதும். அந்த நேரத்தில் வரும் மெசேஜ், நோட்டிபிகேசன் ஆகியவற்றை கட்டுப்படுத்தி நீங்கள் ஃப்ரி ஆனவுடன் உங்களுக்கு வரும் படி கட்டுப்படுத்தும்.

மேலும் ஒருசில ஆப்கள், இணையதளங்கள் ஆகியவற்றை இந்த ஆஃப் கட்டுப்படுத்தும் தன்மை கொண்டது. எனவே தேவையில்லாமல் நாம் இண்டர்நெட்டில் உலவுவதை இந்த ஆப் தடுத்து இறுத்தும். இந்த ஆப், தற்போது மிக வேகமாக பரவி வருகிறது.

ஸ்டே ஆன் டேஸ்க் (Stay on Task)

சமீபத்தில் மேம்படுத்தப்பட்ட இந்த ஆப் நாம் பணிகளில் மூழ்கி இருக்கும்போது எந்த தொல்லையும் ஸ்மார்ட்போனால் ஏற்படாதவாறு தடுக்கின்றது. இந்த ஆப் மூலம் நம்முடைய பணிகளை ஷெட்யூல் செய்வதுடன் நம்மை அதிகளவு இண்டர்நெட் உபயோகிப்பதை தடுக்கின்றது.

ஃபிளிப்ட் (Flipd)

பணியில் இருக்கும்போது நம்முடைய எண்ணங்கள் திசை திரும்பாமல் வைத்து கொள்வதில் இந்த ஆப் பெரும் முக்கியத்துவம் பெறுகிறது. ஸ்மார்ட்போனால் வரும் கவனத்தை திசை திருப்பும் முயற்சிகளுக்கு முட்டுக்கட்டை போட்டு நம்முடைய பணி தங்கு தடையில்லாமல் செய்வதற்கு இந்த ஆப் உதவுகிறது. இந்த ஆப்-ஐ உபயோகிப்பதும் மிகவும் எளிமையானது என்பது குறிப்பிடத்தக்கது.

புதிய ஸ்மார்ட்போன் கருவிகளை சலுகை விலையில் வாங்க கிளிக் செய்யுங்கள்