இரத்தநிலா தோன்றுவது இயேசு மறுபிறப்பு; பூகம்பம்; பூமி அழிவிற்கான அறிகுறி?!

சிவப்பு :

ரத்த நிலா - என்பது முழு சந்திர கிரகணத்தின் போது வெள்ளை நிலா முழுமையாக செம்பு கலந்த சிவப்பு நிறத்தில் உருமாறி விடும்..!

சூரியஒளி :

நிலாவில் ஏற்படும் இந்த சிவப்பு நிறத்திற்கு காரணம் உலகின் முறிவடையும் சூரியஒளி தான் காரணம் என்கிறார்கள் வான்வெளி ஆராய்ச்சியாளர்கள்..!

'எண்ட் டைம் பிலிவர்ஸ்' :

ஆனால், ரத்த நிலா என்பது உலக அழிவின் ஆரம்பம் என்கிறார்கள் 'எண்ட் டைம் பிலிவர்ஸ்' (End-times believers) அதாவது உலகம் அழியும் என்று நம்புபவர்கள்..!

பூகம்பம் :

அதை தொடர்ந்து ரத்த நிலா தோன்றுதல் மூலம் உலகில் பயங்கரமான நில நடுக்கங்கள் ஏற்பட இருக்கிறது என்று சிலர் அறிவித்துள்ளனர்.

28 நாட்களுக்குள் :

மேலும் ரத்த நிலா தோன்றிய 28 நாட்களுக்குள் உலகம் அழியும் என்ற வதந்தியும் இன்டர்நெட்டில் தீயாய் பரவிக் கொண்டிருக்கிறது..!

இயேசு பிறப்பு :

அமெரிக்காவை சேர்ந்த பெரும் கிருஸ்துவ அமைப்பை சேர்ந்த இருவர், பைபிள் அடிப்படையில் இரத்த நிலா என்பது இரண்டாம் இயேசு பிறப்பு நடக்க போவதற்கான 'சமிக்ஞை' (Siganl) என்று பரப்புரை செய்து கொண்டிருக்கின்றனர்.

மறுப்பு :

அறிவியலாளர்களும். விண்வெளி இயற்பியலாளர்களும் மேற்க்கூறப்பட்டுள்ள அத்துணை கருத்துகளுக்கும், "இரத்த நிலா ஒரு இயற்கையான நிகழ்வு தான்" என்று கூறி மறுப்பு தெரிவுத்துள்ளனர்.

உண்மைகள் :

அப்படியாக நாளையும், நாளை மறுநாளும் தோன்ற இருக்கும் இரத்த நிலா பற்றி தெரிந்து கொள்ள வேண்டிய உண்மைகள் கீழ்வரும் ஸ்லைடர்களில் தொகுக்கப்பட்டுள்ளன.

மொத்தம் :

இரத்த நிலா தோன்றுதல் என்பது முதல் முறை ஒன்றுமில்லை, 1900-களில் மொத்தம் 5 முறை இரத்த நிலா தோன்றி உள்ளது என்கிறது நாசா.

நாசா :

அதாவது, 1910, 1928, 1946, 1964 மற்றும் 1982-ஆம் ஆண்டுகளில் இரத்த நிலா தோன்றி உள்ளது என்கிறது நாசா.

அரிது :

பிற ரத்த நிலாக்களுடன் ஒப்பிடும் போது 2015-ஆம் ஆண்டு தோன்ற இருக்கும் ரத்த நிலா, சற்று அரிதான ஒன்றாகும், அதனால் தான் அது 'சூப்பர்மூன்' (Supermoon) என்று விஞ்ஞானிகளால் அழைக்கப்படுகிறது.

பூமிக்கு நெருக்கம் :

ஏனெனில் செப்டம்பர் 27 மற்றும் 28 ஆம் தேதி தோன்றும் நிலாவானது பூமிக்கு மிக நெருக்கமாக வருவதோடு முழு நிலவாகவும் மாறும்.

வெளிச்சம் :

அது பார்ப்பவர்கள் கண்களுக்கு நிலா மிகவும் பெரியதாகவும், மிகவும் வெளிச்சமாகவும் காட்சியளிக்கும். அதனால்தான், தற்போது தோன்ற இருக்கும் ரத்த நிலா, 'சூப்பர்மூன்' என்று அழைக்கப்படுகிறது.

மட்டும் தான் :

மேலும் இந்த 'சூப்பர்மூன்' உலகிலுள்ள அத்துணை நாடுகளிலும் தோன்றாதாம். வட அமெரிக்கா, தென் அமெரிக்கா, ஐரோப்பியா, மேற்கு ஆசியா, மற்றும் சில ஆப்பிரிக்க பகுதிகளில் மட்டும்தான் இரத்த நிலா தெரியுமாம்..!

பாதிப்பு இல்லை :

மேலும் சூரிய கிரகணத்தை போல் அல்லாது, இந்த இரத்த நிலாவை காண எந்த விதமான சிறப்பு கண்ணாடிகளும், கண்களுக்கான பாதுகாப்புகளும் அவசியமுில்லை. வெறும் கண்கள் மூலம் இதை பார்க்க முடியும்..!

பெயர் :

இரத்த நிலா என்ற பெயர் பைபிள் மூலம் கிடைக்கப் பெற்ற பெயர் என்ற கருத்துக்கள் நிலவினாலும் அறிவியலாளர்கள் 'ரத்த நிலா' என்பதை அறிவியல் பெயராக ஏற்றுக்கொள்வதில்லை என்பதுதான் உண்மை.

லுனார் டெட்ரட் :

மேலும் அறிவியலாளர்கள் இது இயற்கையான ஒரு நிகழ்வு தான். இது 'லுனார் டெட்ரட்' (Lunar Tetred) நிகழ்வின் ஒரு பகுதி என்றும் விளக்கம் அளித்து உள்ளனர்..!

கடைசி :

இரண்டு ஆண்டு இடைவெளியில் நான்கு முறை ஏற்படும் சந்திர கிரகணத்தை தான் 'டெட்ராட்' (Tetred) என்கிறார்கள். அப்படியாக தற்போது நடக்கப்போகும் 'சூப்பர்மூன்' நிகழ்வு தான் 'லுனார் டெட்ரட்'டின் நான்காவது மற்றும் கடைசி நிகழ்வாகும்.

முதல் மூன்று :

அப்படியாக முதல் மூன்று டெட்ரட் கிரகணங்கள் ஆனது, ஏப்ரல் 15, 2014 அன்றும், அக்டோபர் 08, 2014 அன்றும், ஏப்ரல் 04, 2015 அன்றும் நிகழ்ந்தது என்பது குறிப்பிடத்தக்கது.

கணிப்பு :

அடுத்த 'லுனார் டெட்ரட்' ஆனது 2032-ஆம் ஆண்டு ஏப்ரல் 25-ஆம் தேதி அன்று தொடங்கும் என்றும் விஞ்ஞானிகள் கணித்துள்ளனர்.

புரளி :

இதன் இன்று மாலை வானில் தோன்ற இருக்கும் ரத்த நிலா, உலக அழிவின் ஆரம்பமும் இல்லை அடித்தளமும் இல்லை என்பதை விஞ்ஞானிகள் தெளிவுபடுத்தி உள்ளனர்..!