6.9 இன்ச் டிஸ்ப்ளேவுடன் களமிறங்கும் சியோமி எம்ஐ மேக்ஸ் 3 ப்ரோ.!

எம்ஐ மேக்ஸ் 3 ப்ரோ

ஜிங்டோங் நிறுவன பட்டியலில் எம்ஐ மேக்ஸ் 3 ப்ரோ இடம்பெற்றுள்ளதால் விரைவில் சந்தைக்கு வருமென்ற செய்தி வாடிக்கையாளர்களை குஷியடைய செய்துள்ளது, இருப்பினும் எம்ஐ மேக்ஸ் 3 மாடல் இன்னும் வெளிவரவில்லை. சியோமி எம்ஐ மேக்ஸ் 3 ப்ரோ குயல்காம் ஸ்னாப்டிராகன் 710 ஆக்டாகோர் சிப்செட்டுடன் வருகிறது மற்றும் சியோமி எம்ஐ மேக்ஸ் 3 ஆக்டாகோர் ஸ்னாப்டிராகன் 636 பிராசசருடன் வருகிறது.

ஸ்னாப்டிராகன் 710

மேலும் சியோமி எம்ஐ மேக்ஸ் 3 ப்ரோ 18: 9 விகிதத்துடன் 6.9 இன்ச் டிஸ்ப்ளேயுடன், ஸ்னாப்டிராகன் 710 ஆக்டாகோர் செயலி மூலம் இயக்கப்படுகிறது. சியோமி எம்ஐ மேக்ஸ் 3 ப்ரோ 6 ஜிபி ரேம் மற்றும் 64ஜிபி உள் சேமிப்புடன், அசத்தலான 5,400 எம்எஎச் பேட்டரியுடன் அண்ட்ராய்டு 8.1 ஓரியோ மூலம் இயக்கப்படுகிறது. சியோமி எம்ஐ மேக்ஸ் 3 ப்ரோ 12 மெகாபிக்சல் மற்றும் 5 மெகாபிக்சல் சென்சார்கள் கொண்ட இரட்டை கேமரா அமைப்புடன், 8 மெகாபிக்சல் முன் கேமரா அமைப்புடன் செல்பி மற்றும் வீடியோ சாட் வசதியுடன் வருகிறது.

6.9 இன்ச் பெரிய திரை

எம்ஐ மேக்ஸ் 3 முழு எச்டி+ 18: 9 விகிதத்துடன் ஐபிஎஸ்(IPS) 2.5டி கர்வுடு கிளாஸ் கொண்ட 6.9 இன்ச் பெரிய திரை அளவு கொண்டுள்ளது. இது 1.8 ஜிகாஹெர்ட்ஸ் ஆக்டாகோர் ஸ்னாப்டிராகன் 636 அட்ரீனோ 509 ஜிபீயுடன் செயல்திறன் மூலம் இயங்குகிறது. 4 ஜிபி / 6 ஜிபி ரேம் மற்றும் 64 ஜிபி / 128 ஜிபி சேமிப்பு 128ஜிபி விரிவாக்க நினைவகம் கொண்டுள்ளது. சியோமி எம்ஐ மேக்ஸ் 3, அட்டகாசமான 5,500 எம்எஎச் பேட்டரியுடன் 3.0 அதி வேக சார்ஜிங் திறன் கொண்டது. முந்தைய எம்ஐ மேக்ஸ் 2 அதி வேக சார்ஜிங் திறன் ஆதரவு இல்லாமல் சிறிய 5,300 எம்எஎச் பேட்டரியுடன் வந்தது குறிப்பிடத்தக்கது.

இரட்டை கேமரா வசதி

எம்ஐ மேக்ஸ் 3 இரட்டை கேமரா வசதியுடன் 12 மெகாபிக்சல் கொண்ட சோனி IMX363 சென்சார், 1.4μm பிக்சல் அளவுடன், f/1.9 அபெர்ச்சருடன், இரட்டைப் பிடி போக்கஸ் கொண்ட எல்இடி ஃப்ளாஷ் மற்றும் 5 மெகாபிக்சல் சென்சார்கள் கொண்ட இரட்டை கேமரா அமைப்பைக் கொண்டுள்ளது. ஒரு 8 மெகாபிக்சல் முன் கேமரா மற்றும் மென்மையான எல்இடி ப்ளாஷ் கொண்ட 1.12μm பிக்சல் அளவுடன் f / 2.0 அபெர்ச்சருடன் கூடிய செல்பி கேமராவுடன் வருகிறது. எம்ஐ மேக்ஸ் 3, இது எம்ஐயுஐ(MIUI) நிறுவனத்தின் அடிப்படையிலான ஆண்ட்ராய்டு 8.1 ஓரியோவில் இயங்குகிறது.