மார்ச் 7 முதல் இந்தியா முழுக்க இந்த Samsung 5ஜி போன் தான்.. ரூ.9000 பட்ஜெட்டில் 4 வருட OS, 5000mAh பேட்டரி!

ரூ10,000 க்குள் என்கிற பட்ஜெட்டில் கேலக்ஸி எப்06 5ஜி மாடல் மற்றும் ரூ.11,000 க்குள் என்கிற பட்ஜெட்டில் கேலக்ஸி ஏ06 5ஜி மாடல்களை அறிமுகம் செய்த கையோடு.. வருகிற மார்ச் 2 ஆம் தேதியன்று சாம்சங் (Samsung) நிறுவனம் அதன் கேலக்ஸி ஏ சீரிஸின் கீழ் 3 புதிய மாடல்களை இந்தியாவில் அறிமுகப்படுத்துவதை உறுதி செய்தது.

மார்ச் 2 ஆம் தேதியன்று கேலக்ஸி ஏ36 (Galaxy A36), கேலக்ஸி ஏ56 (Galaxy A56) மற்றும் கேலக்ஸி ஏ26 (Galaxy A26) ஆகிய 3 மாடல்கள் அறிமுகமாகும் என்று எதிர்பார்க்கப்படுகிறது. இதற்கிடையில் இன்று (பிப்.28), சாம்சங் அதன் எம் சீரிஸின் 2 புதிய 5ஜி ஸ்மார்ட்போன் மாடல்களை அறிமுகம் செய்துள்ளது. அவைகள் சாம்சங் கேலக்ஸி எம்16 5ஜி (Samsung Galaxy M16 5G) மற்றும் சாம்சங் கேலக்ஸி எம்06 5ஜி (Samsung Galaxy M06 5G) மாடல்கள் ஆகும்.

இதில் ரூ.9,000 க்குள் என்கிற பட்ஜெட்டில் அறிமுகம் செய்யப்பட்டுள்ள சாம்சங் கேலக்ஸி எம்06 5ஜி ஸ்மார்ட்போனை பற்றி விரிவாக காண்போம். ரூ.12,000 க்குள் என்கிற பட்ஜெட்டில் அறிமுகம் செய்யப்பட்டுள்ள சாம்சங் கேலக்ஸி எம்16 5ஜி பற்றிய விரிவான கட்டுரையை படிக்க இங்கே கிளிக் செய்யவும்.

சாம்சங் கேலக்ஸி எம்06 5ஜி விலை, ஸ்டோரேஜ் மற்றும் கலர் ஆப்ஷன்கள்: சாம்சங் கேலக்ஸி எம்06 5ஜி ஸ்மார்ட்போனின் பேஸிக் 4ஜிபி ரேம் + 128ஜிபி இன்டர்னல் ஸ்டோரேஜ் ஆப்ஷன் ரூ.9,499 க்கும் மற்றும் 6ஜிபி ரேம் + 128ஜிபி ஆப்ஷன் ரூ.10,999 க்கும் அறிமுகம் செய்யப்பட்டுள்ளது. இது ரூ.500 வங்கி தள்ளுபடியை சேர்த்த அறிமுக விலை நிர்ணயம் ஆகும். இது பிளேஸிங் பிளாக் மற்றும் சேஜ் கிரீன் கலர்களில் மார்ச் 7 ஆம் தேதி முதல், அமேசான் வழியாக விற்பனைக்கு வரும்.

சாம்சங் கேலக்ஸி எம்06 5ஜி ஸ்மார்ட்போனின் முக்கிய அம்சங்கள்:
- 4 மேஜர் ஆண்ட்ராய்டு அப்டேட்கள் கிடைக்கும்
- 4 வருட செக்யூரிட்டி அப்டேட்கள் கிடைக்கும்
- 6.7-இன்ச் எச்டி பிளஸ் (720 x 1600 பிக்சல்ஸ்) டிஸ்பிளே

- மீடியாடெக் டைமன்சிட்டி 6300 சிப்செட்
- 6ஜிபி வரை ரேம் (Up to 6GB RAM)
- அதிகபட்சமாக 128ஜிபி இன்டர்னல் ஸ்டோரேஜ்
- 50எம்பி + 2எம்பி டூயல் ரியர் கேமரா யூனிட் (Dual Rear Camera Unit)
- 8எம்பி செல்பீ கேமரா

- பக்கவாட்டில் பொருத்தப்பட்ட பிங்கர் பிரிண்ட் சென்சார்
- சாம்சங் நாக்ஸ் வால்ட் அம்சம் (Samsung Knox Vault feature)
- சாம்சங் குவிக் ஷேர் (Samsung Quick Share)
- 25W ஃபாஸ்ட் சார்ஜிங் உடனான 5000mAh பேட்டரி

சாம்சங் கேலக்ஸி எம்06 5ஜி உடன் சேர்ந்து அறிமுகமான சாம்சங் கேலக்ஸி எம்16 5ஜி ஸ்மார்ட்போனின் விலை விவரங்களை பொறுத்தவரை, இது மொத்தம் 3 ஸ்டோரேஜ் ஆப்ஷன்களின் கீழ் அறிமுகம் செய்யப்பட்டுள்ளது. பேஸிக் 4ஜிபி + 128ஜிபி ஆப்ஷன் ரூ.11,499 க்கு வாங்க கிடைக்கும். அதே 128ஜிபி ஸ்டோரேஜ் உடன் வரும் 6ஜிபி மற்றும் 8ஜிபி ரேம் ஆப்ஷன்கள் முறையே ரூ.12,999 மற்றும் ரூ.14,499 க்கு வாங்க கிடைக்கும்

மேற்கண்ட விலைகள் அறிமுக விலைகள் ஆகும். அதாவது ரூ.1000 வங்கி அடிப்படையிலான தள்ளுபடியை உள்ளடக்கிய விலை ஆகும். சாம்சங் கேலக்ஸி எம்16 5ஜி ஸ்மார்ட்போன் ஆனது ப்ளஷ் பிங்க், மிண்ட் கிரீன் மற்றும் தண்டர் பிளாக் ஆகிய 3 கலர்களில் வாங்க கிடைக்கும். இந்த ஸ்மார்ட்போனின் விற்பனை வருகிற மார்ச் 5 ஆம் தேதி முதல் அமேசான் வழியாக தொடங்கும்.