வாட்ஸ் அப்-இல் உள்ள ஜங்க் இமேஜ்களை ஒரே பட்டனில் அழிக்க வேண்டுமா? அப்ப வாங்க....

ஸ்டெப் 1:

கூகுள் ப்ளே ஸ்டோர் சென்று Siftr Magic Cleaner' என்ற ஆப்ஸை டவுண்லோடு செய்து அதன் பின்னர் இன்ஸ்டால் செய்யுங்கள். அதன் பின்னர் இந்த ஆப்ஸ்-ஐ உங்கள் ஸ்மார்ட்போனில் ஓப்பன் செய்ய வேண்டும். அதன் பின்னர் இந்த ஆப்ஸ்-இல் உங்கள் போனில் உள்ள இமேஜ்கள் செல்ல அனுமதிக்க வேண்டும். இதன் மூலம்தான் போனில் தேவையில்லாமல் இருக்கும் ஜங்க் இமேஜ்களை டெலிட் செய்ய முடியும்

ஸ்டெப் 2:

இமேஜ்களை ஓப்பன் செய்ய நீங்கள் அனுமதித்த பின்னர் இந்த ஆப் ஒரு புதிய விண்டோவை அளிக்கும். அதில் உங்கள் போனில் உள்ள இமேஜ்கள், அதன் விபரங்கள் மற்றும் எத்தனை இமேஜ்கள் இருக்கின்றன போன்ற விபரங்களை உங்களுக்கு தரும். ஒரே ஒரு பட்டனை நீங்கள் அழுத்திவிட்டால் போதும் உங்களுக்கு தேவையான இமேஜ்களை மட்டும் பிரித்தெடுத்துவிட்டு மீதியை டெலிட் செய்துவிடலாம். அந்த சிங்கிள் பட்டன் என்ன என்பதில் குழப்பமா? கவலை வேண்டாம், நாங்கள் எதற்கு இருக்கின்றோம்,

இமேஜ்களுக்கு கீழ் ஒரு நபர் போன்ற புகைப்படம் தோன்றும். அந்த நபரின் படத்தை நீங்கள் ஒரே ஒரு முறை க்ளிக் செய்தால் போதும்

ஸ்டெப் 3:

இந்த ஸ்டெப்பில் உங்கள் ஸ்மார்ட்போனில் உள்ள இமேஜ்கள் அனைத்தையும் இந்த ஆப், முறையாக பிரித்தெடுக்கும். டூப்ளிகேட் மற்றும் ஜங்க் புகைப்படங்களையும் அதன் எண்ணிக்கையையும் மிகச்சரியாக பிரித்தெடுத்து உங்கள் முன் விபரங்களை தரும்.

ஆனால் இந்த பிரித்தெடுத்தல் வேலைக்கு ஒருசில நிமிடங்களை இந்த ஆப் எடுத்து கொள்ளும். ஆனால் கவலை வேண்டாம், அது தன்னுடைய வேலையை செய்யும் வரை நீங்கள் போனில் வேறு ஏதேனும் பணிகளை தாராளமாக தொடரலாம். பிரித்தெடுக்கும் பணியை முடித்த பின்னர் உங்களுக்கு ஒரு நோட்டிபிகேசன் வரும். அதன் பின்னர் நீங்கள் மீண்டும் அந்த ஆப்பிற்கு செல்லலாம்.

ஸ்டெப் 4:

இந்த ஸ்டெப்பில் உங்கள் முன் தோன்றும் விண்டோவில் தேவையில்லாத, டூப்ளிகேட் மற்றும் ஜங்க் இமேஜ்கள் உங்கள் முன் தோன்றுவதோடு அதன் அருகில் டெலிட் பட்டனும் இருக்கும். அந்த டெலிட் பட்டனை நீங்கள் தட்டிவிட்டால் போதும், உடனே உங்கள் மொபைலில் உள்ள ஜங்க் பட்டன்கள் அழிந்து உங்கள் ஸ்டோரேஜை காப்பாற்றும்.