புதிய 5ஜி டேப்லெட் மாடலை அறிமுகம் செய்த OnePlus.. 10050mAh பேட்டரி.. எந்த மாடல்? என்ன விலை?

ஒன்பிளஸ் நிறுவனம் இந்தியாவில் ஒன்பிளஸ் பேட் கோ 2 (OnePlus Pad Go 2) மாடலை இன்று அறிமுகம் செய்துள்ளது. 10050mAh பேட்டரி, ஃபாஸ்ட் சார்ஜிங், ஆண்ட்ராய்டு 16 ஓஎஸ் உள்ளிட்ட பல சிறப்பான அம்சங்களுடன் இந்த டேப்லெட் வெளிவந்துள்ளது. இப்போது ஒன்பிளஸ் பேட் கோ 2 மாடலின் விலை, விற்பனை மற்றும் அம்சங்களைப் பார்க்கலாம்.

ஒன்பிளஸ் பேட் கோ 2 அம்சங்கள் (OnePlus Pad Go 2 specifications): 12.1-இன்ச் 2.8கே எல்சிடி டிஸ்பிளே வசதியுடன் இந்த டேப்லெட் வெளிவந்துள்ளது. மேலும் இதன் டிஸ்பிளேவில் 2800 x 1980 பிக்சல்ஸ், 900 நிட்ஸ் பீக் பிரைட்னஸ், 120 ஹெர்ட்ஸ் ரெஃப்ரெஷ் ரேட் (120Hz refresh rate) உள்ளிட்ட பல அம்சங்கள் உள்ளன. பெரிய டிஸ்பிளே என்பதால் பயன்படுத்துவதற்கு மிகவும் அருமையாக இருக்கும்.

மீடியாடெக் டைமன்சிட்டி 7300-அல்ட்ரா சிப்செட் (MediaTek Dimensity 7300-Ultra chipset) உடன் இந்த ஒன்பிளஸ் பேட் கோ 2 மாடல் வெளிவந்துள்ளது. குறிப்பாக இந்த சிப்செட் ஆனது மேம்பட்ட வேகம் மற்றும் செயல்திறன் வழங்கும். அதேபோல் இந்த டேப்லெட் மாடலில் அனைத்து ஆப்களையும் தடையின்றி பயன்படுத்தலாம்.

ஆக்ஸிஜன்ஓஎஸ் 16 (OxygenOS 16) சார்ந்த ஆண்ட்ராய்டு 16 (Android 16) இயங்குதளத்தை அடிப்படையாகக் கொண்டு இந்த புதிய ஒன்பிளஸ் டேப்வெட் வெளிவந்துள்ளது. ஆனாலும் இந்த டேப்லெட் மாடலுக்கு ஆண்ட்ராய்டு அப்டேட் மற்றும் பாதுகாப்பு அப்டேட்கள் கிடைக்கும். மேலும் இந்த சாதனத்தின் வடிவமைப்பு மிகவும் அருமையாக உள்ளது.

10050mAh பேட்டரி உடன் இந்த ஒன்பிளஸ் பேட் கோ 2 மாடல் வெளிவந்துள்ளது. எனவே இந்த டேப்லெட் நீண்ட நேரம் பேட்டரி பேக்கப் வழங்கும். மேலும் இந்த பேட்டரியை சார்ஜ் செய்ய 45W ஃபாஸ்ட் சார்ஜிங் ஆதரவு உள்ளது. மேலும் 6.5W ரிவர்ஸ் சார்ஜிங் ஆதரவும் கொண்டுள்ளது இந்த அட்டகாசமான டேப்லெட். லாவெண்டர் டிரிஃப்ட் (Lavender Drift) மற்றும் ஷேடோ பிளாக் பினிஷ் (Shadow Black finish) நிறங்களில் ஒன்பிளஸ் பேட் கோ 2 மாடலை வாங்க முடியும்.

8எம்பி ரியர் கேமரா உடன் இந்த ஒன்பிளஸ் பேட் கோ 2 மாடல் வெளிவந்துள்ளது. மேலும் செல்பிகளுக்கும், வீடியோகால் அழைப்புகளுக்கும் என்றே 8எம்பி கேமராவும் இதில் உள்ளது. இதுதவிர பல கேமரா அம்சங்கள் கொண்டுள்ளது இந்த டேப்லெட். யூ.எஸ்.பி டைப்-சி ஆடியோ (USB Type-C Audio), குவாட் ஸ்பீக்கர்கள் (Quad Speakers), டால்பி அட்மாஸ் (Dolby Atmos) உள்ளிட்ட அம்சங்களும் இந்த சாதனத்தில் உள்ளன.

குறிப்பாக 5ஜி ஆதரவு கொண்டுள்ளது இந்த சாதனம். மேலும் வைஃபை 802.11. ஏஎக்ஸ், புளூடூத் 5.4, யூ.எஸ்.பி டைப்-சி போன்ற பல கனெக்டிவிட்டி ஆதரவுகள் கொண்டுள்ளது இந்த டேப்லெட். அதேபோல் கேமிங் பயனர்களை கவரும் வகையில் மாலி ஜி615 எம்சி2 ஜிபியு (Mali-G615 MC2 GPU) கிராபிக்ஸ் கார்டு வசதியும் இந்த புதிய ஒன்பிளஸ் டேப்லெட் மாடலில் உள்ளன.

ஒன்பிளஸ் பேட் கோ 2 விலை

8ஜிபி ரேம் + 128ஜிபி மெமரி கொண்ட ஒன்பிளஸ் பேட் கோ 2 (Wi-Fi) மாடலின் விலை ரூ.26,999-ஆக உள்ளது.
8ஜிபி ரேம் + 256ஜிபி மெமரி கொண்ட ஒன்பிளஸ் பேட் கோ 2 (Wi-Fi) மாடலின் விலை ரூ.29,999-ஆக உள்ளது.
8ஜிபி ரேம் + 256ஜிபி மெமரி கொண்ட ஒன்பிளஸ் பேட் கோ 2 ( Wi-Fi + 5G) மாடலின் விலை ரூ.32,999-ஆக உள்ளது.

டிசம்பர் 18-ம் தேதி மதியம் 12 மணி முதல் ஒன்பிளஸ்.இன், ஒன்பிளஸ் ஸ்டோர் ஆப், ரிலையன்ஸ், குரோமா, விஜய் சேல்ஸ், பஜாஜ் எலக்ட்ரானிக்ஸ் தளங்களில் இந்த புதிய ஒன்பிளஸ் பேட் கோ 2 மாடலை வாங்கிவிட முடியும்.