இது எதிர்பார்க்காத சர்ப்ரைஸ்.. கம்மி பட்ஜெட்ல Lenovo 5ஜி டேப்லெட் அறிமுகம்.. 7040mAh பேட்டரி.. எந்த மாடல்?

லெனோவா நிறுவனம் 5ஜி ஆதரவு கொண்ட புதிய லெனோவா ஐடியா டேப் (Lenovo Idea Tab) எனும் டேப்லெட் மாடலை இந்தியாவில் அறிமுகம் செய்துள்ளது. குறிப்பாக இந்த டேப்லெட் ஆனது 11-இன்ச் டிஸ்பிளே, ஆண்ட்ராய்டு 15 இயங்குதளம், டால்பி அட்மாஸ் உள்ளிட்ட பல்வேறு சிறப்பான அம்சங்களுடன் வெளிவந்துள்ளது. இப்போது இந்த புதிய லெனோவா டேப்லெட் மாடலின் விலை மற்றும் அம்சங்களைப் பார்க்கலாம்.

லெனோவா ஐடியா டேப் அம்சங்கள் (Lenovo Idea Tab Specifications): 10.61-இன்ச் 2.5கே எல்சிடி டிஸ்பிளே வசதியுடன் இந்த புதிய லெனோவா ஐடியா டேப் மாடல் அறிமுகம் செய்யப்பட்டுள்ளது. மேலும் இதன் டிஸ்பிளேவில் 2560 x 1600 பிக்சல்ஸ், 500 நிட்ஸ் பிரைட்னஸ், டியூவி ஐ கேர் சர்டிஃபிகேஷன் உள்ளிட்ட பல சிறப்பான அம்சங்கள் உள்ளன.

அதேபோல் மீடியாடெக் டைமன்சிட்டி 6300 ஆக்டகோர் பிராசஸர் உடன் இந்த லெனோவா ஐடியா டேப் மாடல் வெளிவந்துள்ளது. குறிப்பாக இந்த பிராசஸர் மேம்பட்ட செயல்திறன் வழங்கும். அதேபோல் இந்த டேப்லெட் மாடலில் அனைத்து ஆப்களையும் தடையின்றி பயன்படுத்த முடியும் என்பது குறிப்பிடத்தக்கது.

8ஜிபி ரேம் மற்றும் 256ஜிபி மெமரி உடன் லெனோவா ஐடியா டேப் அறிமுகம் செய்யப்பட்டது. மேலும் கூடுதலாக மெமரி நீட்டிப்பு ஆதரவு கொண்டுள்ளது இந்த டேப்லெட். அதாவது நீங்கள் 2டிபி வரை மெமரி கார்டை பயன்படுத்த ஒரு மைக்ரோ எஸ்டி கார்டு ஸ்லாட் ஆதரவு இந்த டேப்லெட் மாடலில் உள்ளது.

ZUI 17 சார்ந்த ஆண்ட்ராய்டு 15 (Android 15) இயங்குதளத்தை அடிப்படையாகக் கொண்டு இந்த டேப்லெட் வெளிவந்துள்ளது. ஆனாலும் இந்த டேப்லெட் மாடலுக்கு 2 ஆண்ட்ராய்டு ஓஎஸ் அப்டேட் கிடைக்கும். அதேபோல் நான்கு வருடங்களுக்குப் பாதுகாப்பு அப்டேட் கிடைக்கும் என்று தெரிவிக்கப்பட்டுள்ளது.

8எம்பி ரியர் கேமராவுடன் வெளிவந்துள்ளது லெனோவா ஐடியா டேப் மாடல். மேலும் செல்பிகளுக்கும், வீடியோகால் அழைப்புகளுக்கும் என்றே 5எம்பி கேமராவும் இதில் உள்ளது. இதுதவிர 3.5எம்எம் ஆடியோ ஜாக் (3.5mm audio jack), குவாட் ஸ்பீக்கர்கள், டால்பி அட்மாஸ் (Dolby Atmos) உள்ளிட்ட பல சிறப்பான அம்சங்கள் இந்த சாதனத்தில் உள்ளன. லூனா கிரே (Luna Grey) நிறத்தில் இந்த சாதனத்தை வாங்க முடியும்.

7040mAh பேட்டரி உடன் லெனோவா ஐடியா டேப் அறிமுகம் செய்யப்பட்டது. எனவே இந்த டேப்லெட் மாடலை வாங்கும் பயனர்களுக்கு சார்ஜ் பற்றிய கவலை இருக்காது. அதாவது இந்த டேப்லெட் நீண்ட நேரம் பேட்டரி பேக்கப் வழங்கும். மேலும் இந்த பேட்டரியை சார்ஜ் செய்ய 20W சார்ஜ் ஆதரவும் உள்ளது. அதேபோல் லெனோவா டேப் பென் (Lenovo Tab Pen), லெனோவா டேப் பென் பிளஸ் (Lenovo Tab Pen Plus), ஃபோலியோ கீபோர்ட் (folio keyboard) போன்ற சாதனங்களுடன் இந்த டேப்லெட் உடன் அறிமுகம் செய்யப்பட்டது.

லெனோவா ஐடியா டேப் Wi-Fi + Pen வேரியண்ட் விலை ரூ.16,999-ஆக உள்ளது. பின்பு இதன் 5G + Pen வேரியண்ட் விலை ரூ.19,999-ஆக உள்ளது. தற்போது அமேசான் மற்றும் ஆப்லைன் ஸ்டோர்களில் இந்த புதிய சாதனத்தை வாங்க முடியும். குறிப்பாக இந்த புதிய டேப்டெல் மாடலுக்கு நல்ல வரவேற்பு இருக்கும் என எதிர்பார்க்கப்படுகிறது.