மீண்டும் கலக்க வரும் குட்டி ஐபோன்.!

உலக அளவில் கேஜெட் ரசிகர்களின் விரும்பத்திற்குரியதாக விளங்கும் ஆப்பிள் நிறுவனத்தின் குட்டியான ஐபோன் மாடல் iPhone SE மீண்டும் விற்பனைக்கு வந்துவிட்டது.

ஆப்பிள் நிறுவனம் iPhone SE மொபைல் 2016ஆம் ஆண்டு முதல் முதலாக அறிமுகம் செய்தது. மிகவும் கைக்கு அடக்கமான இந்த மொபைல் 32GB மற்றும் 128GB என இரண்டு விதமான இன்டர்நல் மெமரியுடன் அறிமுகம் செய்யப்பட்டது.

இந்த மொபைல் 4 இன்ச் தொடுதிரை, 12MP ரியர் கேமரா, 1.2MP செல்ஃபி கேமரா கொண்டது. இந்த மொபைல் தற்போது விற்பனைக்கு இல்லாத நிலையில், ஆப்பிள் நிறுவனம் தன்னிடம் உள்ள கொஞ்சம் மொபைல்களை ஸ்டாக் கிளியரன்ஸ் சேலாக விற்க முடிவு செய்துள்ளது.

விரைவில் இந்த மொபைல் ஐபோன் இணையதளம் வழியாகவே விற்கப்படும் என எதிர்பார்க்கப்படுகிறது. இதன் விலையும் சுமார் 21,000 ரூபாயில் இருந்து 18,000 ரூபாயாகக் குறையும் எனக் கூறப்படுகிறது.

இந்த ஐபோனை பொது மக்கள் ஏராளமானோரும் எதிர்பார்த்து காத்து இருக்கின்றனர்.