பாகிஸ்தான் பிரபல தேநீர் கடையில் அபிநந்தனின் புகைப்படத்தை வைத்து வியாபரம்.!

தேநீர் விற்பனையாளர்

சமீபத்தில் பாகிஸ்தான் தேநீர் விற்பனையாளர் ஒருவர் அபிநந்தனின் புகைப்படத்தை தனது தேநீர் கடையின் சுவரொட்டியில் பயன்படுத்தியுள்ளார். ஆனால் உண்மையில் அவர் ஒரு நேர்மறையான செய்தியை அதில் வெளிப்படுத்தியுள்ளார்.

இதுபோன்ற தேநீர் எதிரிகளையும் நண்பர்களாக்கும்

"பாகிஸ்தானில் எங்கோ ஒரு தேநீர் கடையில், அபிநந்தனின் புகைப்படம் உள்ள சுவரொட்டி குறிப்பிடுவது யாதெனில் : 'இதுபோன்ற தேநீர் எதிரிகளையும் நண்பர்களாக்கும்' " என ட்விட்டர் பயனர் ஒருவர் பதிவிட்டுள்ளார்.

விங் கமாண்டர் அபிநந்தன் வர்த்தமான் தேநீர் அருந்துவது போன்ற புகைபடம் அந்த பதாகையில் இடம்பெற்றுள்ளது.

கடந்த பிப்ரவரி 27

விங் கமாண்டர் அபிநந்தன் கடந்த பிப்ரவரி 27 அன்று ஜம்மு காஷ்மீர் பகுதியில், மிக் -21 பைசன் போர் விமானத்தில் பாகிஸ்தானின் ஜெட் விமானங்களை துரத்திசென்றபோது, பாகிஸ்தான் ஆக்கிரமிப்பு காஷ்மீர் பகுதியில் அவரது விமானம் சுட்டு வீழ்த்தப்பட்டது.

காவலில் வைக்கப்பட்டார்

விமானத்தில் இருந்து பாதுகாப்பாக வெளியேறி பாராசூட் மூலம் பாகிஸ்தான் ஆக்கிரமிப்பு காஷ்மீரில் விழுந்த அவர் பாக்கிஸ்தானிய இராணுவத்தால் காவலில் வைக்கப்பட்டார். பிப்ரவரி 28 அன்று பாகிஸ்தான் பிரதம மந்திரி இம்ரான் கான் "அமைதி நடவடிக்கையாக" அபிநந்தன் விடுவிக்கப்படுவார் என்று அறிவித்த பின்னர் மார்ச் 1 அன்று அவர் விடுதலை செய்யப்பட்டார்.

பி.எஸ். தானோவ்

பாகிஸ்தானின் இராணுவ அதிகாரிகளால் உடல் ரீதியாக சித்திரவதை செய்யப்படவில்லை என்றாலும், அவர் மிகவும் மன வேதனைக்கு உட்படுத்தப்பட்டதாக இந்திய விமானப்படை உயர்மட்டஅதிகாரிகளிடம் விங் கமாண்டர் அபிநந்தன் தெரிவித்திருந்தார் என தகவல்கள் கூறுகின்றன.

அபிநந்தன் போதுமான உடற்தகுதி பெற்றபின் மீண்டும் விமானம் இயக்க அனுமதிக்கப்படுவார் என கடந்த மார்ச் 4 ம் தேதி தலைமை விமான மார்ஷல் பி.எஸ். தானோவ் தெரிவித்தது குறிப்பிடத்தக்கது.