ராட்சத பட்டத்தின் வாலில் சிக்கி பறந்த 3வயது சிறுமி.! பின்பு நடந்தது என்ன? வைரல் வீடியோ.!

அதாவது பல நாடுகளில் பட்டம் விடும் திருவிழா நடைபெறுவது வழக்கம் தான், நமது நாட்டிலும் கூட வட மாநிலங்களில்அதிக பட்டம் விடும் திருவிழா ஆண்டுதோறும் நடைபெற்று வருகிறது.

அதேபோல் தைவான் நாட்டிலும் வழக்கம்போல பட்டம் விடும் திருவிழா ஆனது மிகுந்த விமர்சையாக நடைபெற்றது,குறிப்பாகவடக்கு தைவானின் ஹ்சிஞ்சுவில் நடைபெற்ற காத்தாடி,திருவிழாவில் ஏராளமான ராட்சத பட்டங்கள் பறக்க விடப்பட்டது.

அந்தசமயம் பட்டம் விடும் திருவிழாவை பெற்றோருடன் வேடிக்கை பார்த்துக்கொண்டிருந்த 3வயது சிறுமி ஒரு ராட்சத பட்டத்தின் வாலில் சிக்கி. அந்த ராட்சத பட்டத்துடன் சேர்ந்து பறந்தாள்.

சரியாக 100 அடி தூரத்துக்கு அந்த பட்டம் பறந்த நிலையில், அதனுடன் சேர்ந்து குழந்தையும் பறந்த அதிர்ச்சி சம்பவம்பார்வையாளர்களிடையே மிகுந்த பரபரப்பை ஏற்படுத்தியது. உடனே பட்டத்தை இறக்கி குழந்தையை காப்பற்ற முயற்சி
மேற்கொள்ளப்பட்டது.

மேலும் 100 அடி தூரத்துக்கு தூக்கி வீசியபின் பட்டத்தின் வால் தரையை நோக்கி வந்தது, அப்போது சிறுமியை காப்பாற்றுவதற்காக காத்திருந்த மக்கள் சிறுமியை பிடித்துக்கொண்டனர். எனினும், சிறுமிக்கு சிறிய அளவில் காயங்கள் ஏற்பட்டு, மருத்துவமனைக்கு சிகிச்சைக்காக கொண்டு செல்லப்பட்டார்.

பின்பு இந்த சம்பவத்தால் இந்த திருவிழாவும் நிறுத்திக்கொள்ளப்பட்டதாக கூறப்படுகிறது, இருந்தபோதிலும் 3 வயது சிறுமி ஒருவர் சிக்கியதை அடுத்து, பட்டத்துடன் சேர்ந்து வானில் சுழற்றியடிக்கப்பட்ட சம்பவம் வீடியோவாக வெளியாகி பதைபதைப்புக்குள்ளாகியுள்ளது என்றுதான் கூறவேண்டும்.