இப்போவே ஆர்டர் போட்டா வெறும் ரூ.4699 மட்டுமே.. Zebronics ZEB-EA122 மானிட்டர் விற்பனை தீயா இருக்க போகுது..

சில நேரங்களில் நம்ப முடியாத விஷயங்கள் நம்மை சுற்றி நடந்து கொண்டே தான் இருக்கிறது. அப்படி சமீபத்தில் நிகழ்ந்த ஒரு நிகழ்வு தான் செப்ரானிக்ஸ் (Zebronics) நிறுவனத்தால் அறிமுகம் செய்யப்பட்ட 22' இன்ச் எச்டி+ டிஸ்பிளே மானிட்டர் ஈர்ப்பை உருவாக்கியுள்ளது.

இது மக்களின் கவனத்தை ஈர்த்ததற்கு முக்கிய காரணமே இதன் விலை வெறும் ரூ.4699 மட்டுமே என்பது தான். வெறும் 4000 ரூபாய் புள்ளியில், இப்படி ஒரு தரமான எச்டி பிளஸ் டிஸ்பிளேவை அறிமுகம் செய்து, விற்பனைக்கு கொண்டுவந்துள்ளது. Zebronics இந்திய சந்தையில் ZEB-EA122 என்ற பெயருடன் புதிய மலிவு விலை HD+ மானிட்டர் மாடலை அறிமுகப்படுத்தியுள்ளது.

இது பிராண்டின் பிக்சல் ப்யூர் தொடரின் கீழ் அறிமுகம் செய்யப்பட்ட 22' இன்ச் LED மானிட்டர் மாடல் ஆகும். இந்த மானிட்டரின் முக்கிய ஈர்ப்பு நீங்கள் பெறும் பணத்திற்கான சிறந்த அம்சத்துடன் இது வருகிறது. இதன் விலை ரூ. 5000 மற்றும் 22' இன்ச் LED டிஸ்பிளேவுடன் 1680 × 1050 நேட்டிவ் ரெசல்யூஷனுடன் வருகிறது.

இந்த விலை வரம்பில் நீங்கள் காணும் வழக்கமான 1366 x 768 ரெசல்யூஷன் மானிட்டர்களைக் காட்டிலும் இது கூர்மையானது. இது 16:10 விகிதத்தைக் கொண்டுள்ளது. இது உங்கள் வீட்டிற்கும் அலுவலகப் பணிகளுக்கும் சிறப்பானது. அத்துடன் ஒழுக்கமான 250 நிட்ஸ் பீக் பிரைட்னஸ் அம்சத்துடன் இது வருகிறது. இந்த சிறந்த டிஸ்பிளே அட்டகாசமான 2000000:1 என்ற டைனமிக் கான்ட்ராஸ்ட் விகிதத்தைக் கொண்டுள்ளது.

இது 140° கிடைமட்ட கோணத்தையும், 110° செங்குத்து கோணத்தையும் கொண்டுள்ளது. மானிட்டர் 16.7 மில்லியன் வண்ணங்களைக் காட்ட கூடிய சிறந்த கலர் அம்சத்தை கொண்டுள்ளது. எனவே வண்ணங்கள் துடிப்பாகவும் துல்லியமாகவும் இருக்கும். இது 5 எம்எஸ் லோ-லேடன்சி நேரத்துடன் வருகிறது. இதை நீங்கள் சாதாரண கேமிங்கிற்கு தாராளமாக பயன்படுத்தலாம். கேமிங் அனுபவத்தையும் இது சிறப்பாக்குகிறது.

HDMI மற்றும் VGA உள்ளீடுகளுடன் சாதனங்களை இணைப்பது மிகவும் எளிது. இந்த மானிட்டர் அதிகபட்சமாக 22 வாட்ஸ் சக்தியைப் பயன்படுத்துகிறது. இது 556 x 102 x 460 மிமீ (அடித்தளத்துடன்) பரிமாணங்களைக் கொண்டுள்ளது. இது வெயிட்டான ஸ்டாண்டுடன், உறுதியான வடிமைப்பைக் கொண்டுள்ளது. மானிட்டரின் அடிப்பகுதியுடன் தொகுப்பில் HDMI கேபிள் மற்றும் பவர் கார்டைப் பெறுவீர்கள்.

இந்த டிஸ்பிளே குறைந்த விலையில், பயனர்களுக்கு தேவையான சிறந்த அனுபவத்தை வழங்குகிறது. இதன் விலை மற்றும் கிடைக்கும் தன்மை பற்றி பார்க்கலாம். இந்த Zebronics ZEB-EA122 மானிட்டர் சாதனம், வரும் ஆகஸ்ட் 14 முதல் விற்பனைக்கு வாங்க கிடைக்கும் என்று நிறுவனம் அறிவித்துள்ளது, இந்த 22 இன்ச் அளவு கொண்ட Zebronics ZEB-EA122 எச்டி+ மானிட்டர் சாதனம் பிளிப்கார்ட் வழியாக விற்பனைக்கு வருகிறது.

இந்த புதிய ZEBRONICS ZEB-EA122 மானிட்டரை வாங்க விரும்பும் மக்கள் ஆகஸ்ட் 14ம் தேதி துவங்கும் விற்பனையை பயன்படுத்திக் கொள்ளுங்கள். இந்த Zebronics ZEB-EA122 மானிட்டரின் அறிமுகம் விற்பனை என்பதனால், ஆரம்ப காலத்தில், இது சிறப்பு வெளியீட்டு விலையில் வழங்கப்படும். இது ரூ. 4,699 என்ற அறிமுக சலுகை விலையில் வாங்க கிடைக்கிறது. அதன் வழக்கமான விலையாக நிறுவனம் ரூ. 12,799 என்ற விலையில் குறிப்பிட்டுள்ளது.