பல நாடு சுற்றி அலுத்து போச்சா இனி சந்திரனுக்கும் ஜாலியா டூர் போங்க.! தனியார் நிறுவனம் அறிவிப்பு

சந்திரனில் கால்பதித்த முதல் மனிதன்:

சந்திரனுக்கு முதல் முறையாக அமெரிக்கா ஆட்களை அனுப்பியது. இதில் விண்வெளி வீரர் நீல் ஆம்ஸ்ட்ராங் முதன் முறையாக அங்கு கால்பதித்து வரலாற்று சாதனை படைத்தார். மேலும், பல்வேறு நாடுகளும் சந்திரனை ஆய்வு செய்து வருகின்றன. பல்வேறு நாடுகளும் நிலவை ஆய்வு செய்து வருகின்றன.

நிலவில் தண்ணீர்:

இஸ்ரோ அனுப்பிய சந்திராயன்-1 செயற்கைகோள் நிலவில் தண்ணீர் இருப்பதற்கான சாத்தியக் கூறுகள் இருக்கின்றன என்று முதன்முதலில் கண்டுபிடித்து கூறியது. இதை அண்மையில் அமெரிக்கா நாசா விஞ்ஞானிகளும் உறைந்த நிலையில் நிலவில் தண்ணீர் இருக்கின்றது என்று உறுதி செய்தனர்.

டிரம்ப் உத்தரவு:

மேலும் சந்திரனில் மீண்டும் ஆய்வு செய்யும் படி நாசா மையத்திடம் அதிபர் டிரம்ப் உத்தரவிட்டார். இதையடுத்து சந்திரனில் உட்புறத்தில் மிக தீவிரமான ஆய்வு மேற்கொள்ள நாசா திட்டமிட்டுள்ளது.

ஸ்பேஸ் எக்ஸ் அறிவிப்பு:

இந்நிலையில் சந்திரனுக்கு சுற்றுலா பயணிகளை அழைத்துச் செல்ல இருப்பதாக அமெரிக்காவின் பேஸ் எக்ஸ் தனியார் நிறுவனம் அறிவித்துள்ளது. அதற்காக பிக் பால்கன் என்ற மிகப்பெரிய ராக்கெட் தயாரிக்கப்படுவதாக அந்நிறுவனம் டுவிட்டரில் தெரிவித்துள்ளது.

முதல் நிறுவனம்:

இதன் மூலம் சந்திரனுக்கு முதன்முறையாக சுற்றுலா பயணிகளை அழைத்து செல்லும் நிறுவனம் என்று பெருமை கிடைத்துள்ளது. அதே நேரத்தில் நிலவுக்கு சென்று வர வேண்டும் என்று நினைத்தவர்களின் கனவும் நனவாக போகின்றது.

இதுவரை நிலவிற்கு 24 மனிதர்கள் மட்டுமே சென்று உள்ளனர். கடந்த 1972ம் ஆண்டு அப்போலோ மிஷன் திட்டத்தின் படி மனிதர்கள் நிலவிற்கு சென்றதே கடையாகும்.