ஷாக் ஆகிப்போன சயின்டிஸ்ட்கள்.. இது எப்படி தப்பிச்சது? அதுவும் இவ்ளோ பக்கத்துல இருந்தும் கூட!

பரீட்சயமானது.. அதே சமயம் மிகவும் ஆபத்தானது!

உங்களில் சிலருக்கு பிளாக் ஹோல் (Black hole) என்கிற வார்த்தை மிகவும் பரீட்சயமானதாக இருக்கலாம். தமிழில் அதை கருந்துளை என்றும் கூறுவார்கள்.

இரத்தினச் சுருக்கமாக சொல்ல வேண்டும் என்றால் பிளாக் ஹோல்களை பிரபஞ்சத்தின் பெரிய மோசமான வில்லன்கள் என்றே கூறலாம். ஏனென்றால் - பிளாக் ஹோல்கள் சக்தி அளப்பரிய முடியாதது!

ஒளியை கூட விட்டு வைக்காமல் "தின்னும்"!

பிளாக் ஹோல்கள் என்பது விண்வெளி நேரத்தின் (region of spacetime) ஒரு பகுதியாகும். அங்கு புவியீர்ப்பு மிக மிக வலுவாக இருக்கும்.

எவ்வளவு வலுவாக இருக்கும் என்றால் - அது துகள்களை (Particles) கூட விட்டு விடாது. அவ்வளவு ஏன்? கருந்துளைகள் ஆனது ஒளியை (Light) கூட கடந்து செல்ல அனுமதிக்காது.

ஷாக் ஆகிப்போன சயின்டிஸ்ட்கள்!

எதையும் "விழுங்கும்" ஒரு மாபெரும் சக்தியாக கருதப்படும் பிளாக் ஹோல்களில் ஒன்று - நமக்கு மிகவும் அருகாமையில் இருப்பது கண்டுபிடிக்கப்பட்டுள்ளது!

அதாவது பூமிக்கு மிகவும் அருகில் இருக்கும் ஒரு பிளாக் ஹோலை வானியலாளர்கள் கண்டறிந்து உள்ளனர். அதைவிட ஒரு திகிலான தகவல் என்னவென்றால் பூமிக்கு மிகவும் அருகில் இருப்பதாக கண்டறியப்பட்டுள்ள பிளாக் ஹோல் ஆனது நமது சூரியனை விட 10 மடங்கு பெரியதாக உள்ளதாம்.

பழையதை விட 3 மடங்கு அதிகம்!

புதிதாக கண்டறியப்பட்டுள்ள பிளாக் ஹோல் ஆனது, பூமியில் இருந்து 1600 ஒளி ஆண்டுகள் தொலைவில் உள்ள ஓபியுச்சஸ் விண்மீன் குழாமில் / கூட்டத்தில் (Ophiuchus constellation) அமைந்துள்ளது.

முன்னதாக மோனோசெரோஸ் விண்மீன் கூட்டத்தில் (Constellation of Monoceros) கண்டறியப்பட்ட பிளாக் ஹோல் தான், பூமிக்கு மிகவும் நெருக்கமாக இருக்கும் கருந்துளையாக அடையாளம் காணப்பட்டு இருந்தது.

ஆனால் தற்போது கண்டறியப்பட்டுள்ள பிளாக் ஹோல் ஆனது, முன்னதாக கண்டறியப்பட்ட ஒரு பிளாக் ஹோலை விட மூன்று மடங்கு அதிக நெருக்கமாக உள்ளது!

ஆச்சரியமான ஒற்றுமை!

புதிதாக கண்டறியப்பட்ட பிளாக் ஹோல் ஆனது, ஹவாயில் உள்ள சர்வதேச ஜெமினி ஆய்வகத்தின் (International Gemini Observatory) இரட்டை தொலைநோக்கிகளில் (twin telescopes) ஒன்றான ஜெமினி நார்த் தொலைநோக்கி (Gemini North telescope) மூலம் கண்காணிக்கப்படுகிறது.

இந்த கண்காணிப்பில், வானியலாளர்கள் ஒரு ஆச்சரியரிமான ஒற்றுமையை கண்டுபிடித்து உள்ளனர். அது என்னவென்றால், குறிப்பிட்ட பிளாக் ஹோலை ஒரு நட்சத்திரம் சுற்றி வருகிறது.

அந்த நட்சத்திரத்திற்கும் பிளாக் ஹோலிற்கும் இடையே உள்ள தூரமானது நமது பூமிக்கும் சூரியனுக்கும் இடையே உள்ள தூரத்துடன் ஒற்றுபோகிறது!

இந்த பிளாக் ஹோல் நம்மையும், நம் பூமியையும் உறிஞ்சுக்கொள்ளுமா?

உண்மைதான்! பிளாக் ஹோல்கள் மிகவும் ஆபத்தானவைகள் தான் மற்றும் அது எல்லாவற்றையும் உறிஞ்சுக்கொள்ளும் தான்!

ஆனால் கருந்துளைகளால் நமக்கும், நாம் வாழும் பூமிக்கும் ஆபத்து உள்ளதா என்று கேட்டால் - இல்லை என்கிற தீர்க்கமான பதிலே கிடைக்கும்!

காட்டுக்குள் போனால் தான் வேட்டையாட படுவோம்!

பிளாக் ஹோல்கள் ஆனது காட்டில் புலிகளுக்கு சமமானது. அதாவது நாம் காட்டில் இறங்காத வரையிலாக புலிகளிடம் சிக்கிக்கொள்ள மாட்டோம். அதே போல புலிகள் நம் வீட்டிற்குள் வந்து நம்மை வேட்டையாட போவதும் இல்லை.

நமது சூரிய குடும்பத்திற்கு ஆபத்து உண்டாக்கும் அளவிலான தூரத்தில் எந்த கருந்துளையும் இல்லை, தற்போது கண்டுபிடிக்கப்பட்ட பிளாக் ஹோல் கூட 1600 ஒளியாண்டுகள் தொலைவில் தான் உள்ளது.

அதை நோக்கி ஒரு ராக்கெட்டை ஏவினால்..?

அறியாதோர்களுக்கு, ஒரு ஒளி ஆண்டு என்றால் 9 ட்ரில்லியன் கிலோமீட்டர்கள் ஆகும். 1600 X 9 ட்ரில்லியன் கிமீ என்று கணக்கிட்டு பார்க்கும் போது.. அடுத்த பல நூற்றாண்டுகளுக்கு கருந்துளைகளால் நமக்கு எந்த ஆபத்தும் ஏற்படாது என்பதை நீங்களே புரிந்து கொள்வீர்கள்!

இன்னும் ஒரு படி மேலே சென்று, 1500 ஒளியாண்டுகள் என்கிற தூரத்தில் உள்ள ஒரு பிளாக் ஹோலை நோக்கி நாம் ஒரு ராக்கெட்டை ஏவினால்.. அது குறிப்பிட்ட பிளாக் ஹோலை சென்றடைய ஒரு ஆண்டு, இரண்டு ஆண்டுகள் அல்ல.. சுமார் 30 மில்லியன் ஆண்டுகள் ஆகும்!

நம் சூரியனே ஒரு கருந்துளையாக மாறினால் என்ன செய்வது?

அறிவியல் பூர்வமாக இது ஒரு நல்ல கேள்வி! ஆனால் உண்மை என்னவென்றால் நமது சூரியன் ஒரு பிளாக் ஹோல் ஆக மாற வாய்ப்பே இல்லை. ஏனென்றால், அது ஒரு பிளாக் ஹோல் ஆக மாறும் அளவிற்கு பெரியதாக இல்லை!

ஒருவேளை நமது சூரியனின் இடத்தை ஒரு கருந்துளை எடுத்துக்கொண்டாலும் கூட பூமி உறிஞ்சப்படாது.

ஏனென்றால்?

ஒரு பிளாக் ஹோல் ஆனது சூரியனை போன்ற அளவில் இருந்தால், அது சூரியனை போன்ற ஈர்ப்பு விசையைத் தான் கொண்டிருக்கும்.

அப்படி இருக்கும் போது, அதனால் பூமியையும் நமது சூரிய குடும்பத்தின் மற்ற கிரகங்களையும் "இழுக்க" முடியாது. ஆக எல்லாமே தற்போது நடப்பது போலவே தான் நடக்கும்.

ஆனால் நாம் அனைவருமே அதிக வெளிச்சத்தை பார்க்க மாட்டோம். இருட்டில் தான் சுற்றிக் கொண்டிருப்போம், எப்போதுமே மிகவும் குளிராக இருக்கும்!