வளிமண்டலம் மற்றும் புயல்கள் கொண்ட வியாழன் கிரகத்தின் சிறந்த தோற்றம்? இதோ!

இந்த அவதானிப்புகளுக்காக பூமியின் மேற்பரப்பில் இருந்து புறப்பட்டு வியாழன் வரை பயணித்த மிக சக்திவாய்ந்த கூட்டணிக்கு நன்றி தெரிவிக்க வேண்டும்‌.அவை 2016 முதல் வியாழனைச் சுற்றிவரும் நாசாவின் ஜூனோ ஆய்வு விண்கலம் மற்றும் சூரிய மண்டலத்தின் மிகப்பெரிய கிரகத்தை அதன் மூன்று தசாப்த கால செயல்பாட்டில் ஆய்வு செய்துள்ள நாசாவின் ஹப்பிள் விண்வெளி தொலைநோக்கி ஆகிய இரண்டும் ஆகும் . இறுதியாக விண்வெளியில் இருந்து வரும் அவதானிப்புகளை பூமியிலிருந்து சேகரிக்க ஹவாயில் உள்ள ஜெமினி ஆய்வகமும் இக்கூட்டணியின் முக்கிய அங்கமாகும்.

"இரண்டு வெவ்வேறு கண்காணிப்பு ஆய்வகங்கள் மற்றும் அலைநீளங்களிலிருந்து இந்த உயர்-தெளிவுத்திறன் காட்சிகளை இப்போது நாம் வழக்கமாக பெறுவதால், வியாழனின் வானிலை பற்றி நாம் அதிகம் கற்றுக் கொண்டிருக்கிறோம். இது நமது வானிலை செயற்கைக்கோளுக்கு ஈடானது. நாம் இறுதியாக வானிலை சுழற்சிகளைப் பார்க்க ஆரம்பிக்கலாம்" என்று மேரிலாந்தில் உள்ள நாசாவின் கோடார்ட் விண்வெளி விமான மையத்தின் வானியலாளர் ஆமி சைமன் கூறுகிறார். கிரக வளிமண்டலங்கள் குறித்த ஆய்வுகளில் கவனம் செலுத்திவரும் இவர், இந்த புதிய ஆராய்ச்சியிலும் பங்கெடுத்துவருவதாக நாசா தனது அறிக்கையில் கூறியுள்ளது‌.

ஆய்வுகள் மேற்கொள்ள வியாழனில் நிறைய வானிலைகள் உள்ளன. அந்த பிரம்மாண்ட கிரகத்தில்‌ கிரேட் ரெட் ஸ்பாட் மிகவும் பிரபலமான புயல் என்றாலும், வாயு இராட்சத புயல்கள் அனைத்தும் சுவாரஸ்யமாக உள்ளன.மேகங்கள் பூமியுடன் ஒப்பிடுகையில் ஐந்து மடங்கு அதிகமாகவும், மின்னல்கள் பூமியின் வலிமையான ஒன்றைக் காட்டிலும் மூன்று மடங்கு அதிகமாகவும் இருக்கும்.

ஒவ்வொரு 53 நாட்களுக்கு ஒருமுறை, ஜூனோ விண்கலம் வியாழனின் மேக உச்சியில் பெரிஜோவ் என்று அழைக்கப்படும் நெருங்கிய அணுகுமுறையில் எல்லா நேரத்திலும் தரவை சேகரிக்கிறது. விண்கலத்தின் கருவிகளில் உள்ள மைக்ரோவேவ் ரேடியோமீட்டர் மின்னல் தாக்குதல்களை அடையாளம் காணவும், வாயு இராட்சத வளிமண்டலத்தில் அம்மோனியா மற்றும் நீராவி என்ன செய்கின்றன என்பதைப் ஆய்வுசெய்யவும் வடிவமைக்கப்பட்டுள்ளது.

இந்த புதிய ஆராய்ச்சியின் பின்னால் உள்ள விஞ்ஞானிகள், ஹப்பிள் மற்றும் ஜெமினியுடன் ஜூனோவின் அட்டவணையுடன் ஒருங்கிணைந்து வியாழனை நெருக்கமாக ஆய்வுசெய்ய ஏற்பாடு செய்தனர். ஆகவே, ஜூனோ இந்த இராட்ச வாயு கிரகத்தின் மேல்நோக்கிச் சென்று அதைஆராயும் போது, ​​ஹப்பிள் மற்றும் ஜெமினி ஆகிய இரண்டும் வியாழன் மீதுள்ள வளிமண்டலத்தின் செயல்பாட்டினை‌ விரிவான புகைப்படமாக எடுத்து ஆராய்கின்றனர்.

குறிப்பாக ஹப்பிள் தொலைநோக்கி அக்கிரகத்தை புலப்படும் ஒளியில் படம்பிடிப்பதால், விஞ்ஞானிகளால் வெப்பச்சலன கோபுரங்களின் உயரத்தை அளவிட உதவுகிறது. இதற்கிடையில், ஜெமினி அகச்சிவப்பு ஒளியில் உயர் மட்ட மேகங்களின் இடைவெளிகளைக் காணும், விஞ்ஞானிகள் உலர்ந்த காற்று கீழே ஆழமாக மறைந்திருக்கும் நீர் மேகங்களுக்குள் மூழ்குவதாக சந்தேகிக்கிறார்கள்.

ஜூனோ விண்கலம் இன்றுவரை அந்த இராட்ஷச வாயு கிரகத்தை 26 முறை சுற்றுவந்துள்ளது. அதாவது இந்த மூவர் விஞ்ஞான கூட்டணி, வியாழனின் வளிமண்டலத்தைப் பற்றிய ஏராளமான தரவுகளை சேகரித்துள்ள நிலையில், விஞ்ஞானிகள் இன்றுவரை மிக ஆரம்பகட்ட கண்டுபிடிப்புகளை மட்டுமே பொதுவெளியில் வெளியிட்டுள்ளனர்.