'கண்களில் விரலை விட்டு ஆட்டும்' ஹைப்பர்சோனிக் கிளைடர், முந்தி செல்வது யார்..!

புதிய வகை :

ஹைப்பர்சோனிக் கிளைடர் - மிகவும் பயங்கரமான, மின்னல் வேகத்தில் ஊடுருவி பறந்து சென்று இலக்குகளை தாக்கி அழிக்கும் புதிய வகை ஆயுதமாகும்..!

போட்டி :

இந்த புதிய கண்டம் விட்டு கண்டம் பாயும் ஹைப்பர்சோனிக் கிளைடரை உருவாக்கும் போட்டியில் குதித்துள்ளன ரஷ்யா அமெரிக்கா மற்றும் சீனா..!

ஹைப்பர்கிளைட் :

நிச்சயமாக இந்த பூஸ்ட் -கிளைட் அல்லது ஹைப்பர்கிளைட் ஆயுதங்கள் ஆனது கண்டம் விட்டு கண்டம் பாயும் ஏவுகணைகள் மூலம் தான் தொடங்கப்படும்.

மேக் 5 :

உடன் குறைந்தது மேக் 5 (Mach 5) அல்லது அதற்கு மேற்பட்ட ஐந்து மடங்கு வேகத்தில், அதாவது மிகவேகத்தில் இலக்கை அடையும் படியாகத்தான் இவைகள் இருக்கும், இருக்க வேண்டும்.

வல்லமை :

இம்மாதிரியான வேகத்தில் மிகவும் சூழ்ச்சியானதாகவும், ட்ராக் செய்ய முடியாத வண்ணமும் இவைகள் பயணித்து தாக்கும் வல்லமை கொண்டிருக்கும்.

திறன் :

கண்டம் விட்டு கண்டம் பாயும் ஏவுகணைகள் போலின்றி ஹைப்பர் கிளைடரின் காற்றியக்கவியல் ஆனது அதை பத்தாயிரம் கிலோமீட்டர்கள் வரை உந்தி செல்லும் திறன் கொண்டதாய் உருவாக்கும்.

மீட்சி :

இத்தகைய அதிமீயொலி கிளைடர் ஆயுதங்கள் சார்ந்த யோசனையானது 1930-களில் இருந்து ஆரம்பிக்கிறது சமீபத்தில் 2003- ஆம் ஆண்டு அமெரிக்கா திட்டம் ஒன்றின் மூலம் மீட்சி பெற்றது.

கவனம் :

தற்போது 2.4 பில்லியன் டாலர்கள் செலவில் சுமார் 8,000 கிலோ மீட்டர் வரை செல்லும் திறன் கொண்ட அதிமீயொலிவேகம் வெப்பன் (Advanced Hypersonic Weapon -AHW) உருவாக்கம் செய்ய அமெரிக்கா கவனம் செலுத்தி வருகிறது.

சீனா - ரஷ்யா :

எனினும், இதுவரை அமெரிக்காவானது பிரத்தியேகமாக அணு அல்லாத ஹைப்பர்சோனிக் கிளைடர்களை தான் உருவாக்க முனைகிறது. ஆனால் சீனா, ரஷ்யா இரண்டுமே அணு ஆயுதங்களை வழங்கும் ஹைப்பர் சோனிக் கிளைடர்களை தான் உருவாக்கம் செய்கின்றன, குறிப்பாக ரஷ்யா..!

அடிக்கடி :

ப்ராஜக்ட் 4202 என்ற பெயரின் கீழ் ரஷ்யாவின் கிளைடர் திட்டம் நடைபெறுகிறது மறுபக்கம் சீனா அதன் சொந்த டி டிஎப்-இஸட்எஃப் அதிமீயொலி கிளைடர் வாகனத்தை அடிக்கடி பரிசோதித்து வருகிறது.

முன்னணி :

இந்த ஹைப்பர்சோனிக் கிளைடர் உருவாக்க போட்டியில் தற்போதைய ஆதாரங்களின்கீழ் அமெரிக்கா தான் ஒரு தெளிவான முன்னணி வகிக்கிறது..!

வடகொரியா மற்றும் ஈரான் :

உடன் தங்களது சாத்தியமுள்ள ஹைப்பர்சோனிக் ஆயுதங்கள் ஆனது வடகொரியா மற்றும் ஈரான் போன்ற நாடுகளின் அணு ஆயுதத்தை பெருக்கும் நாடுகளுக்காகத்தான் அவர்களை தடுக்கதான் பயன்படும் என்றும், அல்லது சீனாவின் ஆன்ட்டி-சாட்டிலைட் திறன்களை முடக்க அல்லது பயங்கரவாதிகளுக்கு எதிராக பயன்படுத்தப்படும் என்றும் அமெரிக்கா கூறியுள்ளது.

பிரதான நோக்கம் :

மறுபக்கம் ரஷ்யாவின் கிளைடர் தொழில்நுட்ப பிரதான நோக்கமானது அமெரிக்க பாதுகாப்பை ஊடுருவவேண்டும் என்பதிலேயே இருக்கிறது.

தரை சார்ந்த பாதுகாப்பு அமைப்பு :

அதாவது, அமெரிக்காவின் 'தாட்' தனை (THAAD) சமாளிக்கும் கிளைடர்களை மாஸ்கோ உருவாக்குகிறது என்பது சாத்தியமில்லை என்றாலும் கூட ரஷியன் கிளைடர்கள் தரை சார்ந்த பாதுகாப்பு அமைப்பு (GMD) மூலம் அமெரிக்க பாதுகாப்புகளை ஊடுருவலாம் என்று சந்தேகிக்கப்படுகிறது.