இதோட நிறுத்திக்கோ அதான் நல்லது : முட்டிக்கொள்ளும் அமெரிக்கா-ரஷ்யா..!

#1

சுமார் 0.4 முதல் 4 அங்குலம் வரையிலான விண்வெளி குப்பைகள் மணிக்கு 17,000 மைல்கள் வேகத்தில் பூமியை சுற்றி வந்துக் கொண்டிருக்கிறது என்று விஞ்ஞானிகள் கூறுகின்றன.

#2

அப்படியாக, மனிதனால் உருவாக்கம் பெற்ற சுமார் 500,000 - 600,000 விண்வெளி குப்பை துண்டுகள் விண்வெளியில் எங்கும் நிறைந்து கிடைக்கிறது.

#3

அந்த துண்டுகளில் ஒன்று, ஒரு நாட்டின் ராணுவ செயற்கைக்கோளை மோதினால், அது விண்வெளி பயணத்தில் இரு நாடுகளுக்கு இடையே அரசியல் அல்லது ஆயுத மோதல் வெடிக்க காரணமாக அமையலாம்.

#4

உதாரணமாக, 17500 மைல் வேகத்தில் பயணிக்கும் ஒரு 4 அங்குல ஸ்பேஸ் ஜன்க் ஆனது ஒரு செயற்கைக்கோளை அழிக்கவும் அல்லது கணிசமாக சுற்றுப்பாதையில் மாற்றம் அடைய செய்ய வைக்கவும் முடியும்.

#5

விண்வெளியில், செயற்கைகோள்களுக்கு ஒரு மாபெரும் சேதத்தை நிகழ்த்த ஒரு பட்டாணி அளவிலான விண்வெளி குப்பை கூட போதுமானது தான்.

#6

மேலும், இதுபோன்ற சேத நிகழ்வுகள் தற்செயலாக நடந்ததா அல்லது வேண்டுமென்றே நிகழ்த்தப்பட்டதா என்பதை அவ்வளவு எளிதில் தீர்மானிக்க முடியாது என்பதில் ஆரம்பிக்கின்றன பெரும் சிக்கல்கள்..!

#7

ஆக, உடனடியாக ஆதாரம் இல்லாத பற்றாக்குறை நிலையானது பொய்யான குற்றச்சாட்டுகள் , சூடான விவாதங்களை தொடர்ந்து இறுதியில் போருக்கு வழிவகுக்கும், முக்கியமாக, ஏற்கனவே எதிரி நாடுகளாய் திரியும் நாடுகளுக்கு இடையே எளிதில் யுத்தம் மூளும்.

#8

கடந்த 10 ஆண்டுகளில், ரஷ்ய ராணுவ செயற்கைகோள்கள் பலமுறை விளக்கமே இல்லாத முறையில் அடிக்கடி செயல் இழந்து உள்ளன, கோளாறுகள் நிகழ்ந்துள்ளன.

#9

அந்த கோளாறுகளுக்கு இரண்டு விளக்கங்கள் அளிக்கப் பட்டுள்ளது. ஒன்று, விண்வெளியில் நிகழும் பதிவுசெய்யப்படாத மோதல்கள். இரண்டாவது - விரோத சூழ்ச்சிகளால் திட்டமிட்டு நிகழ்த்தப்பட்ட செயல்.

#10

இது போன்ற நிகழ்வுகள் அடுக்கடுக்கான விளைவுகளை ஏற்படுத்தும் ஒரு எதிர்கால எச்சரிக்கை என்று நிபுணர்கள் மற்றும் விஞ்ஞானிகள் கருதுகின்றனர். 1978 -ஆம் ஆண்டில், அமெரிக்க வானியலாளர் டொனால்ட் கெஸ்லர், பூமியை சுற்றியுள்ள விண்வெளி குப்பைகளின் அளவு அதிவேகமாக வளரும் என்று கோட்பாடு வகுத்தார்.

#11

அவரின் கணிப்பை போலவே, செயலிழந்த செயற்கைக்கோள்கள், விண்கற்களை மற்றும் மனிதனால் கைவிடப்பட்ட விண்வெளி குப்பைகள் என நாம் விண்வெளியில் அடுக்கடுக்கான முறையில் குப்பைகளை கொட்டுகிறோம்.

#12

ஒரு விண்வெளி குப்பையால் ஏற்படும் விபத்தின் மூலம் மேலும் பல விண்வெளி குப்பைகள் உருவாகும், அவைகள் மேலும் பல விபத்துகளை உண்டாக்கி விண்வெளி குப்பைகளை அதிகரித்துக் கொண்டே போகும் என்பது தான் ஸ்பேஸ் ஜன்க் மீதான மாபெரும் அச்சமாகும்.

#13

சிறிய சிறிய விண்வெளி குப்பைகளை அகற்றுவதின் மூலம் ஒட்டுமொத்த விண்வெளி ஆய்வு திட்டத்திற்கும் முடிவு கட்டும் விண்வெளி குப்பை மேகங்கள் உருவாகம் பார்த்துக்கொள்ள முடியும் என்பது தான் இப்போது கையில் இருக்கும் ஒரு தெளிவான தீர்வு என்பதும் குறிப்பிடத்தக்கது.

#14

இதுவரையிலாக, 4 முதல் 8 அங்குல அகலம் வரையிலான 170,000 விண்வெளி குப்பை துண்டுகளை அமெரிக்க மற்றும் ரஷ்ய விண்வெளி கண்காணிப்பு அமைப்புகள் பட்டியலிடப்பட்டுள்ளன.

#15

தொடர்ந்து, 200 ஆண்டுகளுக்கு விண்வெளி குப்பைகளை குவிக்கும் இந்த நிலை நீடித்தால், பின்பு அவைகளை நீக்கும் வழியே இருக்காது என்பது குறிப்பிடத்தக்கது.

#16

மேற்கண்ட அத்துணை ஆய்வு தகவல்களையும் வெளியிட்டது ரஷ்ய நாட்டின் அறிவியல் அகாடெமியின் புவி உருண்டை டைனமிக்ஸ் நிறுவனத்தின் ஆய்வு குழு என்பது குறிப்பிடத்தக்கது.

#17

எல்லா பயலும் இஸ்ரோகிட்ட 'ட்யூஷனுக்கு' வாங்கப்பா..!!

ஏன் பூமியை விட்டு நாம் வெளியேற வேண்டும்..? - எலான் மஸ்க் அதிரடி..!

#18

மேலும் இதுபோன்ற அறிவியல்-தொழிற்நுட்ப செய்திகளை உடனுக்குடன் பெற - தமிழ் கிஸ்பாட் ஃபேஸ்புக் பக்கம் மற்றும் தமிழ் கிஸ்பாட் வலைதளம்..!