விமான நிலைய பாதுகாப்பில் ரோபோட் நாய்கள்: வேறலெவல் கண்காணிப்பு.!

நிஜ நாய்களுக்குப் பதிலாக ரோபோட் நாய்கள்

ஜெர்மன் ஷெப்பர்ட், லாப்ரடர்கள் மற்றும் பெல்ஜியன் மாலினோயிஸ் வகை நாய்களை பயிற்சியளித்து விமான நிலைய பாதுகாப்பிற்காக மத்திய தொழிற்சாலை பாதுகாப்புப் படை பயன்படுத்தி வந்தது. தற்பொழுது பாதுகாப்பு பணியில் பணிபுரியும் நிஜ நாய்களுக்குப் பதிலாக ரோபோட் நாய்களைப் பயன்படுத்த முடிவு செய்துள்ளது.

நிலைய பாதுகாப்பு பணியில் ரோபோட் நாய்

முன்னேறிய நாடுகளான அமெரிக்கா, கனடா, ஜப்பான் மற்றும் கொரியா போன்ற நாடுகளில் ரோபோட் நாய்களே விமான நிலைய பாதுகாப்பு பணியில் நியமிக்கப்பட்டுள்ளது. அதிநவீன தொழில்நுட்பத்தினால் இந்த ரோபோட் நாய்கள் உருவாக்கப்பட்டுள்ளது.

எக்ஸ்-ரே எடுக்கும் நாய்கள்

இந்த ரோபோட் நாய்கள் நிஜ நாய்களைப் போலவே, வெடிகுண்டு மற்றும் போதை பொருள் இருக்கும் இடங்களை மிகத் துல்லியமாக மோப்பம் பிடித்து விடுகின்றன. அதே போல் விமான நிலையத்தில் உள்ள பயணிகளின் பொருட்களை அதன் கண் வழியாக எக்ஸ்-ரே எடுத்து நொடியில் சோதனை செய்கின்றது.

அதிநவீன தொழில்நுட்ப பாதுகாப்பு

அதிநவீன தொழில்நுட்பத்தை பயன்படுத்தி விமான நிலையங்களில் சி.டி ஸ்கேன், ஏ.ஐ பாதுகாப்பு, வெடிகுண்டு டிடெக்டர்கள், சென்சார்கள் மற்றும் பயோமெட்ரிக் முறை எனப் பல பாதுகாப்பு முறைகளை அறிமுகம் செய்யவுள்ளதாக மத்திய தொழிற்சாலை பாதுகாப்புப் படையின் கலந்தாய்வில் தெரிவிக்கப்பட்டது.