தண்ணி பாட்டில கூட ரோபோவா மாற்றலாம்.! "புதிய ரோபோ ஸ்கின்" தொழில்நுட்பம் அறிமுகம்.!

ரோபோ ஸ்கின்

அன்றாடப் பயன்படுத்தும் பொருட்களை ரோபோக்களாக மாற்றி, செவ்வாய் மற்றும் வேற்றுக் கிரக ஆய்வுக்கு இந்த ரோபோ ஸ்கின் தொழில்நுட்பம் உதவும் என்று ஆராய்ச்சியாளர்கள் தெரிவித்தனர். இத்துடன் விண்வெளி வீரர்களின் ஆராய்ச்சிகளுக்கு உதவும் என்றும் அவர்கள் தெரிவித்திருக்கின்றனர். எவ்விதமான சுற்றுச்சூழலிலும் இந்த ரோபோ ஸ்கின்கள் செயல்படும் என்று கூறப்படுகிறது.

யேல் பல்கலைக்கழகம்

யேல் பல்கலைக்கழகத்துடன் இணைந்து, ஆராய்ச்சியாளர்களால் இந்த ரோபோ ஸ்கின் உருவாக்கப்பட்டு வடிவமைக்கப்பட்டிருக்கிறது. இந்த ரோபோ தோல்களை, தேடல் மற்றும் மீட்பு ரோபோக்கள் என அனைத்துச் சேவைக்கும் பயன்படுத்த முடியும். இது ஒரு அணியக்கூடிய தொழில்நுட்பம் எனவும், உயிரற்ற தினசரி பொருள்களை அசைவூட்ட முடியும் என்பது குறிப்பிடத்தக்கது.

விண்வெளி ரோபோட் மற்றும் ரோவர்

அதே போன்று, இந்த தொழிநுட்பத்தை மறுசீரமைக்கப்பட்ட பொருட்களுடன் இனைத்து விண்வெளித் திறன்களை ஆராய்வதற்கும் நிறைவேற்றுவதற்கும் பயன்படுத்தலாம் எனக் கூறப்படுகிறது. விலை உயர்ந்த விண்வெளி ரோபோட்களுக்கு பதிலாகவும் ரோவர்களுக்கு பதிலாகவும் மிகக் குறைந்த செலவில் ரோபோவாகவும் மற்றும் ரோவராகவும் பயன்படுத்திக்கொள்ளலாம் என்பது ஆராய்ச்சியாளர்களின் அறிவிப்பு.

உதவி பேராசிரியர்

இந்தத் தொழில்நுட்ப உதவியுடன் பலூன் முதல் கசங்கி போன காகிதம் வரை அனைத்தையும் ரோபோவாக மற்ற முடியும். கணிக்க முடியாத சுற்றுச்சூழல் ஆய்வு மற்றும் ஆழ்ந்த விண்வெளி ஆராய்ச்சிக்காகவும் பல்வகைத் தன்மையின் முக்கியத்துவத்தைக் கருத்தில் கொண்டே இந்த ரோபோ ஸ்கின்கள் உருவாக்கப்பட்டிருப்பதாக, யேல் பல்கலைக்கழகத்தின் உதவி பேராசிரியர் கிராமர் போடிக்லியோ(Kramer-Bottiglio) கூறினார்.

சட்டை

இந்த புதிய தொழில்நுட்ப உதவியுடன் பல வகை ரோபோ ஸ்கின்களை ஆராய்ச்சியாளர்களின் குழு உருவாக்கியுள்ளது. போம் சிலிண்டர் உதவியுடன் இன்ச்வார்ம் போல பொருட்க்களை நகர வைக்க முடியும். மோசமான வளைந்த தோற்றத்தை மாற்ற கூடிய சட்டை ஒன்றையும் தயாரித்திருக்கிறது. கிரிப்பர் உடன் கூடி ரோபோ உதவியுடன் பொருட்களை பிடிக்கவும் நகர்த்தவும் உதவுகிறது.