“நட்சத்திரங்கள் கிரகங்களை சிதைக்கின்றன” - கவனித்துச் சொன்ன நாசா.!

பூமியிலிருந்து சுமார் 450 ஓளியாண்டுகளின் தூரத்தில்

பூமியிலிருந்து சுமார் 450 ஓளியாண்டுகளின் தூரத்தில் உள்ள தாய் நட்சத்திரம் தற்போது கிரகங்களின் சிதைவுகளை விழுங்கும் பணியில் மும்முரமாக உள்ளது. இந்தச் சிதைவுகள் இளம் நட்சத்திரம் மற்றும் கிரகங்களின் மோதல்களால் ஏற்பட்டவையாகும். என, வானியல் ஆய்வு இதழில் (Astronomical Journal) வெளியிடப்பட்ட ஆய்வுக் கட்டுரை மூலம் தெரிய வருகிறது.

சிறிய கிரகங்கள் தங்களுடைய இருப்பு நிலையைத் தக்க வைத்துக் கொள்ள எத்தகைய இடா்பாடுகளை எதிர் கொள்ள வேண்டியுள்ளது என்பது பற்றிய ஆய்வுக்கு இந்தப் புதிய கண்டுபிடிப்பு மிகவும் உறு துணையாக இருக்கும் எனக் கருதப்படுகிறது.

பத்தாண்டுகளுக்கு ஒரு முறை

"RW Aur A" என்னும் பெயர் கொண்ட இளம் நட்சத்திரத்தைப் பற்றி 1937 ஆம் ஆண்டிலிருந்து ஆய்வு செய்து வரும் வானியல் அறிஞர்கள் அது அடைந்து வரும் மாறுபாடுகளைக் கண்டு குழப்பமடைந்து உள்ளனர்.

சில பத்தாண்டுகளுக்கு ஒரு முறை இந்த நட்சத்திரத்தின் ஒளி சற்று மங்கி மீண்டும் பிரகாசமடைவதைக் கண்டு பிடித்துள்ளனர். சமீப ஆண்டுகளில் இந்த நட்சத்திரத்தின் ஒளி அடிக்கடி மங்குவதையும் மீண்டும் பிரகாசமடைவதற்கு நீண்ட காலம் எடுத்துக் கொள்வதையும் வானவியல் குறித்து ஆய்வு செய்யும் விஞ்ஞானிகள் கண்டறிந்துள்ளனர்.

ஒளிமங்கிய நிலைக்குக் காரணம்

இந்த நட்சத்திரத்தின் சமீபத்திய ஒளிமங்கிய நிலைக்குக் காரணம் என்னவென்பதை தற்போது கண்டறிந்துள்ளனர். இரண்டு சிறிய கிரகங்கள் ஒன்றோடு ஒன்று மோதியிருக்கலாம், அதில் ஒன்று மற்றொன்றைவிட அளவில் பெரியதாக இருந்திருக்கும்.

முன்னர் காணப்பட் ஒளி

மோதிய கிரகங்களின் சிதைவுகள் நட்சத்திரங்களின் மீது விழுந்திருக்கலாம். இந்தச் சிதைவுகள் அடர்ந்த தூசுப் படலத்தையும் ஒரு வகையான வாயுப் படலத்தையும் ஏற்படுத்தியிருக்கும். அதன் காரணமாக நட்சத்திரத்தின் ஒளி மங்கியிருக்கலாம் என ஆய்வாளர்கள் கருதுகின்றனர்.

நட்சத்திரங்களில் இதற்கு முன்னர் காணப்பட் ஒளி மங்கலுக்கும் இது போன்ற நிகழ்வுகள் காரணமாக இருக்கலாம். இரண்டு கிரகங்கள் ஒன்றோடு ஒன்று மோதியிருக்கலாம் அல்லது ஏற்கனவே மோதிய கிரகங்களின் சிதைவுகள் நட்சத்திரங்களின் மீது விழுந்திருக்கலாம் என விஞ்ஞானிகள் முடிவு செய்துள்ளனர்.

சூரிய மண்டலத்துக்கு வெளியே

சூரிய மண்டலத்துக்கு வெளியே உள்ள கிரகங்களைப் பற்றி அறிந்து கொள்வதிலும் அது எவ்வாறு உருவாகின்றன என்பதைப் பற்றித் தெரிந்து கொள்வதிலும் தற்போதைய ஆய்வாளர்கள் மிகவும் ஆர்வம் காட்டி வருகின்றனர். நட்சத்திரங்கள் மற்றும் பிற கிரகங்களுடன் மோதுவதால் சிறிய கிரகங்கள் சிதைந்து போகின்றன என்கின்ற தகவலும், அவை சிதைவுறாமல் இயங்குவதை முடிவு செய்யும் காரணிகள் எவை என்பதைப் பற்றிய ஆய்வுகளும் மிகந்த முக்கியத்துவம் வாய்ந்தவையாக உள்ளன.