வெளியானது நிலவின் இன்னொரு ரகசியம் -மூன்மூன், அப்படியென்றால்?

    ஒரு சில ஆண்டுகளுக்கு முன்பு, குறும்புத்தனமான குழந்தைகளால் அல்லது ஆகச்சிறந்த விண்வெளி ஆராய்ச்சியாளர்களால் மட்டுமே யோசிக்க கூடிய ஒரு கேள்வியை, வானியலாளரின் மகன் ஒருவன் கேட்கிறான் : பூமிக்கு ஒரு நிலவு இருப்பது போலவே, நிலவிற்கும் ஒரு நிலவு இருக்கும் அல்லவா?

    வெளியானது நிலவின் இன்னொரு ரகசியம் -மூன்மூன், அப்படியென்றால்?

    இந்த கேள்விக்கு, கார்னெகி நிறுவனத்தின் ஆய்வாளர்களில் ஒருவரான ஜுனா கோல்மய்ரால் பதில் அளிக்க முடியவில்லை. ஏனெனில் இப்படி ஒரு கேள்வியை இதுவரை யாரும் கேட்டதும் இல்லை, இப்படியொரு கோட்பாட்டை யாரும் யோசித்ததும் இல்லை.

    முகநூலில் எங்கள் செய்திகளை உடனுக்குடன் படிக்க க்ளிக் செய்யவும்.!

    தீர்க்கமான ஒரு முடிவை எடுக்கிறார்!

    தன் மகனின் இந்த "நுட்பமான" கேள்விக்கு அவரிடம் உடனடி பதில் இல்லை என்றாலும் கூட, அம்மாதிரியான சூழல் உள்ளதா என்பதை பற்றி ஆராய வேண்டும் என்று அவர் முடிவு எடுக்கிறார். இந்த கேள்விக்கான விடையை தேடுவதில் மூலம் சூரிய குடும்பத்தின் சில மறைக்கப்பட்ட வரலாற்றை வெளிப்படுத்தவும் முடியும் என்று அவர் உணர்ந்தார்.

    ஆராய்ச்சிகளுக்கு பின்னர் ஆய்வறிக்கை வெளியானது!

    பின்னர், குறிப்பிட்ட நோக்கத்தின் கீழ் நிகழ்த்தப்பட்ட ஆய்வுகளின் முடிவுகளை, பெர்டாயக்ஸ் பல்கலைக் கழகத்தின் வானியலாளர் சீன் ரேமண்ட் உடன் இணைந்து ஏஆர்ஸிவ்.ஆர்க் (arXiv.org) எனும் தளத்தில் "கேன் மூன் ஹேவ் மூன்ஸ்?" (அதாவது நிலவிற்கு நிலவுகள் உண்டா?) என்கிற பெயரின் கீழ் ஆய்வறிக்கை ஒன்றை வெளியிட்டார்.

    இடம் இருக்கிறதா?

    இதுவொரு மிகப்பெரிய கேள்வி என்பதால், முதலில் வெளியான ஆய்வறிக்கையானது மறு ஆய்விற்கு உட்படுத்தப்பட்டது. இப்போது அந்த ஆய்வறிக்கை விஞ்ஞானத் தலையீட்டைக் கொண்டிருக்கிறது. அப்படி என்ன முடிவு தான் வெளியாகி உள்ளது? நிஜமாகவே நிலவிற்கு நிலவு இருந்தால் அதை எப்படி அழைக்கலாம்? நமது பூமியை சுற்றும் நிலவை சுற்றி ஒரு சிறிய சப் மூன் (துணை நிலவு) சுற்றி வருகிறதா? என்கிற கேள்வியை வைத்து ஆராய்ச்சி செய்த ஜுனா கோல்மய்ர் மற்றும் ரேமண்ட் ஆய்வு காகிதத்தின் படி, பெரும்பாலான சந்தர்ப்பங்களில் ஒரு சந்திரனை மற்றொரு சந்திரன் சுற்றி வர போதுமான இடம் மற்றும் இன்னும் சில விதிமுறைகள் தேவைப்படுமாம்.

    என்னென்ன விதிமுறைகள்?

    கூறப்படும் சிறிய நிலவுகள் ஆனது கடல் அலை ஈர்ப்பு காரணமாக பிரதான கிரகத்தினால் (பூமி) இழுக்கப்பட்டு, துண்டுகளாக பிரிக்கப்படுகின்றனவாம். ஈர்க்கப்பட்டு பிரிக்கப்படமால் இருக்க வேண்டும் என்றால், அதாவது ஒரு துணை நிலா உயிர் பிழைக்க வேண்டும் என்றால் அதற்கு குறைந்த பட்சம் ஆறு மைல்களுக்கான விட்டமாவது இருக்க வேண்டுமாம். மேலும் அதன் சுற்றுப்பாதையில் நிலைக்கும் அளவிற்கு போதுமான ஈர்ப்பு சக்தியும் இருக்க வேண்டுமாம், அப்போது தான் பிரதான கிரகத்தின் மீது (பூமி) அது மோதாமல் இருக்குமாம்.

    பூமியின் நிலவிற்கு துணை நிலவுகள் இருக்க வாய்ப்பு உண்டா?

    நமது சொந்த சூரிய மண்டலத்தில் உள்ள சில நிலவுகளுக்கு துணை நிலவுகள் உள்ளன. அவைகள் மேற்கூறப்பட்டுள்ள விதிமுறைகளுக்கு உட்பட்டு இருக்கிறது. எடுத்துக்காட்டுக்கு சனி கிரகத்தின் டைட்டன் மற்றும் ஐபெட்டஸ் நிலவுகளையும், வியாழன் கிரகத்தின் காபிஸ்டோ நிலவையும் கூறலாம். நமது சொந்த நிலவிற்கும் கூட பூமியிலிருந்து சரியான அளவு மற்றும் தூரம் இருப்பதால், அதற்கே உரிய துணை நிலவுகள் இருக்க சாத்தியக்கூறுகள் உள்ளன. ஆனால் கொண்டிருக்கவில்லை.

    ஏன் நம் நிலவிற்கு துணை நிலவுகள் இல்லை?

    நமது நிலவு ஏன் துணை நிலவுகளை கொண்டிருக்கவில்லை என்பதை ஆராய்ந்து விடை காணும் பட்சத்தில், நமது சந்திரன்கள் மற்றும் கிரகங்கள் எவ்வாறு உருவாகின்றன என்பதை பற்றிய சுவாரசியான விடயங்களும் வெளிப்படும் என்று ஆராய்ச்சியாளர்கள் நம்புகிறார்கள்.

    நிலவின் நிலவிற்கு என்ன பெயர்?

    இதற்கு எந்த விதமான உத்தியோகபூர்வ வார்த்தையும் இல்லை என்றாலும் கூட, வானியலாளர்களின் படி, சந்திரனின் துணை நிலவுகளை மூன்மூன்ஸ் (moonmoons), மூனிடோஸ் (moonitos), மூன்நெட்ஸ் (moonettes), மற்றும் மூன்ஸ் (moooons) என்ற பெயர்களை கொண்ட அழைக்கலாம். இவைகள் எப்படி அழைக்க பெற்றாலும், "பிள்ளை பெறும் முன் பெயர் வைக்காதே" என்பது தான் இங்கு அடிகோட்டிட்டு பார்க்கப்பட வேண்டிய பழமொழியாகும்.

    ஒன்றல்ல, மொத்தம் 10 ஆதாரங்கள் : அமெரிக்கா நிலாவுக்கு போகவே இல்லயாம்.!?

    1960-களில் அமெரிக்கா மற்றும் ரஷ்யா ஆகிய இரண்டு நாடுகளுக்கும், யார் முதலில் நிலாவிற்கு செல்வார்கள் என்று ஒரு 'கடும் விண்வெளி யுத்தமே' நடந்து என்பது தான் நிதர்சனம்.

    1969-ஆம் ஆண்டு ஜூலை 20-ஆம் தேதி நிலவில் முதல் மனித காலடியை எடுத்து வைத்து அந்த விண்வெளி யுத்ததில் வெற்றி அடைந்தது அமெரிக்கா. அதன் பின் தான் மெல்ல மெல்ல கிளம்பின சந்தேகங்கள். அமெரிக்காவின் அப்பலோ விண்கலங்கள், அதன் வீர்ர்கள், அவர்கள் நிலாவிற்கு சென்றது எல்லாம் பொய். அவைகள் எல்லாம் படமாக்கப் பட்டவைகள் என்று புரளிகள் கிளம்பின.

    அப்படியாக அது பொய், படம் பிடிக்கப்பட்டவைகள், புரளிகள் என்று கூறும் சதியாலோசனை கோட்பாட்டாளர்கள் (Conspiracy theorists) குறிப்பிடும் ஆதாரங்கள் தான் கீழ் வரும் ஸ்லைடர்களில் தொகுக்கப்பட்டுள்ளன.

    10. காற்றில் ஆடும் அமெரிக்க கொடி :

    அமெரிக்கா நிலாவில் முதல் கால் தடம் பதிக்கும் நிகழ்ச்சியானது நேரடி ஒளிப்பதிவில் இருந்தது, அதில் நிலவில் நிலை நிறுத்தப்பட்ட அமெரிக்க கொடியானது காற்றில் ஆடுவதை தெளிவாக காண முடிந்தது.

    பள்ளங்கள் இல்லாமை :

    அப்பலோ விண்கலம் நிலவில் தரை இறங்கியதற்க்கான எந்த விதமான பள்ளமும், வீடியோ மற்றும் புகைப்படங்கள் என எதிலும் இல்லை. இறக்கி வைக்கப்பட்டது போல் தான் காட்சியளிக்கிறது.

    பல கோணங்களில் ஒளி ஆதாரம் :

    ஒளி ஆதாரமானது பல வகையான கோணங்களில் இருந்து கிடைப்பதின் மூலம் இது படடமக்கப்பட்டது என்கிறார்கள் சதியாலோசனை கோட்பாட்டாளர்கள்.

    வான் அலென் ரேடியேஷன் பெல்ட் :

    முதல் முயற்சியிலேயே 'வான் அலென் ரேடியேஷன் பெல்ட்' என்ற கடினமான பூமியின் காந்த சக்தி கதிர்வீச்சை தாண்டி எப்படி நிலாவிற்கு சென்றனர் என்பது இன்றும்
    கேள்வி குறி தான்..!

    விளக்கமில்லாத பொருள் :

    வெளியான நிலவில் இறங்கிய புகைப்படம் ஒன்றில், விண்வெளி வீரரின் ஹெல்மாட்டில் விளக்க முடியாத பொருள் ஒன்று பிரதிபளிக்கிறது.

    மறைக்கப்பட்ட கேபிள்கள் :

    நிலவின் புவி ஈர்ப்பு விசைக்கு ஏற்றபடி விண்வெளி வீரர்கள் கேபிள்களில் இணைக்கப்பட்டு குதித்து குதித்து செல்லப்பட்டனர் என்றும், சில புகைப்படங்களில் கேபிள்களை தெளிவாக பார்க்க முடிகின்றது என்றும் கூறுகிறார்கள் சதியாலோசனை கோட்பாட்டாளர்கள்.

    நட்சத்திரமின்மை :

    வெளியான முழு புகைப்பட தொகுப்பு மற்றும் வீடியோ பதிவிலும் எந்தவொரு ஒரு நட்சத்திரமும் பதிவாகவில்லை.

    'சி' பாறை :

    வெளியான நிலவில் இறங்கிய புகைப்படம் ஒன்றில், இயற்கைக்கு மாறான முறையில் தெளிவாக 'சி' (C) என்ற எழுத்தை பிரதிபலிக்கும் பாறை..!

    பொய்யான கிராஸ்-ஹேர்ஸ் :

    வெளியான நிலவில் இறங்கிய பெரும்பாலான புகைப்படங்களில் கிராஸ்-ஹேர்ஸ்கள் (Cross-hairs) 'எடிட்' (Edit) செய்யப் பட்டுள்ளன, குறிப்பிட்ட புகைப்படத்தில் கிராஸ்-ஹேர்ஸ் ஆனது விண்கலத்திற்கு பின்னால் 'எடிட்' செய்யப்பட்டுள்ளது அதற்கு சான்றாகும்.

    டூப்ளிக்கேட் பின்னணிகள் :

    ஒரே மாதிரியான பின்புலம் (Backdrop) கொண்ட பல வீடியோ காட்சிகள்..!

    நம்பவில்லை :

    அமெரிக்கா நிலாவிற்கு சென்றதை, 20% அமெரிக்கர்களே நம்பவில்லை என்கிறது ஒரு ஆய்வு என்பதும் குறிப்பிடத்தக்கது.

    தமிழ் கிஸ்பாட்

    மேலும் இதுபோன்ற தொழில்நுட்ப செய்திகளை உடனுக்குடன் பெற - தமிழ் கிஸ்பாட் ஃபேஸ்புக் பக்கம் மற்றும் தமிழ் கிஸ்பாட் வலைதளம்..!

    முகநூலில் எங்கள் செய்திகளை உடனுக்குடன் படிக்க க்ளிக் செய்யவும்.!

    English summary
    Moons can have moons and they are called moonmoons : Read more about this in Tamil GizBot
    X

    இந்த நாள் முழுவதற்குமான செய்திகளை உடனுக்குடன் பெறுங்கள் - Tamil Gizbot

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more