அடேங்கப்பா வியாழன் கோள் இவ்வளவு அழகா? பிரம்மிப்பை ஏற்படுத்திய James Webb தொலைநோக்கி.!

ஜேம்ஸ் வெப் தொலைநோக்கி

அதாவது கடந்த ஜூன் மாதம் இந்த ஜேம்ஸ் வெப் தொலைநோக்கி SMACS 0723 விண்மீன் திரள், தெற்கு வளைய நெபுலா, ஸ்டிபன்ஸ் குவின்டெட்,
கரினா நெபுலா ஆகியவற்றை தெளிவாக படம் எடுத்து அனுப்பியது.

இந்நிலையில், சூரிய குடும்பத்தின் மிகப்பெரிய கோளான வியாழனை கடந்த ஜூலையில் படம் பிடித்திருக்கிறது ஜேம்ஸ் வெப் தொலைநோக்கி.

நாசா நிறுவனம்

அதாவது கடந்த ஆண்டு டிசம்பர் மாதம் 25-ம் தேதி நாசா நிறுவனம் கயானாவில் இருக்கும் ராக்கெட் ஏவுதளத்தில் இருந்து ஏரியன் 5 ராக்கெட் மூலம் அதிநவீன ஜேம்ஸ் வெப் விண்வெளி தொலைநோக்கியை விண்வெளிக்கு அனுப்பியது.

100 மடங்கு சக்தி மற்றும் திறன் கொண்டது

குறிப்பாக 1990-ல் நாசா அனுப்பிய ஹப்பிள் தொலைநோக்கியில் பல பிரச்சனைகள் ஏற்பட்டுள்ளன. இதை தொடர்ந்து தான் ஜேம்ஸ் வெப் தொலைநோக்கியை நாசா உருவாக்கியது என்பது குறிப்பிடத்தக்கது.

அதேபோல் ஹப்பிள் தொலைநோக்கியை விட 100 மடங்கு சக்தி மற்றும் திறன் கொண்டது ஜேம்ஸ் வெப் தொலைநோக்கி.

எவ்வளவு பட்ஜெட் தெரியுமா?

இந்த ஜேம்ஸ் வெப் விண்வெளி தொலைநோக்கியை உருவாக்க அதிகம் செலவு செய்துள்ளது நாசா நிறுவனம். அதாவது இந்திய மதிப்பில் 75 ஆயிரம் கோடி என்ற மிகப்பெரிய பட்ஜெட்டில் பல ஆண்டுகளாக உழைத்து சக்தி வாய்ந்த ஜேம்ஸ் வெப் விண்வெளி தொலைநோக்கியை உருவாக்கியுள்ளனர்.

எதற்காக இது உருவாக்கப்பட்டது?

பிக்பேங் எனப்படும் பெருவெடிப்பில் இருந்துதான் பிரபஞ்சம் உருவானதாக ஆராய்சியாளர்களால் நம்பப்படுகிறது. ஆனாலும் பிரபஞ்ச உருவாக்கம் குறித்த பல கேள்விகளுக்கு நம்மால் இன்னும் விடை கண்டுபிடிக்க முடியவில்லை.

எனவே இந்த பல வருட மர்மத்தை வெளிக்கொண்டுவரவே இந்த ஜேம்ஸ் வெப் தொலைநோக்கியை உருவாக்கியது நாசா.

வியாழன் கோள்

குறிப்பாக 6.2 டன் கொண்ட இந்த தொலைநோக்கி -230 டிகிரி செல்சியஸ் வெப்பத்தில் கூட இயங்கக்கூடியது. இந்நிலையில் சூரிய குடும்பத்தில் மிகப்பெரிய கோளான வியாழனை கடந்த கடந்த ஜூலையில் படம் பிடித்திருக்கிறது ஜேம்ஸ் வெப் தொலைநோக்கி.

அதாவது அகச்சிவப்பு கதிர்கள் மூலமாக எடுக்கப்பட்ட இந்த புகைப்படத்தில் வண்ணங்களை இட்டு பல பகுதிகளை வேறுபடுத்தி காட்டியுள்ளனர்ஆய்வாளர்கள். அதிலும் இந்த வியாழனின் வட மற்றும் தென் துருவத்தில் ஏற்படும் ஒளிகள், வியாழனின் துணைக்கோள் ஆகியவை பிரகாசமாகதெரிகின்றன என்றுதான் கூறவேண்டும்.

இம்கே டி பேட்டர்

பெர்க்லியில் உள்ள கலிபோர்னியா பல்கலைக்கழகத்தைச் சேர்ந்த வானியலாளர் இம்கே டி பேட்டர் இது குறித்து கூறுகையில், வியாழனை இப்படி நாம் பார்த்ததில்லை. வியாழன் பற்றிய விவரங்கள் அதன் வளையங்கள் போன்ற அனைத்தையும் நாம் தெளிவாக இந்த படத்தில் காணலாம் என்று கூறினார்.

மேலும் தொழில்நுட்பம், விண்வெளி மற்றும் அறிவியல் தொடர்பான இன்னும் கூடுதல் சுவாரசியமான செய்திகள் பற்றி அறிந்துகொள்ள எங்கள் கிஸ்பாட் சேனல் உடன் இணைந்திருங்கள். உங்களின் கருத்துக்களை எங்களுடன் பகிர்ந்துகொள்ளுங்கள்.