ஐக்கிய அரபு அமீரக வானில் தோன்றிய மர்ம துளை! குழப்பத்தில் மக்கள்..

பெரிய வட்ட வடிவிலான பகுதி

அந்த வீடியோவில், அதிகமான காணப்படும் மேக கூட்டத்தில் இருந்து ஒரு பெரிய வட்ட வடிவிலான பகுதி மட்டும் வெளியே வருவதை நம்மால் காணமுடியும். இந்த வீடியோவானது ஓமன் எல்லைக்கு அருகில் பதிவுசெய்யப்பட்டுள்ளது.

வைரலான வீடியோ

சமூக வலைதளங்களில் வைரலான இந்த வீடியோக்களை பார்த்த பெரும்பாலனோர், இது மிகப்பெரிய ஏலியன் விண்கலன் என்றும், ஏலியன் உலகில் இருந்து பூமிக்கு வர வேற்றுகிரவாசிகள் உருவாக்கிய நுழைவாயில் எனவும் கருத்துதெரிவித்துவருகின்றனர்.

மேக கூட்டத்தில் பனிக்கட்டிகள்

பின்னர் இதுதொடர்பாக விளக்கமளித்துள்ள வானிலை ஆய்வு மையம், மேக கூட்டத்தில் பனிக்கட்டிகள் உருவாகும் போது அவை மிகப்பெரியதாக இருந்தால் மேகக்கூட்டத்தில் இருந்து கீழே விழும்போது இதுபோன்ற நிகழ்வுகள் ஏற்படும் என கூறியுள்ளது." அதீதமாக குளிர்விக்கப்பட்ட நீர்துளிகள் உள்ள மேகங்களில் இவை உருவாகின்றன. 0° செல்சியஸில் தண்ணீர் இருந்தாலும் அது உறைந்த நிலையில் இருக்காது" என வானிலை ஆய்வு மைய இணையத்தளம் விளக்குகிறது.

வெப்பநிலை

"இந்த நீர் துளிகள் உறைவதற்கு அல்லது அவற்றை -40° செல்சியஸ்க்கு கீழே குளிர்விக்க ஒரு சிறிய துகள்/கரு தேவைபடுகிறது. இந்த வெப்பநிலை மாற்றமானது அதீதமாக குளிர்விக்கப்பட்ட நீர்துளிகள் உறைவதற்கும், மேக அடுக்குகளில் இருந்து இது போன்ற தனித்துவமான வடிவத்தில் கீழே விழுவதற்கும் போதுமானதாக உள்ளது" என விளக்கமளிக்கப்பட்டுள்ளது.

ஃபால்ஸ்ட்ரீக்

ஃபால்ஸ்ட்ரீக் என அழைக்கப்படும் இந்த மிகப்பெரிய துளையானது பொதுவாக வட்ட அல்லது நீள்வட்ட வடிவில் மேகங்களில் தோன்றும். மேகங்களில் உள்ள நீரின் வெப்பநிலையானது உறைநிலைக்கு கீழே இருக்கும் போது இத்தகைய துளைகள் உருவாகின்றன.