வியாழனைச் சுற்றி புதிய நிலா கூட்டம் : அதில் ஒன்று விசித்திரமானது!

. வியாழனுக்கு மிக அருகில்

இந்த நிலவுகள் அனைத்தும் மிகச்சிறியதாக, ஒரு மைலுக்கு குறைவாக அளவு முதல் 2 மைல் வரை அகலம் கொண்டவை. மற்றும் இவை 3 மூன்று வெவ்வேறு வகையாக பிரிக்கப்படுகின்றன. வியாழனுக்கு மிக அருகில் உள்ள சுற்றுவட்டப்பாதைகள் இருக்கும் இரு நிலா, வியாழன் சுற்றும் திசையிலேயே நகர்கிறது. அதிலிருந்து மிக அதிகமாக, சுமார்15.5 மில்லியன் மைல் தொலைவில் ஒன்பது நிலவுகள், வியாழன் சுற்றும் திசைக்கு எதிர் திசையில் நகர்கின்றன.

வானியல் அறிஞர்களால்

ஆனால் அதே தொலைதூர பகுதியில் வானியல் அறிஞர்களால் வாலிடுடோ என்று அழைக்கப்படும் ஒரு விசித்திரமான நிலா, மற்ற இரு உள் நிலவுகளுடன் சேர்ந்து வியாழனுடன் சுற்றி வருகிறது. அப்படியென்றால் அதே பகுதியில் உள்ள மற்ற அனைத்து நிலவுகளுக்கு எதிர் திசையில் இது சுற்றுகிறது. "அடிப்படையில் இது தவறான திசையில் சுற்றி வருகிறது" என்கிறார் இந்த கண்டுபிடிப்பு குழுவை வழிநடத்திய ஸ்காட் ஷப்பார்ட். "இது மிகவும் நிலையற்ற சூழ்நிலை. இது போன்ற சூழ்நிலையில் மோதல் ஏற்பட அதிக வாய்ப்புள்ளது".

ஏற்கனவே வியாழனில் நிலவுகளுக்கு இடையே மோதல்

வாலிடுடோ மட்டுமே இப்படி செய்யும் வியாழனின் நிலவு இல்லை. கார்போ என்று அழைக்கப்படும் வியாழனின் மற்றொரு நிலவு, வியாழனில் இருந்து வெகு தொலைவில், அதே பகுதியில் உள்ள மற்ற நிலவுகளுக்கு எதிர்திசையில் தனது சுற்றுவட்டப்பாதையில் சுற்றி வருகிறது. எனினும் வாலிடுடோ நிலவின் சுற்றுவட்டப்பாதை கார்போவில் இருந்து மிகத்தொலைவில் உள்ளது மற்றும் இது தான் வியாழனின் நிலவுகளிலேயே மிகச்சிறியதும் கூட. தற்போதைய இந்த கண்டுபிடிப்புகளின் மூலம், ஏற்கனவே வியாழனில் நிலவுகளுக்கு இடையே மோதல் ஏற்பட்டுள்ளது என்பதற்கான ஆதாரமாகவே வானியல் அறிஞர்கள் பார்க்கின்றனர். மேலும் இவை தான் தற்போதையை நிலவுகளின் நிலப்பரப்புகளுக்கு காரணம் என்கின்றனர்.

நிலவுகளை காண்பது என்பது அரிதானது

வியாழனைச் சுற்றி நிலவுகளை கண்டறிவது என்பது மிகவும் கடினமானது. இது தான் சூர்ய குடும்பத்தின் மிகப்பெரிய கோள் என்பதால், மிகப்பெரிய பரப்பில் ஆதிக்கம் செலுத்தும். எனவே டெலஸ்கோப் வழியாக நிலவை அந்த பகுதியில் கண்டறிவது என்பது மிகக்கடினம். மேலும் வியாழன் மிகப்பெரிய கோளாக இருப்பதால், அது அதிகப்படியான ஒளியை எதிரொளிக்கும். ஆகையால் அதற்கு மத்தியில் நிலவுகளை காண்பது என்பது அரிதானது.

வியாழன் சுற்றும் திசையிலேயே சுற்றும் 9 நிலவுகள்

அதிர்ஷ்டவசமாக, விஞ்ஞானிகள் பயன்படுத்தும் பாலன்கோ 4 மீட்டர் டெலஸ்கோப் நிலவுகளை கண்டறிய மிகப்பொறுத்தமான கருவி. இந்த உயர்தர டெலஸ்கோப்பில் மிகப்பெரிய கேமரா இருப்பதால், வியாழனைச் சுற்றி உள்ள மிகப்பெரிய பரப்பை மிகக்குறைந்த நேரத்தில் வானியல் ஆய்வாளர்களால் பார்க்க முடியும். மேலும் இந்த டெலஸ்கோப் வியாழனில் இருந்து வரும் ஒளி மற்றும் எதிரொளிப்புகளை சரியாக கையாளும் திறனுடையது.

வியாழன் சுற்றும் திசையிலேயே சுற்றும் 9 நிலவுகள் ஒரு காலத்தில் மிகப்பெரிய நிலவின் ஒரு அங்கமாக இருந்திருக்கலாம். அல்லது 3 மிகப்பெரிய நிலவுகளின் ஒரு பகுதியாக இருக்கலாம். ஆனால் இவை எப்படி பிரிந்தன என்பது தான் மிகப்பெரிய கேள்வியாக உள்ளது. அந்த பெரிய நிலவுகளுக்கு இடையே நடைபெற்ற பல்வேறு மோதல்களின் காரணமாக தற்போது நாம் காணும் சிறிய நிலவுகள் உருவாகியிருக்கலாம்.

டக்லஸ் ஹேமில்டன்

ஆனால் நமக்கு விடை தெரிய வேண்டிய கேள்வி என்னவென்றால்,எப்படி வியாழன் உருவானது மற்றும் எந்த சூழ்நிலையில் இது இவ்வளவு நிலவுகளை கைப்பற்றியது? என்கிறார் டக்லஸ் ஹேமில்டன், இந்த கண்டுபிடிப்பு குழுவில் இடம்பெறாத விண்வெளி ஆய்வாளர்.

ஆனால் இதை விட நிறைய நிலவுகள் வியாழனைச் சுற்றி பதுங்கியிருக்கலாம். அவற்றையும், எப்படி வியாழன் இன்று உள்ளது போல மாறியது என்பதையும் கண்டறிய வேண்டும். பொறுத்திருந்து பார்ப்போம்.