#RejectZomato ஹேஷ்டேக் ட்ரெண்ட்: உடனடியாக ஊழியர் நீக்கம்: காரணம் இதுதான்.!

அதாவது விகாஷ் என்பவர் சொமாட்டோவில் உணவு ஆர்டர் செய்துள்ளார். ஆனால் ஆர்டர் செய்த உணவு முழுமையாக டெலவரி
செய்யப்படவில்லை என்று கூறப்படுகிறது. எனவே விகாஷ் வாடிக்கையாளர் சேவை மையத்தை அழைத்து பணத்தை திருப்பிதருமாறு கேட்டுள்ளார்.

ஆனால் அந்த வாடிக்கையாளர் சேவை முகவரோ இந்தி நமது தேசிய மொழி. நம் தேசிய மொழியை கொஞ்சமாவது கற்றுக்கொள்வது நல்லது என்று கூறியுள்ளார். எனவே இந்த விஷயத்தை ட்விட்டரில் பகிர்ந்தார் விகாஷ். மேலும் சமூக வலைத்தளங்களில் தமிழ் தெரிந்த ஊழியர்களை பணியில் அமர்த்த வேண்டும் என்றும், இந்தி நம் நாட்டின் தேசிய மொழி இல்லை என்றும் எதிர்ப்புகள் எழுந்தன.

அதன்பின்பு சொமாட்டோ நிறுவனத்தை நிராகரிக்க வேண்டும் என்று வலியுறுத்தி Reject_Zomato என்ற ஹேஷ்டாக்ட்விட்டரில் அதிளவில் ட்ரெண்ட் ஆனது. அதன்பிறகு ஒருவழியாக இந்த விவகாரம் குறித்து சொமாட்டோ நிறுவனம் விளக்கம் அளித்து மன்னிப்பும் கேட்டுள்ளது.

அதாவது சொமாட்டோ வெளியிட்ட அறிக்கையில் தெரிவிக்கப்பட்டது என்னவென்றால், வணக்கம் தமிழ்நாடு எங்கள் வாடிக்கையாளர் சேவை முகவரின் நடத்தைக்கு வருந்துகிறோம். வேற்றுமையில் ஒற்றுமை என்ற நம் தேசத்தின் மாறுபட்ட கலாச்சாரத்தின் மீதான எதிர்கருத்தை வாடிக்கையாளரிடம் காட்டிய ஊழியரை பணிநீக்கம் செய்துள்ளோம்.

அதேபோல் மக்களின் உணர்வுகளுக்கு எதிராக கருத்தை பகிரக்கூடாது என தெளிவாக நாங்கள் எங்கள் முகவர்களுக்க தொடர்ந்து பயிற்சி அளிக்கிறோம். பின்பு ஒரு நிறுவனமாக நாங்கள் முழு பயன்பாட்டிற்காக தமிழ் செயலியை உருவாக்குகிறோம். அதேபோல் ஏற்கனவே தமிழில் சந்தைப்படுத்துதல் முயற்சிகளை உள்ளுர்மயமாக்கியுள்ளோம். அதாவது கோயம்புத்தூரில் ஒரு உள்ளூர் தமிழ் கால்
சென்ட்டர் /சர்வீஸ் சென்ட்டரை உருவாக்கும் பணியில் உள்ளோம் என்று தெரிவித்துள்ளது சொமாட்டோ.

குறிப்பாக உணவு மற்றம் மொழி ஒவ்வொரு மாநிலத்தின் கலாச்சாரத்தின் இரண்டு அடித்தளங்கள் என்பதை நாங்கள் புரிந்துள்ளோம் என்று கூறியுள்ளது சொமாட்டோ நிறுவனம்.

அதேபோல் தற்போதைய காலகட்டத்தில் ஆன்லைன் ஆர்டர் பழக்கம் மக்களிடையே அதிகரித்துக் கொண்டே வருகிறது. மளிகை பொருட்களில் தொடங்கி, மருந்து, உணவு, உடை, கேட்ஜெட் பொருட்கள் உட்பட அனைத்தும் ஆன்லைனில் கிடைக்கிறது. குறிப்பாக இந்த கொரோனா காலத்தில் ஆன்லைன் ஆர்டர் தேவை அதிகரிதுள்ளது என்றே கூறலாம்.