சீனாவில் மட்டும் அறிமுகம் செய்யப்பட்ட ரெட்மி 3.!!

சியோமி நிறுவனம் ரெட்மி 3 ஸ்மார்ட்போனினை சீனாவில் அறிமுகம் செய்திருக்கின்றது. இந்திய மதிப்பில் ரூ.7000க்கு அதிகாரப்பூர்வமாக அறிவிக்கப்பட்டிருக்கும் இந்த கருவியின் விற்பனை நாளை முதல் துவங்கும் என தெரிவிக்கப்பட்டுள்ளது. இந்த கருவியின் இந்திய வெளியீடு குறித்து எவ்வித தகவலும் இல்லை.

சிறப்பம்சங்களை பொருத்த வரை இந்த கருவியில் 5 இன்ச் டிஸ்ப்ளே, 1.2 ஜிகாஹெர்ட்ஸ் ஆக்டா கோர் குவால்காம் ஸ்னாப்டிராகன் 616 பிராசஸர், 2 ஜிபி ரேம் வழங்கப்பட்டுள்ளது. மெமரியை பொருத்த வரை 16ஜிபி இன்டர்னல் மெமரியும் கூடுதலாக 128 ஜிபி வரை நீட்டிக்கும் வசதியும் வழங்கப்பட்டுள்ளது.

கேமராவை பொருத்த வரை 13 எம்பி ப்ரைமரி கேமரா, எல்ஈடி ப்ளாஷ் மற்றும் 5 எம்பி முன்பக்க கேமராவும் வழங்கப்பட்டுள்ளது. செல்பீ கேமரா மூலம் ஃபுல்-எச்டி வீடியோ பதிவு செய்ய முடியும் என்பதும் குறிப்பிடத்தக்கது. டூயல் சிம் ஸ்லாட் கொண்ட இந்த கருவியில் மைக்ரோ மற்றும் நானோ சிம் பொருத்த முடியும். கனெக்டிவிட்டி ஆப்ஷன்களை பொருத்த வரை ப்ளூடூத், ஜிபிஎஸ், ஏ-ஜிபிஎஸ், மைக்ரோ-யுஎஸ்பி, வை-பை வழங்கப்பட்டுள்ளன. மேலும் 4100 எம்ஏஎச் பேட்டரி மூலம் இந்த கருவி சக்தியூட்டப்படுகின்றது.

மேலும் இது போன்ற தொழில்நுட்ப செய்திகளை முகநூலில் படிக்க தமிழ் கிஸ்பாட் முகநூல் பக்கம்.