எது! WhatsApp இன்டர்நெட் இல்லாவிட்டாலும் இயங்குமா? அதுவும் ஒரே கணக்கு 4 சாதனங்களில் இயங்குமா?

இனி இன்டர்நெட் இல்லாவிட்டாலும் வாட்ஸ்அப் பயன்படுத்தலாமா? என்னப்பா சொல்றீங்க? அதுவும் 1 இல்லை 2 இல்லை மொத்தம் 4 ஸ்மார்ட்போனில் ஒரே வாட்ஸ்அப் கணக்கை எந்தவித தடையும் இல்லாமல் பயன்படுத்தலாமா? அது எப்படி முடியும்? இது என்ன புது அம்சம்?

வாட்ஸ்அப் தொடர்ந்து பல அம்சங்களை அறிமுகம் செய்து வருகிறது. அந்த வரிசையில் ஒரு சிறிய குழு பயனர்களுடன் பல மாதங்கலாக சோதனை செய்து வரும் புதிய அம்சம் தான் கம்பெனியின் மோட் அம்சமாகும். மெட்டாவுக்குச் சொந்தமான செய்தியிடல் தளமான WhatsApp அனைத்து பீட்டா சோதனையாளர்களுக்கும் 'கம்பெனியன் மோட்' அம்சத்தை வெளியிடுகிறது.

இது ஒரே நேரத்தில் நான்கு சாதனங்களை இணைக்க பயனர்களை அனுமதிக்கிறது. மேலும், உங்கள் வாட்ஸ்அப் சாட் ஹிஸ்டரி மொத்தத்தையும் மற்றொரு சாதனத்தில் அணுக அனுமதிக்கிறது. WABetaInfo இன் அறிக்கையின்படி, Android v2.23.8.2 வெர்ஷனுக்கான WhatsApp பீட்டாவுடன், திட்டத்தில் உள்ள அனைவருக்கும் இந்த அம்சம் இப்போது பயன்படுத்த கிடைக்கிறது. பதிவிறக்கத்தைத் தொடங்கிய பிறகு, அனைத்து பீட்டா சோதனையாளர்களும் இந்த அம்சத்தைப் பயன்படுத்த 24 மணிநேரம் ஆகலாம் என்று அது குறிப்பிட்டுள்ளது.

வாட்ஸ்அப் கம்பெனியின் மோட் என்றால் என்ன? அது என்ன செய்யும்? பல சாதனங்களில் ஒரே வாட்ஸ்அப் கணக்கை செயல்பட வைப்பதே இந்த அம்சத்தின் நோக்கமாகும். பயனர்கள் தங்கள் தற்போதைய WhatsApp கணக்கை மற்றொரு மொபைல் சாதனத்துடன் இணைக்க இது உதவும். ஏற்கனவே உள்ள வாட்ஸ்அப் கணக்கை இரண்டாவது மொபைல் ஃபோனுடன் இணைத்த பிறகு, முதல் ஃபோனில் இன்டர்நெட் சேவை இல்லாவிட்டாலும், பயனர்கள் தங்கள் வாட்ஸ்அப் கணக்கை இரண்டாவது சாதனத்தில் பயன்படுத்தலாம்.

தற்போது, ​​iOSக்கான வாட்ஸ்அப்பில் கம்பெனியின் மோட் அணுக கிடைப்பதில்லை. இதன் விளைவாக, இரண்டாவது சாதனம் Android ஸ்மார்ட்போனாகவோ அல்லது டேப்லெட்டாகவோ இருக்க வேண்டும் என்பதை நினைவில் வைத்துக்கொள்ளுங்கள். கம்பெனியின் மோட் படி, உங்கள் வாட்ஸ்அப் அரட்டை வரலாறு உங்கள் வாட்ஸ்அப் கணக்கில் இணைக்கப்பட்ட அனைத்து சாதனங்களிலும் சிங்க் செய்யப்படும். இப்போது இது பீட்டா பயனர்களுக்கு கிடைக்கிறது என்றாலும், இது இன்னும் சோதனையிலேயே உள்ளது.

ஒரே நேரத்தில் நான்கு சாதனங்களை இணைக்க இது உங்களை அனுமதிக்கும் என்பது பலருக்கு உதவியாக இருக்கும் என்று கூறப்படுகிறது. இதில் கவனிக்க வேண்டிய முக்கியமான விஷயம் என்னவென்றால், உங்கள் முதல் சாதனத்தில் இன்டர்நெட் சேவை இல்லாவிட்டாலும், உங்கள் இரண்டாம் சாதனத்தில் அல்லது மற்ற சாதனத்தில், உங்கள் தனிப்பட்ட மெசேஜ் மற்றும் அழைப்புகள் என்கிரிப்ட் செய்யப்பட்டிருக்கும். இதனால் பாதுகாப்பை பற்றி கவலைப்பட தேவையில்லை.

கம்பெனியின் மோட் அம்சத்தை எப்படி இயக்குவது?
இரண்டாவது ஆண்ட்ராய்டு மொபைல் சாதனத்தை இணைப்பது எப்படி?
உங்கள் இரண்டாவது ஆண்ட்ராய்டு போனில், கூகுள் பிளே ஸ்டோருக்குச் சென்று, வாட்ஸ்அப் மெசஞ்சர் அல்லது வாட்ஸ்அப் பிசினஸின் சமீபத்திய பீட்டா பதிப்பைப் பதிவிறக்கவும்.
இறுதியாக, பதிவுத் திரையில் உள்ள ஓவர்ஃப்ளோ மெனுவைத் தட்டும்போது "Connect a device" விருப்பம் தோன்றும்.
வாட்ஸ்அப்பைத் தொடங்கி, உங்கள் பிரதான சாதனத்தில் Settings > Connected devices on your main device கிளிக் செய்யவும்.
உங்கள் ஸ்மார்ட்போனில் QR குறியீட்டை ஸ்கேன் செய்ய இந்த அம்சம் ஆக்டிவேட் செய்யப்படும்.