இண்டர்வியூவில் எச்.ஆர் ஐ இம்ப்ரெஸ் பண்ண..

பளிச்சென்று சுத்தமான ஸ்மார்ட்டாகத் தோற்றமளிக்கும் உடையை அணிந்து செல்ல வேண்டும். ஒரு தேர்ச்சி பெற்ற நேர்முகத் தேர்வாளர், உங்கள் டிரஸ், பாடி லாங்குவேஜ், முகபாவனைகள் இவற்றை வைத்தே உங்கள் மனதையும், உங்களையும் நன்கு எடை போட்டு விடுவார்.

R

நீங்கள் அறையின் உள்ளே நுழையும்போதே சிநேக பாவத்துடனும் நம்பிக்கையுடனும் இருங்கள். கை குலுக்குவது, உங்களுடைய சிநேக பாவம், உற்சாகம், கவர்ச்சி போன்றவற்றைத் தெரிவிக்கும் என்பதை நினைவில் வையுங்கள். நேராக, உறுதியுடன், வலிமையாக கொடுக்கப்படும் கை குலுக்கல் உங்களைப் பற்றிய பாஸிடிவ் விவரங்களை அவர்களுக்குத் தெரிவிக்கும் ஆதலால் கை குலுக்களில் அதிக கவனம் தேவை.

மற்றொரு முக்கியமான விஷயம் நீங்கள் இருக்கையில் உட்காரும் விதத்திலிருந்து உங்களிடம் மறைந்து கிடக்கும் விவரங்களை அவர்கள் அறியக்கூடும். அதனால், உங்களுக்கு அளிக்கப்பட்ட இருக்கையில் நேராக நிமிர்ந்து அமரவும்.

மேலும் உங்கள் கைகள் மடிமீது அல்லது இருக்கையின் கைகள் மீது இருக்கும்படி அமரவும். அமைதியாக, வசதியாக உட்காரவும். ரிலாக்ஸ் என்றால், வீட்டில் சோபாவில் அமருவது போல கால்கள் நீட்டி அமர்வது இல்லை.அவர்களது முன்னால் சற்று அடக்கமாகவும் அதே சமயம் கம்பீரமாகவும் அமரவும்.

உங்களது கண்கள் நேருக்கு நேராக இண்டர்வியூ செய்பவரை நோக்கி தான் இருக்க வேண்டும் எக்காரணத்தை கொண்டும் தலை மட்டும் குனிந்து விடாதீர்கள் இது உங்களை பற்றி எதிர்மறை எண்ணங்களை உருவாக்கும்.

மேலும் மார்புக்கு குறுக்காகக் கைகளைக் கட்டி அமர்ந்து விடாதீர்கள் அப்படிஅமர்ந்தால் உங்களுடைய பயம் மற்றும் எதிர்மறை எண்ணங்களை பிரதிபலிக்கும்.

அவர் முன் உங்கள் மூக்கைத் தொடுதல், கன்னத்தைத் தேய்த்தல், வேறு எங்கோ நோக்குதல் போன்றவை உங்களிடம் ஒருவித சந்தேகத்தை அவர்களுக்கு ஏற்படுத்தும் எனவே இந்த மாதிரி செயல்களை செய்யாதீர்கள்.

எச்.ஆருடன் இண்டர்வியூ நேரம் முழுவதும் தைரியமாகவும், பாஸிடிவ் ஆகவும் இருங்கள். கேட்கப்படும் கேள்விகளுக்கு பொய் பேசாதீர்கள். குடும்ப விவரம் பற்றி சுருக்கமாகத் தெரிவியுங்கள் போதும்.

அவர்கள் கேட்கும் கேள்விகளுக்கு உங்களுக்கு விடை தெரியவில்லை எனில் அமைதியாக இருந்து விடாதீர்கள் சற்று சத்தமாக எனக்கு அதை பற்றி சிறிதளவு மட்டுமே தெரியும் என்று கூறுங்கள் இது உங்களது ஆளுமையை அவர்களுக்கு காட்டும்.

இறுதியில் இதை செய்ய மறவாதீர்கள் நீங்கள் தேர்வானாலும் ஆகாவிட்டாலும் இறுதியில் கிளம்பும் போது அவருடன் கைக்குலுக்கிவிட்டு வாருங்கள்.