சும்மா கிழி: வோடபோன் ரூ.24 திட்டம் அறிமுகம்- மேலும் 3 புதிய திட்டங்கள் அறிவிப்பு

ரூ.24 திட்டம் அறிமுகம்

இந்த நிலையில் வோடபோன் மூன்று புதிய தொகுக்கப்பட்ட ரீசார்ஜ் திட்டங்களை அறிமுகம் செய்தது. இதில் ரூ. 129 திட்டத்தை தவிர தற்போது புதிய ப்ரீபெய்ட் திட்டமான ரூ. 24 மதிப்பிலான திட்டத்தையும் அறிமுகம் செய்கிறது.

முன்னதாக அறிவித்த டிராய்

செல்போன்களில் ஒரு தொலைத்தொடர்பு நிறுவன இணைப்பில் இருந்து வேறு நிறுவன இணைப்புக்கு பேச ஒரு நிமிடத்துக்கு 6 பைசா, கட்டணமாக வசூலிக்கப்பட்டு வருகிறது. இதை அழைப்பு மேற்கொண்ட நிறுவனம், அழைப்பை பெற்ற நிறுவனத்துக்கு செலுத்தி வருகிறது. இந்த கட்டணம், வருகிற ஜனவரி 1-ந்தேதியுடன் ரத்துசெய்யப்படுவதாக டிராய் அறிவித்திருந்தது.

2021 வரை கட்டண வசூல் நீடிப்பு

இதுதொடர்பாக டிராய் சமீபத்தில் வெளியிட்ட அறிக்கையில், ஐ.யூ.சி என்பது ஒரு தொலைதொடர்பு சேவை வழங்குநரால் ஒரு நெட்வொர்கில் இருந்து மற்றொரு ஆபரேட்டர் நெட்வொர்க்கிற்கு அழைக்கும் போது கட்டணம் வசூலிக்கப்படும். இந்த கட்டணத்தை 2020 டிசம்பர் 31 வரை நிமிடத்திற்கு 6 பைசாவாக இருக்கும் என்று தனது அறிக்கையில் அறிவித்துள்ளது.

வரம்பற்ற அழைப்பு மற்றும் டேட்டா

வோடபோன் தொகுக்கப்பட்ட ப்ரீபெய்ட் திட்டங்கள் வரம்பற்ற அழைப்பு மற்றும் டேட்டா சலுகைகளை வழங்குகின்றன. மேலும், வோடபோன் ப்ளே மற்றும் ZEE5-க்கான சந்தா திட்டங்களையும் வழங்குகின்றன.

ரூ. 129 ப்ரீபெய்ட் திட்டம்

வோடபோன் புதிய வோடபோன் ப்ரீபெய்ட் திட்டங்கள் ரூ. 129 ப்ரீபெய்ட் திட்டம் என்பது எந்தவொரு FUPயையும் பொருட்படுத்தாமல் வரம்பற்ற குரல் அழைப்பு நன்மைகளை வழங்குகிறது. அதோடு 300 இலவச எஸ்எம்எஸ் மற்றும் 2 ஜிபி டேட்டாவுடன் கிடைக்கிறது. மேலும், இந்த திட்டத்தில் ZEE5 மற்றும் வோடபோன் ப்ளே ஆகியவை 14 நாட்கள் இலவச அணுகலுடன் வருகிறது.

ரூ. 199 ப்ரீபெய்ட் திட்டம்

மறுபுறம், வோடபோன் ரூ. 199 ப்ரீபெய்ட் திட்டம் ஒரு நாளைக்கு 1 ஜிபி தரவு, ஒரு நாளைக்கு 100 எஸ்எம்எஸ் மற்றும் 21 நாட்களுக்கு ஒரு காலத்திற்கு ZEE5 மற்றும் வோடபோன் ப்ளே சேவைகளுக்கு இலவச சந்தாவை வழங்குகிறது.

ரூ. 268 ப்ரீபெய்ட் திட்டம்

இறுதியாக, வோடபோன் ரூ. 268 ப்ரீபெய்ட் திட்டம் 56 நாட்கள் செல்லுபடியாகும் காலத்துடன் வந்தது. இந்தத் திட்டம் செல்லுபடியாகும் காலம் முழுவதும் 4 ஜிபி டேட்டாவையும் வழங்குகிறது. எந்த எஃப்யூபியும் இல்லாமல் வரம்பற்ற குரல் அழைப்புகளையும் வழங்குகிறது. இது 600 எஸ்எம்எஸ் மற்றும் வோடபோன் ப்ளே மற்றும் ZEE5 வசதிகளுடன் வருகிறது.

ரூ.24 ப்ரீபெய்ட் திட்ட சலுகைகள்

குறிப்பாக வோடபோன் தற்போது ரூ.24 திட்டத்தை அறிமுகம் செய்துள்ளது. ரூ. 24 ப்ரீபெய்ட் திட்டம், இது 14 நாட்கள் செல்லுபடியாகும். இந்த காலக்கட்டத்தில் 100 நிமிட நெட்வொர்க் அழைப்புகளை வழங்குகிறது. அதேபோல் இலவச குரல் அழைப்பு நிமிடங்கள் இரவு 11 மணி முதல் காலை 6 மணி வரை செயல்படும் என்பது குறிப்பிடத்தக்கது.

வித்தியாசமான அனுபவம் கிடைக்குமா

மேலும், பிற உள்ளூர் மற்றும் தேசிய குரல் அழைப்புகள் வினாடிக்கு 2.5 பைசா செலவாகும். வோடபோன் இந்த புதிய திட்டங்களை அறிமுகம் செய்து வாடிக்கையாளர்களை மகிழ்வித்திருக்கிறது. இந்த புதிய திட்டங்கள் பயனர்களுக்கு ஒரு வித்தியாசமான அனுபவத்தை ஏற்படுத்துமா என்பதை பொருத்திருந்துதான் பார்க்க வேண்டும்.