கிணத்த காணோம்.. Vodafone Idea யூசர்கள் ஷாக்.. 2 வருஷமா ரீசார்ஜ் செய்ய கிடைச்ச திட்டங்கள் திடீரென நிறுத்தம்!

2023 இல் அறிமுகப்படுத்தப்பட்ட இந்த திட்டங்கள், வோடபோன் ஐடியாவின் அதிகாரப்பூர்வ தளங்களில் இனி ரீசார்ஜ் செய்ய கிடைக்காது. வோடபோன் ஐடியா (Vodafone Idea) நிறுவனம் தனது வி ஒன் திட்டங்களை (Vi One Plans) அமைதியாக நிறுத்தி உள்ளதாக தகவல் வெளியாகியுள்ளது.

டெலிகாம்டால்க் (Telecom Talk) வலைதளத்தின் சமீபத்திய அறிக்கையின் படி, வோடபோன் ஐடியா நிறுவனமானது - ப்ரீபெய்ட் மொபைல் சேவைகள் (Prepaid mobile services), பிக்ஸடு பிராட்பேண்ட் இணைப்பு (Fixed broadband connectivity) மற்றும் ஓடிடி சந்தாக்களை (OTT subscriptions) ஒரே தொகுப்பின் கீழ் இணைக்கும் வி ஒன் திட்டங்களை திரும்ப பெற்றுள்ளது.

வி ஒன் திட்டங்கள் ஆனது 100 எம்பிபிஎஸ் வரையிலான பிராட்பேண்ட் ஸ்பீட், இலவச ரூட்டர் மற்றும் இன்ஸ்டாலேஷன் ஆகிய நன்மைகள் மற்றும் சலுகைகளுடன் சேர்த்து டிஸ்னி+ ஹாட்ஸ்டார், சோனி லைவ் மற்றும் ஜீ5 ஆகிய மூன்று ஓடிடி தளங்களுக்கான இலவச அணுகல்களுடன் வி ஹீரோ அன்லிமிடெட் ப்ரீபெய்ட் மொபைல் திட்டங்களை தொகுத்து வழங்கியது

மொபிலிட்டி (Mobility), ஹோம் இண்டர்நெட் (Home internet) மற்றும் என்டர்டெயின்மென்ட் (Entertainment) ஆகியவற்றை ஒன்றாக இணைப்பதன் மூலம் வாடிக்கையாளர்கள் வோடாபோன் ஐடியா சேவையை விட்டு வெளியேறுவதை குறைப்பதை நோக்கமாக கொண்ட எளிமைப்படுத்தப்பட்ட, ஆல்-இன்-ஒன் தீர்வாக இந்த முன்மொழிவு தற்போது அமைதியாக நிறுத்தப்பட்டுள்ளது.

வோடபோன் ஐடியாவின் வலைத்தளத்தில் வி ஒன திட்டங்கள் நீக்கப்பட்டிருப்பதை பார்க்க முடிகிறது. மேலும் தற்போது வரை புதிய சேர்க்கைகள் (புதிய திட்டங்கள்) எதுவும் வழங்கப்படவில்லை. வோடபோன் ஐடியா நிறுவனம் ஏன் இந்த திட்டங்களை நிறுத்தியது என்பது குறித்து எந்த முறையான தகவல்தொடர்பையும் வெளியிடவில்லை, இந்த நிறுத்தம் அமைதியாக செயல்படுத்தப்பட்டுள்ளது.

வி ஒன் திட்டங்களின் நீக்கம் தேர்ந்தெடுக்கப்பட்ட சந்தைகளுக்கு அப்பால் தொகுக்கப்பட்ட சலுகைகளை அளவிடுவதில் உள்ள சவால்களை குறிக்கிறது. யூ பிராட்பேண்ட் மற்றும் ஏசியாநெட் ஃபைபர் போன்ற பிராந்திய பிராட்பேண்ட் வழங்குநர்களுடனான கூட்டாண்மைகளை இந்த திட்டங்கள் நம்பியிருந்தன. இது நாடு தழுவிய விரிவாக்கத்தை கடினமாக்குகின்றன.

வி ஒன் திட்டங்கள் திரும்ப பெற்றுள்ள இந்த "நேரமும்" குறிப்பிடத்தக்கது. வோடபோன் ஐடியா அதன் ப்ரீபெய்ட் போர்ட்ஃபோலியோவை இறுக்குவதில் அதிக கவனம் செலுத்தி வருகிறது, அதன் தற்போதைய சந்தாதாரர் தளத்திலிருந்து பணமாக்குதலை மேம்படுத்த முயற்சிக்கிறது. கடந்த ஆண்டு, இந்த ஆப்ரேட்டர் ஹீரோ மற்றும் நான்-ஸ்டாப் ஹீரோ திட்டங்களில் கவனம் செலுத்தியது, அத்துடன் கட்டண உகப்பாக்கம் மற்றும் தேர்ந்தெடுக்கப்பட்ட வட்டங்களில் 5ஜி வெளியீட்டையும் செயல்படுத்தியது.

இதற்கு நேர்மாறாக, போட்டியாளர் ஆபரேட்டர்கள் (ஜியோ மற்றும் ஏர்டெல்) ஒருங்கிணைப்புக்கு மிகவும் நிலையான அணுகுமுறையை எடுத்துள்ளனர். ரிலையன்ஸ் ஜியோ அதன் ஜியோஃபைபர் மற்றும் ஏர்ஃபைபர் தளங்களில் மொபைல், பிராட்பேண்ட் மற்றும் பொழுதுபோக்கு சேவைகளை தொடர்ந்து வழங்கி வருகிறது.

அதே நேரத்தில் பாரதி ஏர்டெல் நிறுவனம் ஆனது ஏர்டெல் பிளாக் சலுகைகளை விரிவுபடுத்தியுள்ளது, இது பரந்த பிராட்பேண்ட் தடம் மற்றும் சேவைகள் முழுவதும் ஆழமான ஒருங்கிணைப்பால் ஆதரிக்கப்படுகிறது. ஒப்பிடுகையில், வோடபோன் ஐடியாவின் வி ஒன் திட்டங்கள் அணுகல் மற்றும் தெரிவுநிலையில் குறைவாகவே உள்ளன.

வி அறிமுகம் செய்துள்ள 3 இன்சூரன்ஸ் திட்டங்கள்: வி நிறுவனம் ஆதித்யா பிர்லா ஹெல்த் இன்சூரன்ஸ் கம்பெனி லிமிடெட் (ABHICL) உடன் இணைந்து வழங்கப்படும் ரூ.25,000 வரையிலான ஹேண்ட்செட் லாஸ் இன்சூரன்ஸ் கவரேஜுடன் டேட்டா அலவன்ஸையும் இணைக்கும் 3 புதிய திட்டங்களை அறிமுகம் செய்துள்ளது

இந்த டேட்டா பேக்குகள் இந்தியா முழுவதும் கிடைக்கிறது மற்றும் வி ஆப், வலைத்தளம் மற்றும் ரீடெயில் ஸ்டோர்களிலும் ரீசார்ஜ் செய்யலாம். இந்த திட்டத்தின் கீழ் வி நிறுவனம் மூன்று வகைகளை அறிமுகப்படுத்தியுள்ளது. அதிக விலை கொண்ட பேக்கின் விலை ரூ.251 மற்றும் இது 30 நாட்கள் செல்லுபடியாகும் 10 ஜிபி டேட்டாவை வழங்குகிறது. அதே நேரத்தில் ஹேண்ட்செட் இன்சூரன்ஸ் கவர் ஆனது 365 நாட்களுக்கு செல்லுபடியாகும்.

இரண்டாவது பேக்கின் விலை ரூ.201 ஆகும். இது 30 நாட்களுக்கு செல்லுபடியாகும் 10 ஜிபி டேட்டாவை வழங்குகிறது. ஆனால் 180 நாட்கள் என்கிற குறுகிய ஹேண்ட்செட் இன்சூரன்ஸ் காலத்துடன் வருகிறது. பேஸிக் பேக்கின் விலை ரூ.61 ஆகும். இது 15 நாட்களுக்கு செல்லுபடியாகும் 2 ஜிபி டேட்டாவையும், 30 நாட்களுக்கான ஹேண்ட்செட் இன்சூரன்ஸ் கவரேஜையும் வழங்கும்.