முழுசா 60 நாள்.. கொத்தா 50GB டேட்டா.. Jio, Airtel, BSNL யாருமே தராதா ஒரு திட்டம்.. அடிச்சு கிளப்பும் Vi..

ஜியோ (Jio), ஏர்டெல் (Airtel), பிஎஸ்என்எல் (BSNL), என்று பல டெலிகாம் நிறுவனங்கள் மாற்றி-மாற்றி இந்தியாவில் பல சலுகைகளை அள்ளி வீசி வருகின்றனர். இந்த வரிசையில், நாங்களும் ஒன்றும் சும்மா இல்லை, நாங்களும் எங்களை நம்பி வரும் வாடிக்கையாளர்களுக்கு எண்ணற்ற நன்மைகளை வழங்குவோம் என்று விஐ (Vi) அல்லது வோடபோன் ஐடியா (Vodafone Idea) நிறுவனம் புதிய ரீசார்ஜ் திட்டத்தை 60 நாட்கள் செல்லுபடியாகும் வேலிடிட்டி உடன் வழங்கியுள்ளது. இந்த திட்டத்தின் விலை? இதன் நன்மைகள் என்னென்ன என்பது போன்ற தகவல்களை இப்போது பார்க்கலாம்.

Vodafone Idea (Vi) நிறுவனம் புதிதாக ரூ.625 விலையில் ஒரு ப்ரீபெய்ட் திட்டத்தை அறிமுகப்படுத்தியுள்ளது. இது 60 நாட்கள் செல்லுபடியாகும் வேலிடிட்டி உடன் 50GB அதிவேக டேட்டாவை வழங்குகிறது. இந்த நடவடிக்கையானது இந்தியத் தொலைத்தொடர்பு ஒழுங்குமுறை ஆணையத்தின் டெலிகாம் ஆபரேட்டர்களுக்கான TRAI கட்டளையுடன் நிறைவேற்றப்பட்டுள்ளது. டெலிகாம் நிறுவனங்கள் வழக்கமாக வழங்கும் 28, 56 மற்றும் 84-நாள் திட்டங்கள் போல இது இல்லை.

வோடபோன் ஐடியா ரூ. 625 ப்ரீபெய்ட் திட்டம் (Vodafone Idea Rs 625 Prepaid Plan):

இவற்றிற்கு, பதிலாக 30, 60 மற்றும் 90 நாட்கள் கொண்ட திட்டங்களை வழங்க வேண்டும் என்ற உத்தரவின் கீழ், இத்திட்டங்கள் அறிமுகம் செய்யப்பட்டுள்ளது. விஐ ரூ.625 திட்டத்தில் இந்தியா முழுவதும் எந்த கூடுதல் கட்டணமும் இல்லாமல் அன்லிமிடெட் வாய்ஸ் கால்ஸ் அழைப்பு, தினமும் 100 SMS போன்ற நன்மைகளை வழங்குகிறது. இதில் வழங்கப்படும் 50GB டேட்டா ஒரு லம்ப்சம் டேட்டா பேக்கேஜ் ஆகும்.

இது பயனர்கள் 60 நாள் முழுவதும் தேவைக்கேற்ப 50ஜிபி வரை அதிவேக டேட்டாவை பயன்படுத்திக்கொள்ள அனுமதிக்கிறது. தினசரி ஒதுக்கப்பட்ட தரவுத் திட்டங்களைப் போலல்லாமல், தினசரி ஒதுக்கீடு தீர்ந்த பிறகு வேகத்தைக் குறைக்கும், இந்தத் திட்டம் பயனர்களை ஒரே நாளில் 50ஜிபி வரை அதிவேகமாகப் பயன்படுத்த அனுமதிக்கிறது அல்லது இரண்டு மாதங்கள் முழுவதும் அதைப் பயன்படுத்த அனுமதிக்கிறது.

இருப்பினும், இது ஒரு நாளைக்கு சராசரியாக 1 ஜிபிக்கு குறைவாக இருப்பதால், பயனர்கள் தங்கள் தரவு நுகர்வுகளை புத்திசாலித்தனமாக நிர்வகிக்க வேண்டும் என்ற சூழ்நிலை உருவாகியுள்ளது. ஜியோ, ஏர்டெல், பிஎஸ்என்எல் போன்ற நிறுவனங்களிடம் கிடைக்கும் சில நன்மைகளை வோடபோன் ஐடியா நிறுவனம் இந்த திட்டத்துடன் வழங்கவில்லை. இத்துடன் கூடுதல் OTT நன்மைகள் அல்லது Vi Hero அன்லிமிடெட் சலுகைகள் எதுவும் வழங்காது என்பது குறிப்பிடத்தக்கது.

வோடபோன் ஐடியா ரூ. 649 ப்ரீபெய்ட் திட்டம் (Vodafone Idea Rs 649 Prepaid Plan):

இதற்கு அடுத்தபடியாக வோடபோன் ஐடியா நிறுவனம் வழங்கும் திட்டம் தான் ரூ. 649 விலை கொண்ட திட்டம். இது 56 நாட்கள் செல்லுபடியாகும் வேலிடிட்டி உடன் வருகிறது. இது திட்டம் தினமும் 2GB டேட்டா நன்மை, அன்லிமிடெட் வாய்ஸ் கால்ஸ், 100 எஸ்எம்எஸ் நன்மைகளை வழங்குகிறது. இந்த திட்டம் பல கூடுதல் இலவச நன்மைகளை வழங்குகிறது.

இது வீகென்ட் டேட்டா ரோல் ஓவர் மற்றும் அன்லிமிடெட் இரவு நேர இலவச டேட்டா நன்மை போன்ற நன்மைகளை வழங்குகிறது. விஐ ஹீரோ மற்றும் OTT சேனல்களுக்கான சந்தாவையும் வழங்குகிறது.