புதுசு கண்ணா புதுசு.. 1-நாள், 7-நாள், 21-நாள் ரீசார்ஜ்களை அறிமுகம் செய்த Vodafone நிறுவனம்.. யாருக்கு யூஸ்?

கோடைகால பயண பருவத்தை முன்னிட்டு, வோடாபோன் ஐடியா (Vodafone Idea) நிறுவனம் இந்தியாவில் உள்ள தனது போஸ்ட்பெய்ட் சந்தாதாரர்களுக்காக புதிய சர்வதேச ரோமிங் திட்டங்களை அறிமுகப்படுத்தியுள்ளது. பயனர்களின் பயண கால அளவை பொறுத்து அவர்களுக்கு அதிக விருப்பங்களை வழங்குவதற்காக, இந்த நிறுவனம் புதிய 7-நாள், 14-நாள் மற்றும் 21-நாள் பேக்குகளை சேர்த்துள்ளது.

புதுப்பிக்கப்பட்ட இந்த சர்வதேச ரோமிங் தொகுப்பில், இப்போது 1 நாள் முதல் 30 நாட்கள் வரை செல்லுபடியாகும் 17 சர்வதேச ரோமிங் பேக்குகள் உள்ளன. இந்தத் திட்டங்கள் 120-க்கும் மேற்பட்ட நாடுகளில் டேட்டா, வாய்ஸ் மினிட்ஸ் மற்றும் எஸ்எம்எஸ் ஆகிய நன்மைகளின் கலவையை வழங்குகின்றன.

இதன் மூலம் இந்தியாவில் உள்ள வி போஸ்ட்பெய்ட் வாடிக்கையாளர்களுக்கு, முன்பை விட வெவ்வேறு பயண காலங்கள் மற்றும் பயன்பாட்டு தேவைகளுக்கு மிகவும் நெருக்கமாக பொருந்தும் வகையில் பல திட்டங்கள் ரீசார்ஜ் செய்ய கிடைக்கிறது. இந்த சர்வதேச ரோமிங் திட்டங்கள், செல்ல வேண்டிய இடத்தை பொறுத்து இரண்டு வகையான பலன்களை வழங்குகின்றன.

40-க்கும் மேற்பட்ட நாடுகளில், தேர்ந்தெடுக்கப்பட்ட பேக்குகளில் வரம்பற்ற டேட்டா, வாய்ஸ் கால்கள் மற்றும் எஸ்எம்எஸ் ஆகிய நன்மைகள் அடங்கும். மற்ற 120-க்கும் மேற்பட்ட நாடுகளில், இதே பேக்குகள் வரம்பற்ற பயன்பாட்டிற்கு பதிலாக ஒரு குறிப்பிட்ட அளவு டேட்டா, வாய்ஸ் நிமிடங்கள் மற்றும் எஸ்எம்எஸ் ஆகியவற்றை வழங்குகின்றன.

மிகவும் மலிவான விருப்பம் ரூ.649 விலையுள்ள ஒரு நாள் பேக் ஆகும், இதில் 1ஜிபி டேட்டா, 150 வாய்ஸ் நிமிடங்கள் மற்றும் 100 எஸ்எம்எஸ் ஆகியவைகள் அடங்கும். வாடிக்கையாளர்கள் ரூ.749 விலையில் இன்னொரு ஒரு நாள் வரம்பற்ற திட்டத்தையும் தேர்வு செய்யலாம். அதிக டேட்டா தேவைப்படும் பயனர்கள் 2ஜிபி டேட்டா வை கொடுக்கும் ரூ.1,349 விலையுள்ள திட்டத்தை தேர்வு செய்யலாம்.

புதிய ஏழு நாள் திட்டங்கள் ரூ.2,649 முதல் தொடங்குகின்றன, இதில் 2ஜிபி டேட்டா, 300 வாய்ஸ் நிமிடங்கள் மற்றும் 100 எஸ்எம்எஸ் ஆகிய நன்மைகள் அடங்கும். விi நிறுவனம் ரூ.3,649 விலையில் இன்னொரு ஏழு நாள் வரம்பற்ற திட்டத்தையும் வழங்குகிறது, அதே நேரத்தில் 3ஜிபி திட்டம் ரூ.2,849 விலையில் கிடைக்கிறது. 10 நாள் பயணத்திற்காக, வி நிறுவனம் ரூ.2,999, ரூ.3,499 மற்றும் ரூ.3,999 விலைகளில் பேக்குகளை வழங்குகிறது.

இந்த திட்டங்கள் 10ஜிபி முதல் 14ஜிபி வரையிலான டேட்டாவுடன், 300 வாய்ஸ் நிமிடங்கள் மற்றும் 100 எஸ்எம்எஸ்-ஐ வழங்குகின்றன. இதற்கிடையில், 14 நாள் திட்டங்கள் ரூ.3,599 முதல் தொடங்கி ரூ.4,999 வரை செல்கின்றன. அவற்றில் 12ஜிபி அல்லது 21ஜிபி டேட்டா, அல்லது தகுதியான இடங்களில் வரம்பற்ற பயன்பாடு, 500 வாய்ஸ் நிமிடங்கள் மற்றும் 100 எஸ்எம்எஸ் ஆகிய நன்மைகள் அடக்கம்.

மூன்று வாரங்கள் பயணம் செய்யும் வாடிக்கையாளர்கள், ரூ.3,799, ரூ.3,849, மற்றும் ரூ.5,699 விலையுள்ள 21-நாள் பேக்குகளை தேர்ந்தெடுக்கலாம். இந்த திட்டங்களில் 14ஜிபி அல்லது 21ஜிபி டேட்டா, அல்லது தேர்ந்தெடுக்கப்பட்ட நாடுகளில் வரம்பற்ற பலன்கள், அத்துடன் 600 வாய்ஸ் நிமிடங்கள் மற்றும் 100 எஸ்எம்எஸ் ஆகியவைகளை வழங்கும்.

வி நிறுவனம் இரண்டு 30-நாள் திட்டங்களையும் வழங்குகிறது. இதில் ரூ.3,999 பேக் ஆனது 30ஜிபி டேட்டா, 1,500 வாய்ஸ் நிமிடங்கள் மற்றும் 100 எஸ்எம்எஸ் ஆகியவற்றை வழங்குகிறது. ரூ.5,999 திட்டம், நியாயமான பயன்பாட்டு வரம்புகளுக்கு உட்பட்டு 70ஜிபி அதிவேக டேட்டா, 1500 வாய்ஸ் நிமிடங்கள் மற்றும் ஆதரிக்கப்படும் இடங்களில் வரம்பற்ற எஸ்எம்எஸ் ஆகியவற்றை வழங்குகிறது.

பயணத்தின்போது பயனர்கள் எதிர்பாராத கட்டணங்களை தவிர்க்க உதவும் வகையில், பில் பாதுகாப்பு அம்சங்கள் தங்களது ரோமிங் திட்டங்களில் உள்ளதாக வோடாபோன் ஐடியா நிறுவனம் கூறுகிறது. வாடிக்கையாளர்கள் வி மொபைல் ஆப் மூலம் இந்த பேக்குகளை வாங்கவும், நிர்வகிக்கவும் முடியும்.