விவோவின் பொக்கிஷம்: விரைவில் வெளியாகும் விவோ ஒய்33எஸ் 5ஜி- 8ஜிபி ரேம், 50எம்பி கேமரா!

வி2166ஏ என்ற எண் உடன் விவோ ஒய்33 எஸ் 5ஜி

3சி சான்றிதழ் தளம் சீனாவில் விரைவில் அறிமுகம் செய்யப்படக் கூடிய ஸ்மார்ட்போன்களை பட்டியலிட்டுள்ளது. டிசம்பரில் மாடல் எண் வி2166ஏ என்பதுடன் ஸ்மார்ட்போன் சீன சான்றிதழ் இணையதளத்தில் கண்டுபிடிக்கப்பட்டுள்ளது. அறிக்கையில் வெளியான தகவலின்படி இது இடைநிலை 5ஜி ஸ்மார்ட்போனாக இருக்கும் என கூறப்படுகிறது. அடுத்தடுத்த அறிக்கைகள் வி2166ஏ மாடல் விவோவில் இருந்து வரவிருக்கும் ஒய்33எஸ் 5ஜி சாதனத்தை குறிக்கின்றன. விவோ ஒய்33எஸ் சாதனத்தின் 4ஜி மாறுபாடு கடந்த ஆண்டின் தொடக்கத்தில் அறிமுகம் செய்யப்பட்டது. அதேபோல் விவோ ஒய்33எஸ் 5ஜி ஸ்மார்ட்போன் குறித்த எந்த அதிகாரப்பூர்வ தகவலையும் நிறுவனம் இதுவரை வெளியிடவில்லை.

விரைவில் அறிமுகமாகும் விவோ ஒய்33எஸ் 5ஜி

விரைவில் அறிமுகமாக இருக்கும் விவோ ஒய்33எஸ் 5ஜி சாதனத்தின் 4 ஜிபி ரேம் மற்றும் 128 ஜிபி உள்சேமிப்பு மாறுபாட்டின் விலை சீனப் பட்டியலின் படி தோராயமாக ரூ.17,685 ஆக இருக்கும் என கூறப்படுகிறது. 6 ஜிபி ரேம் மற்றும் 128 ஜிபி உள்சேமிப்பு மாறுபாட்டின் விலை இந்திய விலை மதிப்புப்படி தோராயமாக ரூ.18,865 ஆக இருக்கும் என கூறப்படுகிறது. அதேபோல் 8 ஜிபி ரேம் மற்றும் 128 ஜிபி உள்சேமிப்பு வேரியண்ட் விலை இந்திய மதிப்புப்படி தோராயமாக ரூ.20,046 ஆக இருக்கும் என கூறப்படுகிறது. விவோ ஒய் 33எஸ் 4ஜி மாறுபாட்டின் இந்திய விலை குறித்து பார்க்கையில், இதன் 8 ஜிபி ரேம் மற்றும் 128 ஜிபி உள்சேமிப்பு வேரியண்ட் விலை ரூ.17,990 ஆக இருக்கிறது. இந்த விவோ ஒய்33எஸ் 4ஜி வேரியண்ட் மிட்டேட்ரீம் மற்றும் மிரர் பிளாக் ஆகிய இரண்டு வண்ண விருப்பங்களில் கிடைக்கிறது.

கிடைக்கும் விலை மற்றும் தன்மை

விவோ ஒய் 33 எஸ் ஸ்மார்ட்போன் கிடைக்கும் விலை மற்றும் தன்மை குறித்து பார்க்கலாம். இந்த ஸ்மார்ட்போன் 8 ஜிபி ரேம் மற்றும் 128 ஜிபி உள்சேமிப்பு உடன் வருகிறது. இந்த ஸ்மார்ட்போன் விலை ரூ.17,990 ஆக இருக்கிறது. இந்த ஸ்மார்ட்போன் ஆனது மிட்டே ட்ரீம் மற்றும் மிரர் பிளாக் ஆகிய வண்ண விருப்பங்களில் வருகிறது. இந்த ஸ்மார்ட்போன் கிடைக்கும் தன்மை குறித்து பார்க்கையில் இது விவோ இந்தியா இ-ஸ்டோர் மற்றும் அமேசான், பிளிப்கார்ட் மற்றும் சில்லறை விற்பனையாளர்கள் கடைகளில் கிடைக்கும்.

பட்ஜெட் விலையில் இந்தியாவில் அறிமுகம்

விவோ ஒய் தொடர் சாதனம் தொடர்ந்து பட்ஜெட் விலையில் இந்தியாவில் அறிமுகம் செய்யப்பட்டுள்ளது. அதன்படி தற்போது விவோ ஒய் 33 எஸ் சாதனமும் பட்ஜெட் விலையில் இந்தியாவில் அறிமுகம் செய்யப்பட்டுள்ளது. இந்த ஸ்மார்ட்போனானது மீடியாடெக் ஹீலியோ எஸ்ஓசி மூலம் இயக்கப்படுகிறது. மூன்று பின்புற கேமரா வடிவமைப்பு, காட்சி முழுவதும் தடிமனான உளிச்சாயுமோரம் மற்றும் உச்சநிலை செல்பி கேமரா அம்சத்தோடு வருகிறது. ஸ்மார்ட்போன் இரண்டு வண்ண விருப்பங்கள் மற்றும் ஒற்றை உள்ளமைவு வசதியோடு வருகிறது.

ஆண்ட்ராய்டு 11 அடிப்படையிலான ஃபன்டச் ஓஎஸ் 11.1

விவோ நிறுவனம் ஸ்மார்ட்போன்களுக்கு வங்கி சலுகையும் வழங்குகிறது. எச்டிஎஃப்சி மற்றும் ஐசிஐசிஐ வங்கி கிரெடிட் டெபிட் கார்ட்களுக்கு ரூ.1500 கேஷ்பேக் சலுகையோடு வழங்குகிறது. கூடுதலா பரிமாற்ற சலுகையாக ரூ.1500 வழங்கப்படுகிறது. மேலும் இந்த ஸ்மார்ட்போனுக்கு 9 மாத நோ காஸ்ட் இஎம்ஐ வசதி இருக்கிறது. Vivo Y33s விவரக்குறிப்புகள் குறித்து பார்க்கையில், இரட்டை சிம் (நானோ) ஆதரவு, ஆண்ட்ராய்டு 11 அடிப்படையிலான ஃபன்டச் ஓஎஸ் 11.1 மூலம் இயக்கப்படுகிறது. இந்த ஸ்மார்ட்போன் 6.58 இன்ச் முழு எச்டி ப்ளஸ் எல்சிடி டிஸ்ப்ளே உடன் வருகிறது. 1,080x2,408 பிக்சல்கள் தீர்மானத்தோடு இந்த ஸ்மார்ட்போன் வருகிறது. ஹூட்டின் கீழ் விவோ ஸ்மார்ட்போன் 8 ஜிபி ரேம் மற்றும் 4 ஜிபி நீட்டிக்கப்பட்ட ரேம் உடன் மீடியாடெக் ஹீலியோ ஜி80 எஸ்ஓசி வசதியோடு வருகிறது. 128 ஜிபி உள்சேமிப்பு வசதியோடு வருகிறது. இது மைக்ரோ எஸ்டி கார்ட் மூலமாக 1 டிபி வரை மெமரி விரிவாக்க ஸ்லாட் வசதி இருக்கிறது.

50 மெகாபிக்சல் முதன்மை கேமரா

விவோ ஒய்33 எஸ் ஸ்மார்ட்போனின் கேமரா அம்சங்கள் குறித்து பார்க்கையில், இது 50 மெகாபிக்சல் முதன்மை கேமரா, 2 மெகாபிக்சல் மேக்ரோ ஷூட்டர் மற்றும் 2 மெகாபிக்சல் ஆழ சென்சார் வசதி என டிரிபிள் கேமரா அம்சத்தோடு வருகிறது. ஸ்மார்ட்போன் முன்பக்கத்தில் 16 மெகாபிக்சல் செல்பி ஷூட்டர் வசதி உள்ளது. இணைப்பு விருப்பங்கள் குறித்து பார்க்கையில், இந்த ஸ்மார்ட்போன் டூயல் பேண்ட் வைஃபை, 4ஜி, ப்ளூடூத் வி5, யூஎஸ்பி டைப்-சி போர்ட் ஆகியவை அடங்கும். சென்சார்களில் ஆக்ஸிலரோ மீட்டர், ஆம்பியண்ட் லைட் சென்சார், ப்ராக்ஸிமிட்டி சென்சார், இ-காமர்ஸ் மற்றும் கைரோஸ்கோப் ஆகியவை அடங்கும். விவோ ஒய்33 எஸ் ஸ்மார்ட்போனில் பாதுகாப்பு அம்சத்துக்கு பக்கவாட்டில் பொருத்தப்பட்ட கைரேகை சென்சார் ஆதரவு இருக்கிறது. இந்த ஸ்மார்ட்போன் ஆனது 5000 எம்ஏஎச் பேட்டரி மூலம் இயக்கப்படுகிறது. இதில் 18 வாட்ஸ் ஃபாஸ்ட் சார்ஜிங் ஆதரவும் இருக்கிறது. இந்த ஸ்மார்ட்போனின் எடை 182 கிராம் ஆகும்.