புதிய Vivo T1 மற்றும் Vivo T1X பற்றிய சுவாரசிய தகவல்.. அடுத்த அறிமுகத்திற்கு ரெடியாகிறதா விவோ?

புதிய Vivo T1 மற்றும் Vivo T1X ஸ்மார்ட்போன்

புதிய Vivo T1 மற்றும் Vivo T1X ஆகிய இரண்டு ஸ்மார்ட்போன்களின் அதிகாரப்பூர்வ ரெண்டர் விபரங்கள் இப்போது கசிந்துள்ளது. இது புதிய ஸ்மார்ட்போன்களின் முன்பக்கம் மற்றும் பின்புறம் ஆகிய முழு வடிவமைப்பையும் தெளிவாகக் காட்டுகின்றது. விவோ டி 1 மற்றும் விவோ டி 1 எக்ஸ் ஸ்மார்ட்போன்களின் விவரக்குறிப்புகள் ஆன்லைனில் கசிந்துள்ளன, இது கற்பனைக்கு மிகக் குறைவு என்றாலும் கூட, பயனர்களின் ஆர்வத்திற்குத் தீனியாக அமைந்துள்ளது.

5,000 எம்ஏஎச் பேட்டரி உடன் அடுத்த ஸ்மார்ட்போன் அறிமுகமா?

விவோ டி 1 மற்றும் விவோ டி 1 எக்ஸ் ஸ்மார்ட்போன்கள் 5,000 எம்ஏஎச் பேட்டரியை பேக் செய்து எல்சிடி டிஸ்ப்ளே கொண்டிருக்கும் என்பது இப்போது தெரியவந்துள்ளது. Vivo T1 தொடரின் வருகையை Vivo உறுதிப்படுத்தியிருந்தாலும், சரியான மாதிரி பெயர்கள் மற்றும் அறிமுக நிகழ்வின் நேரம் இன்னும் அதிகாரப்பூர்வமாக அறிவிக்கப்படவில்லை. இருப்பினும், அறியப்பட்ட சீன டிப்ஸ்டர் டிஜிட்டல் சாட் ஸ்டேஷன் இந்த தொடரில் விவோ டி 1 மற்றும் விவோ டி 1 எக்ஸ் ஆகியவை இருக்கலாம் என்று பரிந்துரைத்துள்ளார்.

ட்ரிபிள் கேமரா ஒரு மாடல்.. டூயல் கேமரா ஒரு மாடல்

இரண்டு ஸ்மார்ட்போன்களின் ரெண்டர்களும் இணையத்தில் தற்போது கசிந்துள்ளது. விவோ டி 1 ஒரு பஞ்ச் ஹோல் டிஸ்ப்ளேவைக் கொண்டுள்ளது. இந்த கட் அவுட் டிஸ்பிளே மையத்தில் வைக்கப்பட்டுள்ளது. சென்சார்கள் ஒன்றன் பின் ஒன்றாக அமர்ந்திருக்கும் மூன்று பின்புற கேமரா அமைப்பு இதில் இடம்பெற்றுள்ளது. விவோ டி 1 பிளாக் அண்ட் ப்ளூ கிரேடியன்ட் ஃபினிஷில் வரும் என எதிர்பார்க்கப்படுகிறது. அதேபோல், விவோ டி 1 எக்ஸ், மறுபுறம், வாட்டர் டிராப் ஸ்டைல் ​​நாட்ச் உடம் கீழே லேசான சின் உடன் வருகிறது.

எந்த மாடல் என்ன வகை சிப்செட் உடன் வெளிவரும்?

விவோ டி 1 எக்ஸ் இரட்டை பின்புற கேமரா அமைப்பைக் கொண்டுள்ளது மற்றும் இது கருப்பு, வெளிர் நீலம் மற்றும் ஊதா ஆகிய மூன்று வெவ்வேறு வண்ணங்களில் வெளிவரும் என்று எதிர்பார்க்கப்படுகிறது. டிஜிட்டல் சாட் ஸ்டேஷன் இரண்டு தொலைபேசிகளின் முக்கிய விவரக்குறிப்புகளையும் வெளியிட்டுள்ளது. இதன்படி, Vivo T1 ஸ்னாப்டிராகன் 778G சிப்செட் மூலம் இயக்கப்படுகிறது. ஆனால், Vivo T1X சாதனம் MediaTek Dimensity 900 சிப்செட் ஆல் இயக்கப்படுகிறது என்று கூறியுள்ளது.

எப்போது அறிமுகம்?

கசிந்த பிற விவரக்குறிப்புகளில் இரண்டு ஸ்மார்ட்போன்களிலும் எல்சிடி டிஸ்ப்ளே அடங்கும். விவோ டி 1 மற்றும் விவோ டி 1 எக்ஸ் பின்புறத்தில் 64 மெகாபிக்சல் பிரதான கேமராவைக் கொண்டிருக்கலாம். Vivo T1 மற்றும் Vivo T1X 5,000mAh பேட்டரியை பேக் செய்யக்கூடும் என்று டிப்ஸ்டர் கூறுகிறார். இது தவிர, கூடுதல் தகவல்கள் எதுவும் கசியவில்லை. விவோ நிறுவனம் வரும் அக்டோபர் 19 அன்று வெளியீட்டு நிகழ்வில் விவோ டி 1 மற்றும் விவோ டி 1 எக்ஸ் விலை மற்றும் கிடைக்கும் விவரங்களை வழங்கலாம் என்று எதிர்பார்க்கப்படுகிறது.