மத்திய அமைச்சரவை விரிவாக்கம்: மின்னணு மற்றும் தொழில்நுட்ப துறை அமைச்சர் யார் தெரியுமா?

Published: Thursday, July 8, 2021, 12:47 [IST]

2019 ஆம் ஆண்டில் நாடாளுமன்ற தேர்தலில் வெற்றி பெற்று பிரதமர் மோடி தலைமையிலான அரசு ஆட்சி அமைத்தது. மத்திய அமைச்சரவை பொறுப்பேற்று இரண்டு ஆண்டுகளுக்கு பிறகு அமைச்சரவை விரிவாக்கம் செய்யப்பட்டுள்ளது. இதுவரை சதானந்த கவுடா, ரவிசங்கர் பிரசாத், தாவர்சந்த் கெலாட் உட்பட 12 அமைச்சர்கள் பதவியில் இருந்து நீக்கப்பட்டனர்.

மின்னணு மற்றும் தொழில்நுட்ப துறை அமைச்சர் யார் தெரியுமா?

தொடர்ந்து 43 அமைச்சர்கள் பட்டியல் வெளியானது. இதில் மின்னணு மற்றும் தொழில்நுட்ப துறை அமைச்சராக அஸ்வினி வைஸ்ணவ் பொறுப்பேற்றுள்ளார். மேலும் அஸ்வினி வைஸ்ணவ் ரயில்வே, தொலைத்தொடர்பு அமைச்சராக பொறுப்பேற்றார்.

தொழில்நுட்ப துறை, மின்னணுத் துறையின் வளர்ச்சிக்காக உருவாக்கப்பட்ட துறையாகும். தகவல் தொழில்நுட்பத்துறை என அழைக்கப்பட்ட இந்த துறை 2012 ஆம் ஆண்டில் மின்னணு மற்றும் தகவல் தொழில்நுட்பத் துறையாக மாற்றப்பட்டது. பின் தகவல் தொழில்நுட்பத்துறை முழு அளவிலான அமைச்சகமாக மாற்றப்பட்டு தகவல் தொடர்பு மற்றும் தகவல் தொழில்நுட்பத்துறை பிரிவாக உருவாக்கப்பட்டது. இதையடுத்து மின்னணு மற்றும் தொழில்நுட்ப அமைச்சம் உருவானது.

தற்போது மின்னணு மற்றும் தொழில்நுட்பத் துறை அமைச்சராக பொறுப்பேற்றுள்ள அஸ்வினி வைஸ்ணவ் ஒடிசா மாநிலத்தை சேர்ந்தவர் ஆவார். 1970 ஆம் ஆண்டு பிறந்த இவர், முன்னாள் இந்திய நிர்வாக சேவை (ஐஏஎஸ்) அதிகாரி ஆவார். தற்போது இவர் பாஜக-வின் உறுப்பினராக உள்ளார். 28 ஜூன் 2019 ஆம் ஆண்டு முதல் மாநிலங்களவை உறுப்பினராக உள்ளார். ஒடிசா மாநிலத்தில் இருந்து இந்திய நாடாளுமன்ற உறுப்பினராக தேர்ந்தெடுக்கப்பட்டார்.