ஜப்பான் : கடலுக்கு அடியில் கண்டுபிடிக்கப்பட்ட 'ஒரு கல்லறை'..!

By Muthuraj

Updated: Monday, December 14, 2015, 11:21 [IST]

1944-ஆம் ஆண்டு, பிப்ரவரி 17-ஆம் தேதி, இரண்டாம் உலகப்போரின் போது ஜப்பானுக்கு எதிராக அமெரிக்கா நடத்திய தாக்குதலால் ஏற்பட்ட பல கல்லறைகளில் ஒரு முக்கியமான கல்லறை கடலுக்கு அடியில், சுமார் 80 அடி ஆழத்தில் புதையுண்டு கிடக்கிறது.

இரண்டாம் உலகப்போரின் போது ஜப்பான் மீது நடத்தப்பட்ட இந்த தாக்குதல்கள் தான் அமெரிக்காவின் மிக முக்கியமான குண்டுவீச்சு நடவடிக்கைகளில் ஒன்றுதான் - ஆப்ரேஷன் ஹேயில்ஸ்டோன் (Operation Hailstone). அந்த குண்டுவீச்சு நடவடிக்கையில் ஜப்பானின் கரோலின் தீவுகளில் உள்ள ஜப்பானிய கப்பல் மற்றும் விமான தளமானது அமெரிக்காவால் 'சர்வநாசம்' செய்யப்பட்டது.

கரோலின் கடல் தீவுகளில் அமெரிக்கவால் உருவாக்கப்பட்ட 'அந்த கல்லறை'யை, அதே அமெரிக்காவை சேர்ந்த நீருக்கடியில் புகைப்படம் எடுக்கும் கலைஞரான பிராண்டி முல்லர் (Brandi Mueller) என்பவர் புகைப்படங்கள் மூலம் அம்பலப்படுத்தியுள்ளார்.

அழிவு :

சுமார் 36 மணி நேரம் நடத்தப்பட்ட இந்த கொடூர தாக்குதலில் சுமார் 400 ஜப்பானிய வானூர்திகள் மற்றும் 50 போர் கப்பல்கள் அழிக்கப்பட்டன என்பதும், சுமார் 2000 ஜப்பானிய படை வீரர்கள் கொல்லப்பட்டன என்பதும் குறிப்பிடத்தக்கது.

தொடப்படாதவைகள் :

நீருக்குள் மூழ்கி கிடக்கும் ஜப்பானிய கப்பலும், பீரிங்கிகளும், ஆயிரக்கணக்கான குண்டுகளும் சற்றும் 'தொடப்படாதவைகள்' என்பது குறிப்பிடத்தக்கது.

அண்டர்வாட்டர் கேமிரா :

இந்த நம்ப முடியாத விவரமான புகைப்படங்களை அண்டர்வாட்டர் கேமிரா (Underwater Camera) எனப்படும் வாட்டர்ப்ரூஃப் கேமிரா உதவியுடன் புகைப்படமாக்கி உள்ளார் 32 வயதான அண்டர்வாட்டர் போட்டோகிராஃபர் பிராண்டி முல்லர்.

பீரங்கிகள் :

கடலுக்கு அடியில் மூழ்கி கிடக்கும் த்ரீ சு-னு வகையை சேர்ந்த ஜப்பானிய பீரங்கிகள்.

வெடிப்பொருட்கள் :

ஜப்பானின் ராணுவ வளங்களை குறி வைத்து நடத்தப்பட்ட இந்த தாக்குதலில் சிக்கி கடலுக்குள் மூழ்கிய ஜப்பானிய வெடிப்பொருட்கள்.

மூச்சு சுவாசக்கருவி :

இரண்டாம் உலகப்போர் காலகட்டத்தில் விமான ஒட்டிகள் சுவாசிக்க உதவும் மூச்சு சுவாசக்கருவி (breathing respirator) ஒன்று ஒரு கண்ணாடி குவியல் மத்தியில் கிடக்கிறது.