இந்தியாவிடம் சேட்டையை காட்டிய மஸ்க்.! Twitter Blue இந்திய விலை என்ன தெரியுமா? செஞ்சுட்டார்.!

Twitter Blue சந்தாவின் இந்திய விலை என்ன தெரியுமா?

இப்போது, ​​ப்ளூ சேவையின் ஆரம்ப வெளியீட்டிற்கு சில நாட்களுக்குப் பிறகு, நிறுவனம் இந்தியாவின் ட்விட்டர் ப்ளூ விலை விவரங்களை உறுதிப்படுத்தியுள்ளது. இதன்படி, இப்போது அறிவிக்கப்பட்டுள்ள அறிவிப்பின் படி, இந்தியாவில் Twitter Blue சந்தா விலை மாதம் ரூ. 719 ஆக நிர்ணயிக்கப்பட்டுள்ளது. இந்த சந்தா கட்டணம் இந்தியாவில் உள்ள சந்தாதாரர்களுக்குப் பல புதிய பிரீமியம் அம்சங்களை வழங்குகிறது.

Twitter Blue India விலை அதிகமா? என்ன சொல்லுறீங்க மஸ்க்.!

இந்தியாவில் ப்ளூ சந்தா கட்டணம் மாதத்திற்கு ரூ.660 ஆக இருக்கும் என்று முன்பு எதிர்பார்க்கப்பட்டது. எனினும், அது அவ்வாறு இல்லை. Twitter Blue India விலை நாம் எதிர்பார்த்ததை விட சற்று அதிகமாகத் தான் இருக்கிறது. இதில் நாம் கவனிக்க வேண்டிய ஒரு முக்கியமான விஷயமும் உள்ளது. ட்விட்டர் ப்ளூ சந்தா கட்டணம் இந்தியாவில் உள்ள பயனர்களுக்கு மாதம் ரூ.719 ஆக நிர்ணயிக்கப்பட்டுள்ளது.

அமெரிக்காவை விட இந்தியாவுக்கு ரேட் ஜாஸ்தியா.! இது நியாயமா?

அதேபோல், இந்த சேவை அமெரிக்காவில் 8 டாலர் என்ற விலையில் வந்துள்ளது என்பது நம் அனைவருக்கும் தெரியும்.

இந்த விலையுடன் ஒப்பிடுகையில், இந்தச் சேவை அமெரிக்காவில் கிடைக்கும் $8 சாந்தாவின் இந்திய விலை தோராயமாக ரூ.650-க்கு கிடைக்கிறது என்பது குறிப்பிடத்தக்கது.

ஆனால், இப்போது இந்தியாவிற்கு ட்விட்டர் ப்ளூ ரூ.719 ஆக அறிவிக்கப்பட்டுள்ளது. இது 69 ரூபாய் கூடுதலாக இந்தியாவில் அறிமுகமாகியுள்ளது.

Twitter Blue எப்போது பயன்படுத்த கிடைக்கும்?

Twitter ஆப்ஸின் iOS ஆப் ஸ்டோர் பட்டியல் இந்திய சந்தைக்கான Twitter Blue இன் சந்தா கட்டணத்தை வெளிப்படுத்துகிறது. இந்தியாவில் சேவையின் வெளியீட்டுக் காலவரிசை பற்றிய எந்த விவரங்களையும் அதிகாரப்பூர்வ இணையதளம் வெளியிடவில்லை. இருப்பினும், ட்விட்டர் புளூ ஒரு மாத காலத்திற்குள் இந்தியாவில் கிடைக்கும் என்று தலைமை நிர்வாக அதிகாரி மஸ்க் உறுதிப்படுத்தியுள்ளார்.

முன்னும் பின்னுமாக சேட்டையை காண்பிக்கும் மஸ்க்!

வெளியீட்டின் போது, ​​தலைமை நிர்வாக அதிகாரி மஸ்க், சந்தா கட்டணம் வெவ்வேறு பகுதிகளில் ஊதிய சமநிலையின்படி விலையிடப்படும் என்று கூறியிருந்தார். இருப்பினும், ட்விட்டரில் விஷயங்கள் முன்னும் பின்னுமாக எவ்வாறு செல்கின்றன என்பதைப் பார்க்கும்போது, ​​எதிர்காலத்தில் விலை நிர்ணயம் மாற்றி அமைக்கப்பட்டால் கூட ஆச்சரியப்படுவதற்கில்லை.

ட்விட்டர் ப்ளூ இப்போது எங்கெல்லாம் கிடைக்கிறது?

ட்விட்டரின் புதிய சந்தா சேவை இப்போது அமெரிக்கா, கனடா, ஆஸ்திரேலியா, நியூசிலாந்து மற்றும் இங்கிலாந்து ஆகிய நாடுகளில் கிடைக்கிறது. மற்ற நாடுகளிலும் இந்தச் சேவை மெல்ல மெல்ல விரிவடைகிறது.

ப்ளூ சேவைக்கு குழுசேரும் பயனர்கள், அவர்களின் Twitter யூசர் நேம்-க்கு அடுத்ததாகச் சரிபார்க்கப்பட்ட புதிய ப்ளூ டிக் மார்க்கை பெறுவார்கள். இந்த டிக் மார்க் ஏற்கனவே பிரபலங்கள், நிறுவனங்கள் மற்றும் அரசியல்வாதிகள் போன்றவர்களுக்கு வழங்கப்பட்டுள்ளது.

எக்ஸ்ட்ரா அம்சங்கள் எல்லாமே Twitter ப்ளூல தான் இருக்கா?

Twitter ப்ளூ டிக் கிடைக்கும் சந்தாதாரர்கள் பல பிரீமியம் அம்சங்களைப் பெறுவார்கள். எக்ஸ்ட்ரா அம்சங்கள் எல்லாமே Twitter ப்ளூ சந்தாவுடன் திறக்கப்படும்.

தொடக்கத்தில், பிரீமியம் சேவைக்கு குழுசேர்ந்து, நீல நிறச் சரிபார்ப்பு அடையாளத்தைக் கொண்ட பயனர்கள் ரீப்ளே, சர்ச்கள் போன்ற விஷயங்களில் கூடுதல் முன்னுரிமையை பெறுவார்கள்.

ட்விட்டர் ப்ளூவுக்கு சந்தா செலுத்தியவுடன் பயனர்கள் நீண்ட ஆடியோ மற்றும் வீடியோ பைல்களை பதிவிடலாம்.

Twitter ப்ளூ சந்தாதாரர்களுக்கு விளமப்ர தொல்லை இல்லையா?

Twitter நிறுவனம் இவர்களுக்கு குறைவான விளம்பரங்களைக் காண்பிக்கும் என்பதனால், விளம்பர தொல்லை இருக்காது. Twitter ப்ளூ சந்தாதாரர்கள் நிறுவனத்துடன் பணிபுரியும் வெளியீடுகளில் இருந்து பணம் செலுத்தும் கட்டுரைகளுக்கான அணுகலைப் பெறுவார்கள் என்று மஸ்க் முன்பு கூறியிருந்தார். தற்சமயம், இந்த அம்சம் அதன் ஆரம்ப நிலை காரணமாக ப்ளூ சந்தாதாரர்களுக்குக் கிடைக்கவில்லை.

Android அல்லது வெப் பயனர்களுக்கு Twitter Blue எப்போ கிடைக்கும்?

தற்போது, ​​iOS பயன்பாட்டில் உள்ள பயனர்களுக்கு Twitter Blue கிடைக்கிறது. Android அல்லது வெப் வெர்ஷன்களின் புதிய சந்தாக்கள் எதுவும் இப்போதைக்குச் சாத்தியமில்லை என்று ட்விட்டர் இணையதளம் கூறுகிறது. ப்ளூ சந்தா சேவையின் பழைய பதிப்பு, ட்வீட்களை போல்டர்களில் புக்மார்க் செய்யவும், ஆப்ஸ் ஐகானைத் கஸ்டமைஸ் செய்யவும், ட்வீட்களை Undo செய்வதற்கும் பயனர்களை அனுமதிக்கிறது.

Twitter Blue இந்திய விலை பற்றி உங்கள் கருத்து என்ன?

iOS வெர்ஷன் ப்ளூ சந்தாதாரர்களை ஆப்ஸ் தீம்-ற்கான வண்ணமயமான விருப்பங்களிலிருந்து தேர்வுசெய்ய அனுமதிக்கிறது. பர்சனல் நேவிகேஷன் அம்சமும் இதில் உள்ளது. இது உள்ளடக்கம் மற்றும் ட்விட்டர் இடங்களுக்கு விரைவான அணுகலைப் பெறப் பயனர்கள் தங்கள் நேசிகேஷன் பட்டியில் தோன்றுவதைத் தேர்வுசெய்ய அனுமதிக்கிறது. கீழே உள்ள நேவிகேஷன் பட்டியில் வைத்திருக்கக் குறைந்தது இரண்டு மற்றும் ஆறு ஐட்டம்களை தேர்ந்தெடுக்க அனுமதிக்கிறது. Twitter Blue இந்திய விலை பற்றி உங்களுடைய கருத்து என்ன? என்பதைத் தெரியப்படுத்துங்கள்.