டிடிஎச்,கேபிளை தொடர்ந்து இன்டெர்நெட் காலிங் அம்சத்திற்கும் புதிய விதிமுறைகள்: டிராய்.!

ஓவர்-தி-டாப்

கேபிள் மற்றும் டிடிஎச் விதிமுறைகள் மக்கள் பலருக்கும் அதிருப்தியை ஏற்படுத்தியது என்று தான் கூறவேண்டும். மேலும் டிராய் விதிமுறைகளை பின்பற்ற மார்ச் 31-ம் தேதி கால அவகாசம் அளித்திருக்கும் டிராய் இப்போது ஓவர்-தி-டாப் (ott) சேவைகளுக்கு புதிய கட்டுப்பாடுகள் கொண்டுவரும் விதிமுறைகள் அடுத்த இரண்டு மாதங்களுக்குள் அறிவிக்கும் எனத் தெரிவித்துள்ளது.

ஆர்.எஸ்.சர்மா

மேலும் ஸ்பெயின் நாட்டிலுள்ள பார்சிலோனாவில் தற்போது நடந்து வரும் உலக மொபைல் காங்கிரஸ் நிகழ்ச்சியில் தான் ஓவர்-தி-டாப் பற்றிய அறிவிப்பை டிராய் அமைப்பின் தலைவர் ஆர்.எஸ்.சர்மா தெரிவித்தார்.

விரைவில்

டிராய் அமைப்பின் தலைவர் ஆர்.எஸ்.சர்மா தெரிவித்தது என்னவென்றால் OTT சேவைகளுக்கான புதிய திட்டங்களுக்கான மாதிரி இப்போதே எங்களிடம் உள்ளது. விரைவில் புதிய கட்டுப்பாடுகள் மற்றும் பரிந்துரைகளுடன் உங்களைச் சந்திப்போம்'' என்றார்.

இன்டர்நெட் காலிங், மெசேஜிங்

குறிப்பாக உலக மொபைல் காங்கிரஸ் நிகழ்ச்சியில் 5ஜி தொழில்நுட்பத்தால் எந்த மாதிரி சேவைகள் மாறும் என எடுத்துக்காட்டி வருகிறது. மேலும் OTT குறித்த இந்தப் புதிய விதிமுறைகள் இன்டர்நெட் காலிங், மெசேஜிங் போன்றவற்றில் அதிக தாக்கத்தை ஏற்படுத்தாலம் என எதிர்பார்க்கப்படுகிறது.