இன்கமிங் அழைப்பு ஒலி நேரத்தில் அதிரடி மாற்றம் செய்த டிராய்!

அழைப்பு ஒலி நேரம் மாற்றம்

இந்தியாவில் இது வரை செல்போன்களுக்கு வரும் அழைப்புகளின் ஒலி நேரம், வரையறை இல்லாமல் இருந்தது. டெலிகாம் நிறுவனங்களும் அழைப்பு ஒலி நேரமாக சுமார் 30 வினாடிகள் முதல் 45 வினாடிகளை டிராய் வழங்கிவந்தது.

நிலுவையில் இருந்த சர்ச்சைக்கு முடிவு

அண்மையில் இன்கமிங் அழைப்புகளுக்கான ஒலி நேரத்தில் முறைகேடு நடைபெறுவதாகவும், சில நிறுவனங்கள் அதன் மூலம் ஆதாயம் அடைவதாகவும் புகார்கள் கொடுக்கப்பட்டது. இந்த சர்ச்சை பல நாட்களாக நிலுவையிலிருந்து வந்தது.

புதிய ஆணை

தற்பொழுது இதில் மாற்றம் கொண்டு வரத் தொலைத்தொடர்பு ஒழுங்குமுறை நிறுவனமான டிராய் புதிய நடைமுறை அணையைப் பிறப்பித்துள்ளது.

15 நாட்களில் அமல்

டிராய் தற்பொழுது வெளியிட்டுள்ள ஆணையின்படி செல்போன்களுக்கு அழைப்பு ஒலி நேரமாக 30 வினாடியும், லேண்ட்லைன் போனின் அழைப்பு ஒலி நேரமாக 60 வினாடியும் இருக்க வேண்டும் என்று டிராய் உத்தரவிட்டுள்ளது. இந்த மாற்றம் இன்னும் 15 நாட்களுக்குள் அமலுக்கு வரும் என்றும் டிராய் தெரிவித்துள்ளது.