ஆண்ட்ராய்டு மார்ஷ்மல்லோ என்ன எதிர்பார்க்கலாம்

பேட்டரி

ஆண்ட்ராய்டு எம் இயங்குதளத்தின் டோஸ் எனும் அம்சம் மூலம் போனின் நடவடிக்கைகளுக்கு ஏற்ப பேட்டரி சேமிக்கும் திறன் வழங்கப்பட்டுள்ளது. ஆண்ட்ராய்டு லாலிபாப் இயங்குதளத்தை விட இரு மடங்கு அதிகமாக பேட்டரி பேக்கப் வழங்கும் என தெரிவிக்கப்பட்டுள்ளது.

கூகுள் நௌ

கூகுள் நௌ மூலம் இனி எதையும் குரல் மூலமாகவே அறிந்து கொள்ளவோ, தேடவோ முடியும்.

யுஎஸ்பி

ஆண்ட்ராய்டு எம் டைப் சி சார்ஜரையும் சப்போர்ட் செய்யும் என தெரிவித்திருப்பதோடு எந்தெந்த கருவிகளில் சப்போர்ட் செய்யும் என்பது குறித்து எவ்வித தகவல்களையும் வெளியிடவில்லை.

ஆண்ட்ராய்டு பே

என்எப்சி சேவை கொண்ட ஸ்மார்ட்போன்களில் ஆண்ட்ரய்டு பே பயன்படுத்த முடியும், இங்கு விர்ச்சுவல் கார்டு நம்பர் மூலம் ஆண்ட்ராய்டு பே மேலும் பாதுகாக்கப்பட்டுள்ளது.

கைரேகை ஸ்கேனர்

ஆண்ட்ராய்டு எம் இயங்குதளத்தில் கைரேகை ஸ்கேனர் சப்போர்ட் வழங்கப்பட்டுள்ளது. ஏபிஐ பிங்கர்ப்ரின்ட் தற்சமயம் டெவலப்பர்களுக்கு மட்டும் தான் வழங்கப்பட்டுள்ளது. இந்த சேவை விரைவில் பெரும்பாலான கருவிகளில் வேலை செய்யும் என கூகுள் தெரிவித்துள்ளது.

ஆப்

ஆண்ட்ராய்டு செயலிகளை இன்ஸ்டால் செய்யும் போது இனி அனைத்து தகவல்களையும் வழங்க வேண்டிய அவசியம் இருக்காது, மாறாக வாடிக்கையாளர்கள் தாங்கள் விருப்பப்பட்ட தகவல்களை மட்டும் செயலிகளுக்கு வழங்க முடியும்.

ரேம் மேனேஜர்

புதிய ரேம் மேனேஜர் மெமரி பயன்பாடு குறித்து பல தகவல்களை வாடிக்கையாளர்களுக்கு வழங்குகின்றது.

ஆப் டிராயர்

மாற்றியமைக்கப்பட்ட ஆப் டிராயர் ஆண்ட்ராய்டு எம் கொண்டிருக்கின்றது. புதிய வடிவமைப்பில் மேல் இருந்து கீழ் பக்கமாக ஆப்ஸ்களை பார்க்க முடிகின்றது.

ஆட்டோ பேக்கப் மற்றும் ரீஸ்டோர்

ஆட்டோ பேக்கப் மற்றும் ரீஸ்டோர் அம்சம் மூலம் கருவியில் இருக்கும் அனைத்து செயலிகளும் தானாக கூகுள் டிரைவ் மூலம் பேக்கப் செய்யப்படும், இந்த அப்டேட் ஒவ்வொரு 24 மணி நேரத்திற்கும் மேற்கொள்ளப்படுவது குறிப்பிடத்தக்கது.

முகநூல்

இது போன்ற தொழில்நுட்ப செய்திகளை முகநூலில் படிக்க தமிழ் கிஸ்பாட் முகநூல் பக்கம்.