இன்று 'ரிங் ஆஃப் ஃபயர்' சூரிய கிரகணம்: எந்தெந்தப் பகுதிகளில் பார்க்க முடியும்? நாசா தகவல்.!

சரியாக இந்திய நேரப்படி மதியம் 1.42 மணிக்கு இந்த சூரிய கிரகணம் தொடங்கும் என்றும், பின்பு மாலை 6.41 வரை சூரிய கிரகணம் நிகழும் என்று தகவல் வெளிவந்துள்ளது. இருந்தபோதிலும் இந்த சூரிய கிரகணத்தை தமிழ்நாட்டில் பார்க்க முடியாது என்று தெரிவித்துள்ளார்கள்.

அதாவது இந்தியாவில் பெரும்பாலானோர் இந்த சூரிய கிரணகணத்தை பார்க்க முடியாது என்றும், லடாக், அருணாச்சல பிரதேசத்தில் உள்ளவர்கள் மட்டும் சில நிமிடங்கள் இந்த சூரிய கிரணத்தை பார்க்க முடியும் என்றும் தகவல் தெரிவிக்கப்பட்டுள்ளது.

நாசா இணையதளத்தில் வெளிவந்த தகவலின்படி, கனடாவின் சில பகுதிகள், வடக்கு ரஷ்யா மற்றும் கிரீன்லாந்து ஆகிய பகுதிகளில் இருப்பவர்கள் இந்தச் சூரிய கிரகணத்தை முழுமையாகப் பார்க்க முடியும் என்று தெரிவிக்கப்பட்டுள்ளது.

அதேபோல் வடக்கு அலாஸ்கா, கனடா, கிழக்கு அமெரிக்கா, கரீபியனின் சில பகுதிகள், ஐரோப்பா, ஆசியா மற்றும் வடக்கு ஆப்பிரிக்காவில்இந்த கிரகணத்தை பார்க்க முடியும் நாசா அமைப்பு தகவல் தெரிவித்துள்ளது.

இந்த சூரிய கிரகணம் இந்தியாவில் சில இடங்களில் காணப்படாது, ஆனால் நீங்கள் இந்த நிகழ்வை ஆன்லைனில் துல்லியமாகப் பார்க்கலாம். Timeanddate.com ஏற்கனவே சூரிய கிரகணத்தின் நேரடி ஸ்ட்ரீம் இணைப்பை வெளியிட்டுள்ளது. இதன் மூலம் இந்த நிகழ்வை நீங்கள் ஜூன் 10 அன்று ஆன்லைனில் காணலாம். சூரிய கிரகணம் 2021 லைவ் ஸ்ட்ரீம் இணைப்பை நாங்கள் கீழே லிங்க் செய்துள்ளோம்.

இந்த 2021 ஆம் ஆண்டின் இரண்டாவது சூரிய கிரகணத்தை நாம் டிசம்பர் 4 ஆம் தேதி காண இயலும். இந்த அடுத்த சூரிய கிரகண நிகழ்வு இந்தியாவில் காணப்படாது என்பது வேதனை. தென் அமெரிக்கா, பசிபிக், அட்லாண்டிக், இந்தியப் பெருங்கடலின் சில பகுதிகள் மற்றும்
அண்டார்டிக்காவைச் சேர்ந்தவர்கள் 2021 ஆம் ஆண்டின் கடைசி சூரிய கிரகணத்தைக் காண முடியும் என்று தெரிவிக்கப்பட்டுள்ளது.