ஐஓஎஸ் இல் இருக்கும் இதெல்லாம் ஆன்டிராய்டு பயன்படுத்துபவர்களை கடுப்பேற்றும்

By Meganathan

| Updated: Tuesday, April 28, 2015, 10:52 [IST]

ஆன்டிராய்டு மற்றும் ஐஓஎஸ் பயன்படுத்துபவர்கள் தாங்கள் பயன்படுத்தும் கருவி தான் சிறந்தது என்று, அதன் சிறப்பம்சங்களை வைத்து அவ்வப்போது மோதி கொள்வர். பொதுவாக ஆன்டிராய்டு, ஐஓஎஸ் தவிற எந்த இயங்குதளங்களை பயன்படுத்தினாலும் தனிப்பட்ட முறையில் பார்க்கும் போது அவர் அவர் பயன்படுத்தும் மொபைல் அவர்களுக்கு நிச்சயம் பிடிக்கும்.

அதே போன்று ஐஓஎஸ் மற்றும் ஆன்டிராய்டு இரு இயங்குதளங்களும் உலக பிரபலமாக இருப்பதோடு, அவற்றுக்கென தனி சிறப்பம்சங்களும் இருக்க தான் செய்கின்றது. இருந்தும் சில சிறப்பம்சங்களை ஒப்பிடும் போது நிலைமையில் சில மாற்றங்கள் இருக்க தான் செய்யும்.

அந்த வகையில் ஐஓஎஸ் இயங்குதளத்தில் இருக்கும் இந்த சிறப்பம்சங்கள் ஆன்டிராய்டு பயன்படுத்துபவர்களை நிச்சயம் கடுப்பேற்ற தான் செய்யும், அவற்றை அடுத்து வரும் ஸ்லைடர்களில் பாருங்கள்..

வடிவமைப்பில் முரண்பாடு

புதிய வடிவமைப்பு விதிகளை கூகுள் முறையாக பின்பற்றுவது கிடையாது, சில செயலிகளில் இன்றும் பழைய வடிவமைப்பு முறை பின்பற்றப்பட்டு வருகின்றது.

ஐஓஎஸ்

ஆன்டிராய்டு இயங்குதளம் எப்படி பார்த்தாலும் ஐஓஎஸ் இயங்குதளத்துடன் ஒப்பிடவே முடியாது. சில அம்சங்களை மேற்கொள்ள ஆன்டிராய்டில் பல வழிகள் இருக்கும், இதே ஐஓஎஸ் இயங்குதளத்தில் இது குறித்து கற்பனையும் செய்ய முடியாது.

அப்டேட்

ஆன்டிராய்டு இயங்குதளத்தில் புதிய அப்டேட் கிடைக்கும் போது மற்ற ஆன்டிராய்டு கருவிகளும் அப்டேட் ஆக சில மாத கால அவகாசம் தேவைப்படும், ஆனால் ஐஓஎஸ் அப்டேட் வேகமாக அனைத்து கருவிகளுக்கும் வழங்கப்பட்டு விடும்.

ப்ளோட்வேர்

ஆன்டிராய்டு கருவியினை புதிதாக வாங்கும் போது உங்களுக்கு பயனில்லாத பல செயலிகள் ஏற்கனவே இன்ஸ்டால் செய்யப்பட்டிருக்கும், ஆனால் ஐஓஎஸ்களில் இவ்வாறு எதுவும் வழங்கப்பட மாட்டாது.