எகிற செய்யும் எதிர்பார்ப்பு- CES 2022 நிகழ்வில் இந்த அனைத்து ஸ்மார்ட்போன்களும் வெளியிடலாம்!

Published: Tuesday, January 4, 2022, 13:07 [IST]

நுகர்வோர் எலக்ட்ரானிக்ஸ் ஷோ (CES) 2022 விரைவில் நடத்தப்பட இருக்கிறது. கொரோனா தொற்று நோய் காரணமாக கடந்த ஆண்டு ஆன்லைனில் ஹோஸ்ட் செய்யப்பட்டு பின் இந்த நிகழ்ச்சி ஆஃப்லைனுக்கு வந்தது. சிஇஎஸ் 2022 விரைவில் நடத்தப்பட உள்ளது. இந்த நிகழ்ச்சி மீது பலத்த எதிர்பார்ப்பு இருக்கும் போதிலும் பல நெருக்கடி சூழல் காரணமாக இந்த நிகழ்ச்சி எதிர்பார்த்த தேதியை விட முன்னதாகவே முடிவடையும் என எதிர்பார்க்கப்படுகிறது. இதற்கிடையில் பல நிறுவனங்கள் தங்கள் சலுகைகளை இந்த நிகழ்ச்சி தளத்தில் அறிவிக்கும் என கூறப்படுகிறது.

சிஇஎஸ் 2022

ஸ்மார்ட்போன்கள் குறித்து பேசுகையில், மிகவும் எதிர்பார்க்கப்பட்ட ஸ்மார்ட்போன்களில் ஒன்று சாம்சங் கேலக்ஸி எஸ்21 எஃப்இ சாதனமாகும். இந்த ஸ்மார்ட்போன் சிஇஎஸ் 2022-ல் வெளியிடப்படும் என எதிர்பார்க்கப்படுகிறது. அதுமட்டுமின்றி ஒன்பிளஸ் 10 ஸ்மார்ட்போன் எனப்படும் அடுத்த ஜென் ஃபிளாக்ஷிப் மாடலும் இந்த நிகழ்ச்சியில் வெளியிடப்படலாம் என கூறப்படுகிறது. அதுமட்டுமின்றி பிற ஸ்மார்ட்போன்கள் குறித்த தகவல்களும் வெளியாகியுள்ளன. சிஇஎஸ் 2022 நிகழ்ச்சியில் வெளியிடப்படும் என எதிர்பார்க்கப்படும் ஸ்மார்ட்போன்களின் விவரங்களை முழுமையாக பார்க்கலாம்.