கூகுள் மேப்ஸ் வசதியால் ஏற்பட்ட சிக்கல்: மன்னிப்பு கேட்ட மாப்பிள்ளை வீட்டார்.!

அதேபோல் ஓட்டுநர்கள் முதல் சாலை பாதசாரிகள் வரை இந்த கூகுள் மேப்ஸ் வசதியை அதிகம் பயன்படுத்துகின்றனர், காரணம் முன்பின் தெரியாத இடத்துக்கு முகவரியை மட்டும் வைத்து கொண்டு செல்வோருக்கு பேருதவி செய்கிறது இந்த கூகுள் மேப்ஸ்.

இந்நிலையில் இந்தோனேஷியாவில் கூகுள் மேப் வழிகாட்டுதலால் மணமகன் குடும்பத்தினர் வேறொரு திருமண மண்டபத்திற்கு சென்றதால் குழுப்பம் ஏற்பட்டுள்ளது. மேலும் இதைப் பற்றி விரிவான தகவல்களை பார்ப்போம்.

அதாவது சில நேரங்களில் கூகுள் மேப்ஸ் பல நபர்களை சுற்றலில் விட்ட கதைகள் உண்டு. அப்படியான சம்பவம் தான்
இந்தோனேஷியாவில் அரங்கேறியிருக்கிறது. அதன்படி இந்தோனேஷியாவைச் சேர்ந்த வாலிபர் ஒருவருக்கு திருமணம் நடைபெற இருந்தது.

மேலும் இந்திதோனேசியாவில் இருக்கும் மத்திய ஜாவாவில் நடைபெறவிருந்த திருமணத்திற்கு மாப்பிள்ளை வீட்டார் அனைவரும் கார் மற்றும் வேனில் செல்ல திட்டமிட்டனர். குறிப்பாக மண்டபம் இருக்கும் பகுதியை தெரிந்துகொள்ள கூகுள் மேப்ஸ் வசதியை அனைவரும் பயன்படுத்தியுள்ளனர்.

அதாவது கூகுள் மேப்ஸ் மூலம் வழியை பார்த்து கொண்டு அனைவரும் சென்று கொண்டிருந்தார்கள். அந்த சமயம் ஒரு மண்டபத்ததை கூகுள் மேப்ஸ் காட்டியுள்ளது. உடனே அனைவரும் இறங்கி மண்டபத்தின் உள்ளே சென்றுள்ளனர். பின்பு அந்த மண்டபத்தில் வேறொரு மணமகள் மண மேடையில் அமர்ந்திருப்பதை கண்டு அனைவரும் அதரிச்சி அடைந்தனர்.

அதன்பின்பு கூகுள் மேப் வழிதவறி வேறொரு திருமண மண்டபத்திற்கு அனைவரையும் அழைத்து சென்றது என்பது தெரியவந்தது. அதாவது ஜாவா தீவில் இரு மண்டபங்கள் அடுத்த அடுத்த தெருவில் உள்ளதால் தான் கூகுள் மேப்ஸ் சற்று குழம்பிவிட்டது என்று அவர்கள் கூறியுள்ளனர்.

எனவே அங்கிருந்த அனைவரிடமும் மன்னிப்பு கேட்டுவிட்டு பின்னர் சரியான பாதையை அங்கிருந்தவர்களிடம் கேட்டுத் தெரிந்து கொண்டு ஒரு வழியாக சரியான மண்டபத்திற்கு வந்தடைந்தனர். மேலும் கூகுள் மேப்ஸ் வசதியால் வழி தவறி வேறொரு திருமண மண்டபத்திற்கு சென்ற மாப்பிள்ளை வீட்டாரால் அப்பகுதியினரிடையே சிறுது நேரம் பரபரப்பு ஏற்பட்டது என்று தகவல் வெளிவந்துள்ளது.